Bellamkonda Srinivas | టాలీవుడ్ హీరో పెళ్లి డేట్ ఫిక్స్ – డెస్టినేష‌న్ వెడ్డింగ్ కాదు…గుడిలో సింపుల్‌గా …

Bellamkonda Srinivas | టాలీవుడ్ యంగ్ హీరో బెల్లంకొండ శ్రీనివాస్ త్వ‌ర‌లోనే పెళ్లిపీట‌లు ఎక్క‌బోతున్నాడు. ప్రియురాలు కావ్య రెడ్డి తో వ‌చ్చే నెల‌లోనే ఏడ‌డుగులు వేయ‌బోతున్నాడు. ఇటీవ‌లే కాబోయే భార్య కావ్య‌ను అభిమానుల‌కు ప‌రిచ‌యం చేశారు బెల్లంకొండ శ్రీనివాస్‌. రోకా వేడుక‌ను నిర్వ‌హించారు. ఈ వేడుక తాలూకు ఫొటోలు సోష‌ల్ మీడియాలో వైర‌ల్ అయ్యాయి.

ఏప్రిల్ 29న పెళ్లి...

బెల్లంకొండ శ్రీనివాస్‌, కావ్య పెళ్లి డేట్‌తో పాటు వేదిక కూడా ఖ‌రారైన‌ట్లు స‌మాచారం. ఏప్రిల్ 5న హైద‌రాబాద్‌లో ఈ జంట నిశ్చితార్థం జ‌రుగ‌నుంద‌ట‌. ఏప్రిల్ 29ని పెళ్లి వేడుక‌కు ముహూర్తంగా ఫిక్స్ చేసిన‌ట్లు స‌మాచారం. మే 1న హైద‌రాబాద్‌లో సినీ ప్ర‌ముఖుల కోసం గ్రాండ్‌గా రిసెప్ష‌న్ ఏర్పాటుచేయ‌బోతున్నార‌ట‌.

సింపుల్‌గా పెళ్లిలో...

సాధార‌ణంగా హీరోహీరోయిన్లు డెస్టినేష‌న్ వెడ్డింగ్‌కు ఎక్కువ‌గా ప్ర‌యారిటీ ఇస్తున్నారు. లేదంటే ఫారిన్‌లోనూ త‌మ పెళ్లి వేడుక‌ల‌ను జ‌రుపుకోవ‌డం కామ‌న్‌. కానీ బెల్లంకొండ శ్రీనివాస్, కావ్య రెడ్డి పెళ్లి మాత్రం తిరుప‌తిలో సింపుల్‌గా జ‌రుగ‌నున్న‌ట్లు ప్ర‌చారం జ‌రుగుతోంది. తిరుమ‌ల‌లోనే త‌మ పెళ్లి వేడుక‌ను జ‌రుపుకోవాల‌ని ఈ జంట నిర్ణ‌యించుకున్న‌ట్లు చెబుతోన్నారు.
కావ్య రెడ్డితో బెల్లంకొండ శ్రీనివాస్ చాలా కాలంగా ప్రేమ‌లో ఉన్న‌ట్లుగా స‌మాచారం. కావ్య తండ్రి లాయ‌ర్ అని టాక్ వినిపిస్తోంది.
కాగా గ‌త ఏడాది రిలీజైన కిష్కింద‌పురి మూవీతో హీరోగా బ్లాక్‌బ‌స్ట‌ర్‌ను అందుకున్నాడు బెల్లంకొండ శ్రీనివాస్‌. హార‌ర్ థ్రిల్ల‌ర్‌గా తెర‌కెక్కిన ఈ మూవీ నిర్మాత‌ల‌కు మంచి లాభాల‌ను తెచ్చిపెట్టింది. కిష్కింద‌పురి త‌ర్వాత టైస‌న్ నాయుడుతో పాటు హైంద‌వ సినిమాలు చేస్తున్నాడు.