Asha Bhosle | ఆశా భోస్లే ఫ్యామిలీలో అంద‌రూ సింగ‌ర్లే… బిజినెస్‌లోనూ స‌క్సెస్‌….

Asha Bhosle | దిగ్గ‌జ గాయ‌ని ఆశా భోస్లే మ‌ర‌ణంతో బాలీవుడ్‌లో విషాదం అలుముకుంది. ఎన్నో ఏళ్లుగా సంగీత‌ప్రియుల‌ను అల‌రించిన సంగీత స్వ‌రం మూగ‌బోయింది అంటూ సినీ ప్ర‌ముఖుల‌తో పాటు అభిమానులు ఆమెకు నివాళులు అర్పిస్తున్నారు. సినీ సంగీత రంగానికి అశా భోస్లే చేసిన సేవ‌ల‌ను, ఆమెతో ముడిప‌డిన మ‌ధుర జ్ఞాప‌కాల‌ను ప‌లువురు గుర్తుచేసుకుంటూ ఎమోష‌న‌ల్ పోస్ట్‌లు పెడుతున్నారు.

అంద‌రూ సింగ‌ర్సే..

అశా భోస్లే కుటుంబంలో మొత్తం సంగీత క‌ళాకారులే ఉన్నారు. అశా భోస్లే త‌ల్లిదండ్రులు పండిత్ దీన‌నాథ్ మంగేష్క‌ర్‌, శీవంతి బ్రిటీష్ ఇండియా హ‌యంలో శాస్త్రీయ‌ సంగీత‌కారులుగా పేరు తెచ్చుకున్నారు. 1993లో వీరికి ఆశా భోస్లే జ‌న్మించింది. దీన‌నాథ్ మంగేష్క‌ర్‌కు న‌లుగురు కూతుళ్లు ఓ కుమారుడు జ‌న్మించారు. ఆశా భోస్లే అక్కాచెల్లెళ్లు ల‌తా మంగేష్క‌ర్‌తో పాటు మీనా, ఉషా, సోద‌రుడు హృద‌య‌నాథ్ మంగేష్క‌ర్ గాయ‌నీగాయ‌కులుగా బాలీవుడ్‌లో సెటిల‌య్యారు. స‌క్సెస్ అయ్యారు.

త‌ల్లి బాట‌లోనే...

అశా భోస్లే ఇద్ద‌రు కుమారుల‌తో పాటు కూతురు కూడా త‌ల్లి బాట‌లోనే సింగింగ్‌ను కెరీర్‌గా ఎంచుకున్నారు. కానీ అనుకున్నంత స‌క్సెస్ కాలేక‌పోయారు. ఆశా భోస్లే త‌న‌యుల్లో హేమంత్ కొన్ని సినిమాల‌కు మ్యూజిక్ అందించారు. క్యాన్స‌ర్‌తో 2015లో క‌న్నుమూశాడు. కూతురు వ‌ర్ష కూడా సింగ‌ర్‌గా, జ‌ర్న‌లిస్ట్‌గా కొన‌సాగింది. కుటుంబ‌స‌మ‌స్య‌ల కార‌ణంగా 2012లో ఆమె ఆత్మ‌హ‌త్య చేసుకుంది. చిన్న‌కుమారుడు ఆనంద్ భోస్లే ద‌ర్శ‌కుడిగా, సింగ‌ర్‌గా ప‌లు సినిమాల‌లు చేశారు.

ఆశాస్ రెస్టారెంట్‌...

సింగ‌ర్‌గానే కాకుండా స‌క్సెస్‌ఫుల్ బిజినెస్ఉమెన్‌గా ఆశా భోస్లే పేరు తెచ్చుకున్నారు. దుబాయ్‌, కువైట్‌, యూకేతో పాటు ప‌లు దేశాల్లో ఆశాస్ పేరుతో రెస్టారెంట్ల‌ను న‌డుపుతున్నారు. అశా భోస్లేకు స్వ‌త‌హాగా వంట చేయ‌డం అంటే ఇష్ట‌మ‌ట‌. ఆ ఇష్టంతోనే రెస్టారెంట్స్ బిజినెస్‌లోకి అడుగుపెట్టిన‌ట్లు చెప్పింది. ఆమె మొత్తం ఆస్తి విలువ 100 నుంచి 250 కోట్ల మ‌ధ్య ఉంటుంద‌ని స‌మాచారం.