Yellamma Movie | వంద మంది జాన‌ప‌ద క‌ళాకారుల‌తో “ఎల్ల‌మ్మ” ఆటపాట‌

ఎల్ల‌మ్మ మూవీతో టాలీవుడ్ అగ్ర సంగీత ద‌ర్శ‌కుడు దేవిశ్రీప్ర‌సాద్ (Devi Sri Prasad )క‌థానాయ‌కుడిగా అరంగేట్రం చేయ‌బోతున్నారు. తెలంగాణ (Telangana ) బ్యాక్‌డ్రాప్‌లో తెర‌కెక్కుతోన్న ఈ సినిమాకు బ‌ల‌గం ఫేమ్ వేణు ఎల్దండి ద‌ర్శ‌క‌త్వం వ‌హిస్తున్నారు. దిల్‌రాజు ఈ సినిమాను నిర్మిస్తున్నారు. వ‌చ్చే ఏడాది మార్చి 5న తెలుగుతో పాటు మ‌రో నాలుగు భాష‌ల్లో రిలీజ్ కాబోతుంది.

టైటిల్ సాంగ్‌...

ప్ర‌స్తుతం ఎల్ల‌మ్మ షూటింగ్ శ‌ర‌వేగంగా సాగుతోంది. మ‌రోవైపు మ్యూజిక్ సిట్టింగ్ ప‌నులు జ‌రుపుతున్నారు. ఎల్ల‌మ్మ‌లో హీరోగా న‌టిస్తూనే ఈ మూవీకి దేవిశ్రీప్ర‌సాద్ ద‌ర్శ‌క‌త్వం వ‌హిస్తున్నారు. దేశం న‌లుమూల‌ల నుంచి వ‌చ్చిన దాదాపు 100 మంది జాన‌ప‌ద రిథ‌మ్ ప్లేయ‌ర్ల‌తో ఎల్ల‌మ్మ టైటిల్ సాంగ్‌ను రికార్డ్ చేస్తున్నారు. ఈ రికార్డింగ్‌కు సంబంధించిన ఫొటోల‌ను దేవిశ్రీప్ర‌సాద్ అభిమానుల‌తో పంచుకున్నారు. అనేక భాష‌లు, వివిధ సంస్కృతుల‌కు చెందిన జాన‌ప‌ద సంగీత కారులు ఇందులో పాల్గొన్నారు. ఫోక్ స్టైల్‌లో సాగే ఈ పాట సినిమాకు హైలైట్‌గా ఉండ‌బోతున్న‌ట్లు స‌మాచారం. త్వ‌ర‌లోనే ఎల్ల‌మ్మ ఫ‌స్ట్ సింగిల్‌ను రిలీజ్ చేయ‌బోతున్న‌ట్లు మేక‌ర్స్ ప్ర‌క‌టించారు.

డ‌ప్పు వాయిద్య‌క‌ళాకారుడిగా...

ఎల్ల‌మ్మ మూవీలో ప‌ర్షి అనే వెనుక‌బ‌డిన కులానికి చెందిన డ‌ప్పు వాయిద్య‌క‌ళాకారుడిగా దేవిశ్రీప్ర‌సాద్ క‌నిపించ‌బోతున్నారు. అనంతిక స‌నీల్‌కుమార్ హీరోయిన్‌గా న‌టిస్తోంది. ప్ర‌కాష్ రాజ్(Prakash Raj) ఓ కీల‌క పాత్ర పోషిస్తున్నారు. బ‌ల‌గం త‌ర్వాత వేణు ఎల్దండి ద‌ర్శ‌క‌త్వం వ‌హిస్తున్న సినిమా ఇది.