Bigg Boss 9 Telugu | బిగ్‌బాస్ 9 తెలుగు గ్రాండ్ ఫినాలే డేట్ ఫిక్స్ – చీఫ్ గెస్ట్‌గా మెగాస్టార్ – విన్న‌ర్ ఎవ‌రంటే?

Bigg Boss 9 Telugu |బిగ్‌బాస్ 9 తెలుగు (Bigg Boss Telugu)ఎండింగ్‌కు చేరుకుంది. ఫైన‌ల్‌లోకి ఐదుగురు కంటెస్టెంట్స్ అడుగుపెట్టారు. త‌నూజ‌తో పాటు ఇమ్మాన్యుయేల్‌, సంజ‌నా గ‌ల్రానీ, డిమోన్ ప‌వ‌న్‌, క‌ళ్యాణ్ ప‌డాల టాప్ ఫైవ్ కంటెస్టెంట్స్‌గా నిలిచారు. ఈ ఐదుగురిలో విన్న‌ర్‌గా ఎవ‌రు నిలుస్తారు? గ్రాండ్ ఫినాలేకు ముందు ఎవ‌రు ఎలిమినేట్ అవుతార‌న్న‌ది ఆస‌క్తిక‌రంగా మారింది. ప్ర‌స్తుతం ఓటింగ్ ప‌రంగా చూసుకుంటే త‌నూజ టాప్‌లో ఉన్నట్లు స‌మాచారం. స్టార్ మా ఓటింగ్‌లో క‌ళ్యాణ్ ప‌డాల ముందున్న‌ట్లు తెలిసింది. మిస్స్‌డ్ కాల్స్‌లో ఓటింగ్‌లో త‌నూజ దూసుకుపోతున్న‌ట్లు చెబుతున్నారు. ఓవ‌రాల్ ఓటింగ్‌లో క‌ళ్యాణ్ దాటేసి త‌నూజ టాప్‌లో ఉంద‌ట‌. అయితే ఇద్ద‌రి మ‌ధ్య తేడా మాత్రం త‌క్కువేన‌ని అంటున్నారు. టైటిల్ కోసం ఇద్ద‌రి మ‌ధ్య హోరాహోరీగా పోటీ ఉండే అవ‌కాశం క‌నిపిస్తోంది. త‌నూజ, క‌ళ్యాణ్ ప‌డాల‌లోనే ఒక‌రు విన్న‌ర్‌గా నిలిచే అవ‌కాశం ఉన్న‌ట్లు వార్త‌లు వినిపిస్తున్నాయి. ఇమాన్యుయేల్‌, సంజ‌నా గ‌ల్రానీ, డిమోన్ ప‌వ‌న్ ఫైనాల్‌లో ఎలిమినేట్ అయ్యే ఛాన్సెస్ ఉన్నాయ‌ని అంటున్నారు.

చిరంజీవి గెస్ట్‌...

బిగ్‌బాస్ తెలుగు సీజ‌న్ 9 గ్రాండ్ ఫినాలే డిసెంబ‌ర్ 21న జ‌రుగ‌నుంది. ఇప్ప‌టికే ఫైన‌ల్‌కు సంబంధించిన ఏర్పాట్లు మొద‌లైన‌ట్లు తెలిసింది. ఈ గ్రాండ్ ఫినాలే ఈవెంట్‌కు మెగాస్టార్ చిరంజీవి (Chiranjeevi) చీఫ్ గెస్ట్‌గా హాజ‌రుకానున్న‌ట్లు స‌మాచారం. ఈ ఫైన‌ల్‌లో మ‌న శంక‌ర వ‌ర‌ప్ర‌సాద్‌గారు సినిమాను డైరెక్ట‌ర్ అనిల్ రావిపూడితో క‌లిసి చిరంజీవి ప్ర‌మోట్ చేయ‌నున్న‌ట్లు టాక్ వినిపిస్తోంది. చిరంజీవితో పాటు ర‌వితేజ‌, న‌వీన్ పొలిశెట్టి స‌హా సంక్రాంతికి సినిమాల‌కు సంబంధించిన మ‌రికొంద‌రు హీరోలు, హీరోయిన్లు బిగ్‌బాస్ ఫినాలేలో సంద‌డి చేయ‌బోతున్న‌ట్లు టాక్ వినిపిస్తోంది. స్పెష‌ల్ ప‌ర్ఫార్మెన్స్‌లు ఉంటాయ‌ట‌.బిగ్‌బాస్ విన్న‌ర్‌కు యాభై ల‌క్ష‌ల ప్రైజ్‌మ‌నీ ద‌క్క‌బోతుంది. అలాగో ఓ ల‌గ్జ‌రీ కారును కూడా గిఫ్ట్‌గా ఇవ్వ‌బోతున్న‌ట్లు స‌మాచారం. కాగా బిగ్‌బాస్ గ్రాండ్ ఫినాలే డిసెంబ‌ర్ 21న సాయంత్రం ఏడు గంట‌ల నుంచి స్టార్ మాతో పాటు జియో హాట్‌స్టార్‌లో స్ట్రీమింగ్ కానున్న‌ట్లు తెలిసింది. గ్రాండ్ ఫినాలేలో బిగ్‌బాస్ సీజ‌న్ 10కు సంబంధించిన స్పెష‌ల్ అప్‌డేట్‌ను కూడా అనౌన్స్‌చేస్తార‌ని ప్ర‌చారం జ‌రుగుతోంది.