Anupama Parameswaran | డీ గ్లామ‌ర్ పాత్ర‌లో అనుప‌మ – ఆగిపోయింద‌నుకున్న మూవీ థియేట‌ర్ల‌లోకి….

Anupama Parameswaran | అనుప‌మ ప‌ర‌మేశ్వ‌ర‌న్‌, రెజీనా హీరోయిన్లుగా నాలుగేళ్ల క్రితం మ‌రీచిక పేరుతో ఓ మూవీ మొద‌లైంది. స‌తీష్ కాశెట్టి ద‌ర్శ‌క‌త్వం వ‌హించిన ఈ సినిమాలో విరాజ్ అశ్విన్ హీరోగా న‌టించ‌బోతున్న‌ట్లు ప్ర‌క‌టించారు. 2022లో ఓ కాన్సెప్ట్ పోస్ట‌ర్‌ను రిలీజ్ చేశారు. ఆ త‌ర్వాత సినిమాకు సంబంధించి ఎలాంటి అప్‌డేట్ రాలేదు. మ‌రీచిక‌ను అంద‌రూ మ‌ర్చిపోయారు. ఆగిపోయింద‌ని అనుకున్నారు. కానీ అలాంటిదేమి లేద‌ట‌. త్వ‌ర‌లోనే మ‌రీచిక థియేట‌ర్ల‌లోకి రాబోతున్న‌ట్లు మేక‌ర్స్ ప్ర‌క‌టించారు. ఓ పోస్ట‌ర్‌ను రిలీజ్ చేశారు.
ఈ పోస్ట‌ర్‌లో డీ గ్లామ‌ర్ లుక్‌లో అనుప‌మ ప‌ర‌మేశ్వ‌ర‌న్ క‌నిపిస్తోంది. క‌ట్టుడుప‌ళ్లు, క‌ళ్ల‌ద్ధాలు ధ‌రించి డిఫ‌రెంట్‌గా ఆమె క్యారెక్ట‌ర్ ఉండ‌టం ఆస‌క్తిని పంచుతోంది.

రొమాంటిక్ థ్రిల్ల‌ర్‌...

ప్రేమ‌, ద్రోహం ప్ర‌తీకారం అనే అంశాల‌తో ముడిప‌డిన రొమాంటిక్ థ్రిల్ల‌ర్ మూవీ ఇద‌ని స‌మాచారం. ఈ సినిమాకు ఇళ‌య‌రాజా మ్యూజిక్ అందిస్తుండ‌టం గ‌మ‌నార్హం. రైట‌ర్ ల‌క్ష్మీభూపాల క‌థ‌, మాట‌లు, పాట‌లు అందిస్తూనే ఈ సినిమాకు స‌హ నిర్మాత‌గా వ్య‌వ‌హ‌రిస్తున్నారు. మ‌రీచిక‌తో దాదాపు నాలుగేళ్ల త‌ర్వాత రెజీనా టాలీవుడ్‌లోకి రీఎంట్రీ ఇస్తోంది. చివ‌ర‌గా తెలుగులో 2022లో రిలీజైన ఉత్స‌వం సినిమాలో హీరోయిన్‌గా క‌నిపించింది.

తెలంగాణ యువ‌తిగా...

ప్ర‌స్తుతం టాలీవుడ్‌లో అనుప‌మ ప‌ర‌మేశ్వ‌ర‌న్ ఫుల్ బిజీగా ఉంది. భోగితో పాటు క్రేజీ క‌ళ్యాణం సినిమాలు చేస్తోంది. ఈ రెండింటిలో తెలంగాణ యువ‌తిగా అనుప‌మ ప‌ర‌మేశ్వ‌ర‌న్ క‌నిపించ‌బోతుండ‌టం గ‌మ‌నార్హం. ఈ ఏడాదే భోగి, క్రేజీ క‌ళ్యాణం థియేట‌ర్ల‌లోకి రానున్నాయి.