Yellamma Update | దేవిశ్రీ ప్రసాద్ హీరోగా తెలంగాణ సినిమా

Yellamma Update |  బ‌ల‌గం ఫేమ్ వేణు ద‌ర్శ‌క‌త్వం వ‌హిస్తున్న‌ ఎల్ల‌మ్మ మూవీపై ఎట్ట‌కేల‌కు అప్‌డేట్ వ‌చ్చింది. సంక్రాంతికి ఈ సినిమాను అఫీషియ‌ల్‌గా అనౌన్స్‌చేయ‌బోతున్న‌ట్లు డైరెక్ట‌ర్ వేణు ప్ర‌క‌టించారు. బ‌ల‌గం మూవీతోనే వేణు ద‌ర్శ‌కుడిగా టాలీవుడ్‌లోకి ఎంట్రీ ఇచ్చారు. తెలంగాణ బ్యాక్‌డ్రాప్‌లో ఎమోష‌న‌ల్ ఎంట‌ర్‌టైన‌ర్‌గా తెర‌కెక్కిన ఈ సినిమా పెద్ద విజ‌యాన్ని సాధించింది. బ‌ల‌గం త‌ర్వాత ఎల్ల‌మ్మ పేరుతో ఓ సినిమా చేయ‌బోతున్న‌ట్లు వేణు వెల్ల‌డించారు. ఈ సినిమాను అనౌన్స్‌చేసి మూడేళ్లు దాటినా సెట్స్‌పైకి మాత్రం రాలేదు. తొలుత ఎల్ల‌మ్మ మూవీలో నాని, కీర్తి సురేష్ హీరోహీరోయిన్లుగా న‌టించ‌నున్న‌ట్లు ప్ర‌చారం జ‌రిగింది. బిజీ షెడ్యూల్స్ కార‌ణంగా నాని త‌ప్పుకోవ‌డంతో హీరోగా నితిన్ పేరు తెర‌పైకి వ‌చ్చింది. కానీ వ‌రుస డిజాస్ట‌ర్ల‌తో నితిన్‌తో ఎల్ల‌మ్మ వ‌ర్క‌వుట్ కాలేదు. ఆ త‌ర్వాత చాలా మంది హీరోల చేతులు మారింది ఈ స్క్రిప్ట్‌. గ‌త మూడేళ్లుగా నానుతూనే ఉంది.

సంక్రాంతికి గ్లింప్స్‌...

ఫైన‌ల్‌గా ఈ సంక్రాంతికి మూవీని అధికారికంగా ప్ర‌క‌టించ‌బోతున్నారు. జ‌న‌వ‌రి 15న గ్లింప్స్ రిలీజ్ చేయ‌బోతున్నారు. ఈ విష‌యాన్ని ఓ వీడియో ద్వారా వేణు ఎల్దండి ప్ర‌క‌టించారు. బ‌ల‌గం సినిమాను ఎంత‌గానో ఆద‌రించారు. ఆశీర్వందించారు. జీవితాంతం గుర్తుండిపోయే జ్ఞాప‌కాల‌ను ఈ సినిమాతో అభిమానులు నాకు ఇచ్చారు. నా రెండో సినిమా కూడా దిల్ రాజు బ్యాన‌ర్‌లోనే చేయ‌బోతున్నా. త్వ‌ర‌లో షూటింగ్ మొద‌లుకాబోతుంది. ఈ సినిమా వివ‌రాల‌ను గ్లింప్స్ ద్వారా వెల్ల‌డిస్తాం. సంక్రాంతికి గ్లింప్స్ రిలీజ్ చేయ‌నున్నాం అని వేణు తెలిపారు.

దేవిశ్రీప్ర‌సాద్‌ హీరో ...

ఎల్ల‌మ్మ మూవీతో టాలీవుడ్ టాప్ మ్యూజిక్ డైరెక్ట‌ర్ దేవిశ్రీప్ర‌సాద్ హీరోగా టాలీవుడ్‌లోకి అడుగుపెట్ట‌బోతున్నారు. ఇటీవ‌లే హైద‌రాబాద్‌లోని అల్యూమినియం ఫ్యాక్ట‌రీలో దేవిశ్రీప్ర‌సాద్‌ఫై ఈ గ్లింప్స్ షూటింగ్ జ‌రిగిన‌ట్లు స‌మాచారం. ఎల్ల‌మ్మ‌లో హీరోయిన్ ఎవ‌ర‌న్న‌ది ఆస‌క్తిక‌రంగా మారింది. ఎల్ల‌మ్మ సినిమా తాను చేయ‌డం లేదంటూ ఇటీవ‌ల రివాల్వ‌ర్ రీటా ప్రెస్‌మీట్‌లో కీర్తి సురేష్ తెలిపింది. ఆమె ప్లేస్‌లో ఎవ‌రిని హీరోయిన్‌గా తీసుకుంటున్నార‌న్న‌ది గ్లింప్స్‌తోనే క్లారిటీ రాబోతుంది. ఎల్ల‌మ్మ‌లో ప్ర‌కాష్ రాజ్ కీల‌క పాత్ర‌లో న‌టిస్తున్నారు. దిల్ రాజు నిర్మిస్తున్న 61వ మూవీ ఇది.