Deepika Padukone | రెండోసారి త‌ల్ల‌యిన దీపికా ప‌డుకోణ్ – పండంటి ఆడ‌బిడ్డ‌కు జ‌న్మ‌నిచ్చిన బాలీవుడ్ హీరోయిన్‌

బాలీవుడ్ జంట ర‌ణ‌వీర్‌సింగ్‌, దీపికా ప‌డుకోణ్ త‌ల్లిదండ్రులుగా మారారు. శ‌నివారం పండంటి ఆడ‌బిడ్డ‌కు దీపికా జ‌న్మ‌నిచ్చింది. ఈ గుడ్‌న్యూస్‌ను ర‌ణ‌వీర్‌సింగ్‌, దీపికా ప‌డుకోణ్ ఇన్‌స్టాగ్రామ్ ద్వారా స్వ‌యంగా ప్ర‌క‌టించారు. ఓ చిన్నారి పాద‌ముద్ర‌తో కూడిన ఫొటోను అభిమానుల‌తో పంచుకున్నారు.

Naresh N

Entertainment | Published On Sep 19, 2026, 7.39 pm IST

Deepika Padukone | రెండోసారి త‌ల్ల‌యిన దీపికా ప‌డుకోణ్ – పండంటి ఆడ‌బిడ్డ‌కు జ‌న్మ‌నిచ్చిన బాలీవుడ్ హీరోయిన్‌

Deepika Padukone |బాలీవుడ్ హీరోయిన్ దీపికా ప‌డుకోణ్ రెండోసారి త‌ల్ల‌య్యింది. శ‌నివారం పండంటి ఆడ‌బిడ్డ‌కు జ‌న్మ‌నిచ్చింది. ఈ విష‌యాన్ని దీపికా ప‌డుకోణ్‌, ర‌ణ‌వీర్‌సింగ్ ఇన్‌స్టాగ్రామ్ ద్వారా స్వ‌యంగా ప్ర‌క‌టించారు. చిన్నారి పాదం గుర్తుతో కూడిన ఓ ఫొటోను అభిమానుల‌తో పంచుకున్నారు. వెల్‌క‌మ్ బేబీ గ‌ర్ల్ అంటూ ఈ ఫొటోపై రాసి ఉంది. డేట్‌తో ర‌ణ‌వీర్‌సింగ్‌, దీపికా ప‌డుకోణ్‌తో పాటు వారి కూతురు దువా పేర్లు ఈ ఫొటోపై రాసి ఉన్నాయి. దీపికా, ర‌ణ‌వీర్‌సింగ్‌ల‌కు బాలీవుడ్ ప్ర‌ముఖ‌ల‌తో పాటు అభిమానులు శుభాకాంక్ష‌లు చెబుతోన్నారు.

సిద్ధి వినాయ‌క గుడి...

శుక్ర‌వారం భ‌ర్త ర‌ణ‌వీర్‌సింగ్‌తో క‌లిసి ముంబైలోని సిద్ధి వినాయ‌క గుడిని దీపికా ప‌డుకోణ్ ద‌ర్శించుకుంది. బేబీ బంప్‌తో ఆమె గుడిలో క‌నిపించిన ఫొటోలు, వీడియోలు సోష‌ల్ మీడియాలో వైర‌ల్ అయ్యాయి. వినాయ‌కుడిని ద‌ర్శించుకున్న త‌ర్వాత రోజే దీపికా ప‌డుకోణ్ త‌ల్లిగా మారింది.

అల్లు అర్జున్ రాకా...

ర‌ణ‌వీర్ సింగ్‌ను ప్రేమించిన దీపికా ప‌డుకోణ్ 2018లో అత‌డిని పెళ్లి చేసుకుంది. 2024లో వీరికి కూతురు దువా జ‌న్మించింది. ప్ర‌స్తుతం అల్లు అర్జున్ రాకాతో పాటు షారుఖ్ ఖాన్ కింగ్ సినిమాల్లో దీపికా ప‌డుకోణ్ హీరోయిన్‌గా న‌టిస్తోంది. మ‌రోవైపు ధురంధ‌ర్‌, ధురంధ‌ర్ 2 సినిమాల‌తో కెరీర్‌లోనే బిగ్గెస్ట్ హిట్స్‌ను అందుకున్నాడు ర‌ణ‌వీర్‌సింగ్‌.