Telugu OTT | ఈ వీకెండ్ ఓటీటీలో మిస్స‌వ్వ‌కుండా చూడాల్సిన తెలుగు సినిమాలు ఇవే

Telugu OTT | ఈ శుక్ర‌వారం ఒక్క రోజే ఓటీటీలో ఇర‌వైకిపైగా సినిమాలు రిలీజ‌య్యాయి. స‌స్పెన్స్‌, థ్రిల్ల‌ర్‌, కామెడీ, రొమాన్స్‌తో పాటు డిఫ‌రెంట్ జాన‌ర్స్‌తో కూడిన సినిమాలు ఓటీటీ ఆడియెన్స్‌ను మెప్పించేందుకు సిద్ధ‌మ‌య్యాయి. అందులో కొన్ని తెలుగు మూవీస్‌ కూడా ఉన్నాయి. ఈ వీకెండ్ మిస్స‌వ్వ‌కుండా చూడాల్సిన ఆ తెలుగుసినిమాలు ఏవంటే?

బ్యాండ్‌మేళం...

కోర్టు మూవీ ఫేమ్ హ‌ర్ష్‌రోష‌న్‌, శ్రీదేవి జంట‌గా న‌టించిన లేటెస్ట్ మూవీ బ్యాండ్‌మేళం జీ5 ఓటీటీలో రిలీజైంది. సీనియ‌ర్ రైట‌ర్ కోన వెంక‌ట్ నిర్మించిన ఈ సినిమాకు స‌తీష్ జ‌వ్వాజి ద‌ర్శ‌క‌త్వం వ‌హించాడు. బావామ‌ర‌ద‌ళ్ల ప్రేమ‌క‌థ‌తో తెలంగాణ బ్యాక్‌డ్రాప్‌లో రూపొందిన బ్యాండ్‌మేళం థియేట‌ర్ల‌లో యావ‌రేజ్ టాక్‌ను సొంతం చేసుకుంది.

లేచింది మ‌హిళా లోకం...

మంచు ల‌క్ష్మి, అన‌న్య నాగ‌ళ్ల‌, సుప్రిత ప్ర‌ధాన పాత్ర‌ల్లో న‌టించిన క్రైమ్ కామెడీ మూవీ లేచింది మ‌హిళా లోకం స‌న్ నెక్స్ట్‌తో పాటు అమెజాన్ ప్రైమ్ ఓటీటీలో స్ట్రీమింగ్ అవుతోంది. అర్జున్‌, కార్తీక్ ద‌ర్శ‌క‌త్వం వ‌హించిన ఈ మూవీ థియేట‌ర్ల‌లో డిజాస్ట‌ర్‌గా నిలిచింది. త‌న భ‌ర్త‌ను చంప‌డానికి మ‌రో ఐదుగురు మ‌హిళ‌ల‌లో క‌లిసి ఓ గృహిణి ఎలాంటి ప్లాన్ వేసింద‌నే పాయింట్‌తో ఈ మూవీ రూపొందింది.

హ్యాపీ రాజ్‌...

మ్యూజిక్ డైరెక్ట‌ర్ జీవీ ప్ర‌కాష్ కుమార్ హీరోగా న‌టించిన హ్యాపీరాజ్ మూవీని తెలుగులో అమెజాన్ ప్రైమ్ వీడియోలో చూడొచ్చు. ఈ రొమాంటిక్ మూవీలో శ్రీగౌరిప్రియ హీరోయిన్‌గా న‌టించింది. మారియా రాజా ద‌ర్శ‌క‌త్వం వ‌హించాడు. త‌న ల‌వ్ బ్రేక‌ప్‌కు తండ్రి కార‌ణ‌మ‌ని అత‌డిని ద్వేషించే ఓ కొడుకు క‌థ‌తో ద‌ర్శ‌కుడు ఈ సినిమాను రూపొందించారు. ఇందులో ప్రేమ‌దేశం హీరో అబ్బాస్ హీరోయిన్ తండ్రిగా కీల‌క పాత్ర‌లో క‌నిపించాడు.

ప్ర‌తిఛాయ‌

మ‌ల‌యాళం పొలిటిక‌ల్ థ్రిల్ల‌ర్ మూవీ ప్ర‌తిఛాయ తెలుగులో జియో హాట్‌స్టార్‌లో స్ట్రీమింగ్ అవుతోంది. నివీన్ పాల్ హీరోగా న‌టించాడు. ఈ సినిమాకు బీ ఉన్నికృష్ణ‌న్ ద‌ర్శ‌క‌త్వం వ‌హించాడు.
ఇవే కాకుండా గ్రీన్‌లాండ్ 2 (ల‌య‌న్స్ గేట్ ప్లే), నీ ఫ‌రెవ‌ర్ (స‌న్ నెక్స్ట్‌), అపెక్స్‌తో (నెట్‌ఫ్లిక్స్‌) పాటు మ‌రికొన్ని సినిమాలు ఈ వీక్‌లోనే తెలుగులోనూ విడుద‌ల‌య్యాయి.