Deepika Padukone | రెండోసారి త‌ల్లి కాబోతున్న దీపికా ప‌దుకొనే – ప్రెగ్నెన్సీ కిట్ ఫొటోతో స్వీట్ సర్ ప్రైజ్

Deepika Padukone |  బాలీవుడ్ స్టార్ హీరోయిన్ దీపికా ప‌దుకొనే గుడ్‌న్యూస్ వినిపించింది. మ‌రోసారి తాను త‌ల్లిగా మార‌బోతున్న‌ట్లు ఆదివారం ప్ర‌క‌టించింది. ప్రెగ్నెన్సీ టెస్ట్‌ కిట్ ఫొటోను ఇన్‌స్టాగ్రామ్‌లో పోస్ట్ చేసింది. బాలీవుడ్‌లో స్టార్ క‌పుల్‌గా వెలుగొందుతున్న ర‌ణ‌వీర్ సింగ్‌, దీపికా ప‌దుకొనే 2018లో పెళ్లి చేసుకున్నారు. రెండేళ్ల క్రితం పండ‌టి ఆడ‌బిడ్డ‌కు దీపికా జ‌న్మ‌నిచ్చింది. కూతురుకు దువా అని పేరు పెట్టుకున్నారు.

ఇన్‌స్టాగ్రామ్‌లో సేమ్ పోస్ట్‌....

తాజాగా మ‌రోసారి తాము పేరెంట్స్‌గా మార‌బోతున్న‌ట్లు ర‌ణ‌వీర్‌, దీపికా ప్ర‌క‌టించారు. ఈ మేర‌కు ఇన్‌స్టాగ్రామ్‌లో ఇద్ద‌రూ వేర్వేరుగా ఒకే ఫొటోను పోస్ట్ చేశారు. ఇందులో వారి కూతురు దువా ప్రెగ్నెన్సీ టెస్ట్ కిట్ ప‌ట్టుకొని ఉంది. ఆ కిట్‌లో పాజిటివ్ అని సింబ‌ల్ క‌నిపిస్తోంది. ఈ ఫొటోలో దువాను ర‌ణ‌వీర్‌సింగ్ ఎత్తుకోగా...కూతురి చేతుల‌ను ప్రేమ‌గా ప‌ట్టుకొని దీపికా క‌నిపిస్తోంది. ఈ పోస్ట్‌కు రెండు దిష్టి బొమ్మ ఎమోజీల‌ను దీపికా జోడించింది. ర‌ణ‌వీర్‌సింగ్‌, దీపికా పోస్ట్ చేసిన ఈ ఫొటో సోష‌ల్ మీడియాలో వైర‌ల్ అవుతోంది.

స‌మంత హార్ట్ ఎమోజీ...

సినీ ప్ర‌ముఖుల‌తో పాటు నెటిజ‌న్లు ర‌ణ‌వీర్‌సింగ్‌, దీపికా ప‌దుకొనేలోకు శుభాకాంక్ష‌లు చెబుతున్నారు. స‌మంత హార్ట్ ఎమోజీతో రిప్లై ఇచ్చింది. స్వీట్ స‌ర్‌ప్రైజ్ అంటూ నెటిజ‌న్లు కామెంట్లు పెడుతున్నారు. దువా అక్క‌గా ప్ర‌మోష‌న్ పొంద‌బోతుంద‌ని అంటున్నారు.

తెలుగులోసినిమాలు...

ప్ర‌స్తుతం దీపికా ప‌దుకొనే బాలీవుడ్‌తో పాటు తెలుగులో సినిమాలు చేస్తోంది. అల్లు అర్జున్, అట్లీ కాంబినేష‌న్‌లో రూపొందుతోన్న రాకాలో హీరోయిన్‌గా న‌టిస్తోంది. సైన్స్ ఫిక్ష‌న్ యాక్ష‌న్‌గా తెర‌కెక్కుతోన్న ఈ మూవీ వ‌చ్చే ఏడాది రిలీజ్ కాబోతుంది. హిందీలో షారుఖ్ ఖాన్‌తో కింగ్ సినిమా చేస్తోంది. ఈ రెండు సినిమాల్లో యాక్ష‌న్ రోల్స్ చేస్తోంది.

బిగ్గెస్ట్ హిట్‌...

మ‌రోవైపు ఇటీవ‌లే ధురంధ‌ర్ 2తో కెరీర్‌లోనే బిగ్గెస్ట్ హిట్‌ను అందుకున్నాడు ర‌ణ‌వీర్‌సింగ్‌. స్పై యాక్ష‌న్ థ్రిల్ల‌ర్‌గా తెర‌కెక్కిన ఈ సినిమా 1750 కోట్ల వ‌సూళ్ల‌ను ద‌క్కించుకుంది. బాలీవుడ్‌లోనే హ‌య్యెస్ట్ క‌లెక్ష‌న్స్ రాబ‌ట్టిన మూవీగా రికార్డ్ క్రియేట్ చేసింది.

 

View this post on Instagram

 

A post shared by दीपिका पादुकोण (@deepikapadukone)