Ameesha Patel | బాలీవుడ్ హీరోయిన్ అమీషా ప‌టేల్ ఇంట్లో దొంగ‌త‌నం – ప‌నిమ‌నిషి అరెస్ట్‌

Ameesha Patel | బాలీవుడ్ సీనియ‌ర్ హీరోయిన్ అమీషా ప‌టేల్ ఇంట్లో దొంగ‌త‌నం జ‌రిగింది. ఈ చోరీకి సంబంధించి ఇంట్లో ప‌నిచేసే వ్య‌క్తిని పోలీసులు అదుపులోకి తీసుకున్న‌ట్లు తెలిసింది. ముంబాయిలోని చ‌ర్చిగేట్ స‌మీపంలో అమీషా ప‌టేల్ కుటుంబం నివాసం ఉంటుంది ఆమె త‌ల్లితో పాటు కొంత‌మంది బంధువులు ఈ ఇంట్లో ఉంటున్నారు.

ఖ‌రీదైన న‌గ‌లు...

ఇటీవ‌లే ఈ ఇంట్లో దొంగ‌త‌నం జ‌రిగింది. ఐదు ల‌క్ష‌ల విలువైన వ‌జ్రాలు పొదిగిన ఓ బంగారు గాజుతో పాటు మ‌రికొన్ని ఖ‌రీదైన ఆభ‌ర‌ణాలు చోరీకి గుర‌య్యారు. ఈ దొంగ‌న‌తంపై అమీషా ప‌టేల్ త‌ల్లి ఆశా ప‌టేల్ పోలీసుల‌కు కంప్లైంట్ ఇచ్చింది.

ఇంట్లో ప‌నిచేసే వ్య‌క్తి...

పోలీసుల ఇన్వేస్టిగేష‌న్‌లో అమీషా ప‌టేల్ ఇంట్లో ప‌నిచేసే వ్య‌క్తి ఒక‌రు ఈ దొంగ‌త‌నానికి పాల్ప‌డిన‌ట్లు వెల్ల‌డైంది. అత‌డిని అదుపులోకి తీసుకున్న‌ట్లు స‌మాచారం. అత‌డి నుంచి బంగారు ఆభ‌ర‌ణాల‌ను రిక‌వ‌రీ చేసే ప్ర‌య‌త్నంలో ఉన్న‌ట్లు చెబుతున్నారు. ఈ చోరీపై అమీషా ప‌టేల్ ఫ్యామిలీ రియాక్ట్ కాలేదు.

స్టార్ హీరోయిన్‌గా...

2000 ద‌శ‌కంలో బాలీవుడ్‌లో స్టార్ హీరోయిన్ల‌లో ఒక‌రిగా పేరుతెచ్చుకుంది అమీఫా ప‌టేల్‌. కహో నా ప్యార్ హై బాలీవుడ్‌లోకి ఎంట్రీ ఇచ్చిన అమీషా ప‌టేల్ ప‌లు సూప‌ర్ హిట్ సినిమాల్లో న‌టించింది. తెలుగులో మ‌హేష్‌బాబు నాని, ఎన్టీఆర్ న‌ర‌సింహుడు సినిమాలు చేసింది. 2017లో వ‌చ్చిన భ‌య్యాజీ సూప‌ర్ హిట్ త‌ర్వాత సినిమాల‌కు గ్యాప్ ఇచ్చిన అమీషా ప‌టేల్ గ‌ద‌ర్ 2తో మ‌ళ్లీ రీఎంట్రీ ఇచ్చింది. స‌న్నీడియోల్ హీరోగా న‌టించిన ఈ మూవీ థియేట‌ర్ల‌లో ఆరు వంద‌ల కోట్ల‌కుపైగా వ‌సూళ్ల‌ను ద‌క్కించుకుంది.