Akhanda 2 | అఖండ 2కు తొల‌గిన అడ్డంకులు – కొత్త రిలీజ్ డేట్ ఫిక్స్ – ఒక రోజు ఆల‌స్యంగా మోగ్లీ!

అఖండ 2 రిలీజ్ డేట్ ఎప్పుడ‌నే స‌స్పెన్స్‌కు తెర‌ప‌డింది. అనుకున్న‌ట్లుగానే డిసెంబ‌ర్ 12న ఈ మూవీ ప్రేక్ష‌కుల ముందుకు రాబోతుంది. ఓ పోస్ట‌ర్ ద్వారా కొత్త రిలీజ్ డేట్‌ను మేక‌ర్స్ అఫీషియ‌ల్‌గా ప్ర‌క‌టించారు. డిసెంబ‌ర్ 11న ప్రీమియ‌ర్స్ ఉంటాయ‌ని వెల్ల‌డించారు. ఈ పోస్ట‌ర్ సోష‌ల్ మీడియాలో వైర‌ల్ అవుతోంది.
అఖండ 2 టికెట్ రేట్ల పెంపుతో పాటు ప్రీమియ‌ర్స్‌కు తెలుగు రాష్ట్ర ప్ర‌భుత్వాలు అనుమ‌తులు ఇచ్చాయి. రిలీజ్ డేట్ వాయిదాప‌డ‌టంతో మ‌రోసారి ఈ అనుమ‌తుల కోసం నిర్మాత‌లు అప్లై చేశార‌ట‌. ఈ రోజు రివైజ్ జీవోలు రానున్న‌ట్లు చెబుతున్నారు. గురువారం సాయంత్రం ప్రీమియ‌ర్స్‌తో అఖండ 2 తెలుగు ప్రేక్ష‌కుల ముందుకు రాబోతుంది.

కలిసొచ్చిన వాయిదా...
వాయిదా కూడా అఖండ 2 క‌లిసివ‌చ్చింద‌ని ట్రేడ్ వ‌ర్గాలు అంటున్నాయి. గ‌త నాలుగైదు రోజులుగా సోష‌ల్ మీడియాలో పాటు ఇండ‌స్ట్రీలో అఖండ 2 సినిమా గురించిన డిస్క‌ష‌న్స్ ఎక్కువ‌గా జ‌రిగాయి. ఈ ప‌బ్లిసిటీతో సినిమాపై ఉన్న బ‌జ్ మ‌రింత పెరిగింద‌ని అంటున్నారు. ఇప్ప‌టికే ఓవ‌ర్‌సీస్‌లో అడ్వాన్స్ బుకింగ్స్ ఓపెన్ చేశారు. డిసెంబ‌ర్ 5తో పోలిస్తే ఈ సారి బుకింగ్స్ జోరు పెరిగింది.
కాగా డిసెంబ‌ర్ 5న రిలీజ్ కావాల్సిన ఈ మూవీ చివ‌రి నిమిషంలో వాయిదాప‌డ‌టం టాలీవుడ్‌లో చ‌ర్చ‌నీయాంశంగా మారింది. వ‌న్ నేనొక్క‌డినే, ఆగ‌డు సినిమాల కోసం తీసుకున్న‌ పాత అప్పుల‌కు సంబంధించి అఖండ 2 నిర్మాత‌ల‌పై బాలీవుడ్ ప్రొడ‌క్ష‌న్ హౌజ్ ఈరోస్ ఇంట‌ర్నేష‌న‌ల్ కోర్టుకు వెళ్లింది. ఈ లీగ‌ల్ ఇష్యూ కార‌ణంగా అఖండ 2 రిలీజ్ కాలేదు. బాల‌కృష్ణ కెరీర్‌లో రిలీజ్ ముగింట‌ సినిమా పోస్ట్‌పోన్ కావ‌డం ఇదే మొద‌టిసారి కావ‌డంతో ఫ్యాన్స్ డిస‌పాయింట్ అయ్యారు. కాగా అడ్డంకులు తొల‌గి సినిమా ప్రేక్ష‌కుల ముందుకు రాబోతుండ‌టంతో ఖుషి అవుతున్నారు.
అఖండ 2 ఎఫెక్ట్‌ డిసెంబ‌ర్ 12న రిలీజ్ కావాల్సిన చిన్న, మిడ్ రేంజ్ సినిమాల‌పై గ‌ట్టిగానే ప‌డింది. స‌డెన్‌గా అఖండ 2 రేసులోకి రావ‌డంతో సైక్ సిద్ధార్థ టీమ్ త‌మ సినిమాను జ‌న‌వ‌రి 1కి పోస్ట్‌పోన్ చేసుకుంది. డిసెంబ‌ర్ 12 రిలీజ్ కావాల్సిన మోగ్లీ ఒక రోజు ఆల‌స్యంగా డిసెంబ‌ర్ 13న థియేట‌ర్ల‌లోకి రాబోతుంది. మోగ్లీ కొత్త పోస్ట‌ర్‌ను మేక‌ర్స్ రిలీజ్ చేశారు.