Bellamkonda Sreenivas | ప్రియురాలిని పెళ్లాడిన టాలీవుడ్ హీరో

Bellamkonda Sreenivas |  టాలీవుడ్ హీరో బెల్లంకొండ శ్రీనివాస్ ఓ ఇంటివాడ‌య్యారు. ప్రియురాలు కావ్య రెడ్డితో శ్రీనివాస్ పెళ్లి తిరుమ‌ల శ్రీ వెంక‌టేశ్వ‌ర స్వామి స‌న్నిధిలో బుధ‌వారం రాత్రి ఘ‌నంగా జ‌రిగింది. ఈ జంట వివాహ వేడుక‌లో తెలంగాణ డిప్యూటీ సీఎం మ‌ల్లు భ‌ట్టి విక్ర‌మార్క‌, టీటీడీ ఛైర్మ‌న్ బీఆర్ నాయుడు తో పాటు కుటుంబ‌స‌భ్యులు, అతి కొద్ది మంది స‌న్నిహితులు పాల్గొన్నారు.
మే 1న హైద‌రాబాద్‌లో శ్రీనివాస్‌, కావ్య‌రెడ్డి వెడ్డింగ్ రిసెప్ష‌న్ జ‌రుగ‌నుంది. ఈ రిసెప్ష‌న్‌కు టాలీవుడ్ సినీ ప్ర‌ముఖుల‌తో పాటు రాజ‌కీయ నాయ‌కులు హాజ‌రుకాబోతున్నారు.

రెండేళ్లుగా ప్రేమ‌లో...

గ‌త రెండేళ్లుగా శ్రీనివాస్‌, కావ్య రెడ్డి ప్రేమ‌లో ఉన్న‌ట్లు స‌మాచారం. కావ్య రెడ్డి తండ్రితో పాటు తాత‌య్య న్యాయ‌వాదులుగా స్థిర‌ప‌డిన‌ట్లు తెలిసింది. పెద్ద‌ల అంగీకారంతోఈ జంట పెళ్లి బంధంలోకి అడుగుపెట్టారు.

కిష్కింద‌పురి....

గ‌త ఏడాది కిష్కింద‌పురి మూవీతో హీరోగా బిగ్గెస్ట్ హిట్‌ను అందుకున్నాడు శ్రీనివాస్‌. హార‌ర్ థ్రిల్ల‌ర్‌గా రూపొందిన ఈ సినిమా ఇర‌వై కోట్ల‌కుపైగా వ‌సూళ్ల‌ను ద‌క్కించుకుంది. ప్ర‌స్తుతం టైస‌న్ నాయుడు, హైంద‌వ‌తో పాటు మ‌రో సినిమా చేస్తున్నాడు.

తిరుమలలో అంగరంగ వైభవంగా జరిగిన హీరో బెల్లంకొండ సాయి శ్రీనివాస్ పెళ్లి#BellamkondaSreenivas @BSaiSreenivas

నూతన వధూవరుల కు శుభాకాంక్షలు 🎉 pic.twitter.com/3FObYdND0q

— H A N U (@HanuNews) April 30, 2026