Anasuya | స్విమ్ సూట్‌లో అన‌సూయ – శివాజీపై కోపంతోనే పోస్ట్ చేసిందంటున్న నెటిజ‌న్లు!

Anasuya | హీరోయిన్ల డ్రెస్‌ల‌పై యాక్ట‌ర్ శివాజీ చేసిన కామెంట్లు గ‌త రెండు రోజులుగా టాలీవుడ్‌ను కుదిపేస్తున్నాయి. అటు తిరిగి ఇటు తిరిగి ఈ వివాదం కాస్త శివాజీ, అన‌సూయ మ‌ధ్య గొడ‌వ‌గా మారింది. శివాజీ కామెంట్ల‌పై తొలుత అన‌సూయ ఓ సోష‌ల్ మీడియా పోస్ట్‌తో బ‌దులిచ్చింది. మీ రుణం తీర్చుకునే అవ‌కాశం రావాలంటూ శివాజీ కౌంట‌ర్ ఇవ్వ‌డంతో అన‌సూయ అత‌డిపై గ‌ట్టిగానే ఫైర్ అయ్యింది. ఎలాంటి డ్రెస్‌లు ధ‌రించాలో మీతో చెప్పించుకోవాల్సిన అవ‌స‌రం లేద‌ని, మా హ‌క్కుల గురించి మాకు తెలుసునంటూ శివాజీపై విరుచుకుప‌డింది. అత‌డితో ఆగ‌కుండా గురువారం సోష‌ల్ మీడియాలో శివాజీకి వ్య‌తిరేకంగా చాలానే పోస్ట్‌లు పెట్టింది. అన‌సూయ పోస్ట్‌ల‌పై చాలా మంది ఆమెను ట్రోల్ చేస్తుండ‌గా...కొంద‌రు స‌పోర్ట్ చేస్తున్నారు. ఈ ట్రోల్స్‌కు ధీటుగానే బ‌దులిచ్చింది అన‌సూయ‌.

స్విమ్ సూట్‌లో...

ఈ వివాదంపై శివాజీ సైలెంట్ అయిపోయినా అన‌సూయ మాత్రం త‌గ్గ‌డం లేదు. తాజాగా స్విమ్ సూట్‌లో అందాల‌ను ఒల‌క‌బోస్తున్న త‌న పాత వీడియోను ఇన్‌స్టాగ్రామ్‌లో పోస్ట్ చేసింది. ఈ వీడియోలో స్విమ్‌సూట్ ధ‌రించి స్విమ్మింగ్‌పూల్‌లో జ‌ల‌కాలాడుతూ అన‌సూయ క‌నిపించింది. గ‌తంలో అన‌సూయ‌ యూర‌ప్ ట్రిప్‌కు వెళ్లిన‌ప్ప‌టి వీడియో ఇది. ట్రావెల్ డేస్‌ను మిస్స‌వుతున్నాన‌ని, త్వ‌ర‌లోనే ఓ ట్రిప్ ప్లాన్ చేయాలంటూ ఈ వీడియోను ఉద్దేశించి కామెంట్ పెట్టింది అన‌సూయ‌. శివాజీతో కాంట్ర‌వ‌ర్సీ జ‌రుగుతోన్న టైమ్‌లో అన‌సూయ స్విమ్ సూట్ వీడియో పోస్ట్ చేయ‌డం ఆస‌క్తిక‌రంగా మారింది. అన‌సూయ ఇన్‌స్టాగ్రామ్ పోస్ట్ సోష‌ల్ మీడియాలో వైర‌ల్ అవుతోంది.

హండ్రెస్ ప‌ర్సెంట్ క‌రెక్ట్‌...

నిండైన బ‌ట్ట‌ల్లోనే హీరోయిన్ల అందం దాగి ఉంటుంద‌ని శివాజీ కామెంట్ చేసిన సంగ‌తి తెలిసిందే. అత‌డి వ్యాఖ్య‌ల‌పై కోపంతోనే అన‌సూయ ఈ వీడియోను పోస్ట్ చేసింద‌ని నెటిజ‌న్లు కామెంట్స్ చేస్తున్నారు. కావాల‌నే అన‌సూయ వివాదాన్ని పెద్ద‌ది చేయాల‌ని చూస్తుంద‌ని అంటున్నారు. నువ్వు ఇక మారవా అంటూ ట్రోల్ చేస్తున్నారు. శివాజీ చెప్పింది వంద శాతం నిజం అంటూ చాలా మంది నెటిజ‌న్లు అన‌సూయ పోస్ట్‌ను ఉద్దేశించి కామెంట్స్ పెడుతున్నారు.
శివాజీ హీరోగా న‌టించిన దండోరా మూవీ గురువారం రిలీజైంది. పాజిటివ్ టాక్ వ‌చ్చినా తొలిరోజు ఈ సినిమా అంచ‌నాల‌కు త‌గ్గ‌ట్లుగా క‌లెక్ష‌న్స్ రాబ‌ట్ట‌లేక‌పోయింది. శివాజీ కామెంట్లు ఇందుకు కార‌ణ‌మంటూ ప్ర‌చారం జ‌రుగుతోంది. త‌న వ్య‌క్తిగ‌త వివాదాన్ని ప‌క్క‌న‌పెట్టి ఈ సినిమాను ఆద‌రించాలంటూ శివాజీ కోరారు.

 

View this post on Instagram

 

A post shared by Anasuya Bharadwaj (@itsme_anasuya)