Balakrishna Daughter | హీరోయిన్‌గా బాల‌కృష్ణ కూతురు – ఊహించ‌ని రోల్‌తో ఎంట్రీ

Balakrishna Daughter |  తెలుగు సినీ ప‌రిశ్ర‌మ‌లో వార‌సుల‌తో పోలిస్తే వార‌సురాళ్లు చాలా త‌క్కువే క‌నిపిస్తారు. ప్ర‌స్తుతం టాలీవుడ్‌లో టాప్ హీరోలుగా కొన‌సాగుతోన్న వారంద‌రూ వార‌స‌త్వంతోనే ఇండ‌స్ట్రీకి ప‌రిచ‌య‌మ‌య్యారు. వార‌సురాళ్లు మాత్రం ఎవ‌రూ హీరోయిన్లుగా స‌క్సెస్ కాలేదు. ఇప్పుడిప్పుడే ఈ ట్రెండ్ మారుతోంది. త‌మ ఇంటి అమ్మాయిల‌ను ఇండ‌స్ట్రీకి ప‌రిచ‌యం చేయ‌డానికి స్టార్స్ రెడీ అంటున్నారు.

మెసేజ్ ఓరియెంటెడ్...

టాలీవుడ్ అగ్ర క‌థానాయ‌కుడు బాల‌కృష్ణ కూతురు తేజ‌స్విని న‌టిగా అరంగేట్రం చేయ‌బోతుంది. హీరోయిన్‌గా ఓ సినిమాకు గ్రీన్‌సిగ్న‌ల్ ఇచ్చింది. రెగ్యుల‌ర్ క‌మ‌ర్షియ‌ల్ సినిమాలా కాకుండా మెసేజ్ ఓరియెంటెడ్ క‌థ‌తో ఈ సినిమా ఉండ‌బోతున్న‌ట్లు చెబుతున్నారు. స్పోర్ట్స్ డ్రామా థ్రిల్ల‌ర్‌గా తెర‌కెక్కుతోన్న ఈ మూవీలో ఓ ప‌వ‌ర్‌ఫుల్ రోల్‌ను తేజ‌స్విని క‌నిపించ‌బోతున్న‌ట్లు టాక్ వినిపిస్తోంది. క‌థ‌తో పాటు త‌న పాత్ర‌కు ఉన్న ఇంపార్టెన్స్ న‌చ్చి ఈ సినిమాలో న‌టించ‌డానికి తేజ‌స్విని అంగీక‌రించిన‌ట్లు స‌మాచారం. టాలీవుడ్ టాప్ డైరెక్ట‌ర్ ప్ర‌జెంట‌ర్‌గా వ్య‌వ‌హ‌రిస్తోన్న ఈ సినిమాలో కొత్త న‌టీన‌టులు లీడ్ రోల్స్ చేయ‌బోతున్నర‌ని స‌మాచారం.

అఖండ 2 ప్ర‌జెంట‌ర్‌...

తెర‌ముందు కాకుండా తెర వెనుక ప‌నిచేసిన అనుభ‌వం తేజ‌స్విని చాలానే ఉంది. బాల‌కృష్ణ హోస్ట్‌గా వ్య‌వ‌హ‌రిస్తోన్న అన్‌స్టాప‌బుల్ టాక్ షో ప్రొడ‌క్ష‌న్ ప‌నుల‌న్నీ తేజ‌స్వినినే చూసుకుంది. బాల‌కృష్ణ హీరోగా న‌టించిన అఖండ 2 సినిమాకు ప్ర‌జెంట‌ర్‌గా వ్య‌వ‌హ‌రించింది. అనుభ‌వంతోనే త్వ‌ర‌లో ఓన్ ప్రొడ‌క్ష‌న్ హౌస్‌ను లాంఛ్ చేసే ఆలోచ‌న‌లో తేజ‌స్విని ఉన్న‌ట్లు స‌మాచారం. ఇటీవ‌ల ఫిదా సినిమాలోని సారంగ‌ద‌రియా పాట‌కు తేజ‌స్విని డ్యాన్స్ చేసిన ఓ వీడియో సోష‌ల్ మీడియాలో తెగ వైర‌ల్ అయ్యింది.

మోక్ష‌జ్ఞ కంటే ముందే...

బాల‌కృష్ణ త‌న‌యుడు మోక్ష‌జ్ఞ హీరోగా ఎంట్రీ ఇవ్వ‌బోతున్న‌ట్లు చాలా కాలంగా వార్త‌లు వినిపిస్తున్నాయి. ప్ర‌శాంత్ వ‌ర్మ డైరెక్ష‌న్‌లో ఓ సినిమాను అనౌన్స్‌చేశారు. కానీ స్క్రిప్ట్ విష‌యంలో బాల‌కృష్ణ‌తో పాటు మోక్ష‌జ్ఞ సంతృప్తిగా లేక‌పోవ‌డంతో ఓపెనింగ్ ఈవెంట్‌కు ముందు ఈ సినిమా ఆగిపోయింది. మోక్ష‌జ్ఞ డెబ్యూ మూవీ కోసం ప్ర‌స్తుతం క‌థ‌ల‌తో పాటు ద‌ర్శ‌కుడి కోసం బాల‌కృష్ణ‌ అన్వేష‌ణ సాగిస్తోన్నారు. . మోక్ష‌జ్ఞ కంటే ముందుగానే తేజ‌స్విని తెలుగు తెర‌కు ప‌రిచ‌యం కాబోతుండ‌టం ఆస‌క్తిక‌రంగా మారింది.