Anasuya Bharadwaj | నేను కారణజన్మురాలిని – శివాజీ కామెంట్ల‌పై మ‌రోసారి రియాక్ట్ అయిన అన‌సూయ‌

Anasuya Bharadwaj | శివాజీతో చెల‌రేగిన వివాదంపై అన‌సూయ మ‌రోసారి రియాక్ట్ అయ్యింది. గురువారం సోష‌ల్ మీడియాలో ద్వారా అభిమానుల‌తో అన‌సూయ ముచ్చ‌టించింది. ఈ సంద‌ర్భంగా శివాజీ కామెంట్ల‌తో పాటు త‌న‌పై వ‌స్తోన్న ట్రోల్స్‌, విమ‌ర్శ‌ల‌పై ఆస‌క్తిక‌ర వ్యాఖ్య‌లు చేసింది. తాను ఒక‌టి మాట్లాడితే వాటిని చాలా మంది త‌ప్పుగా క్రియేట్ చేస్తున్నారంటూ అన్న‌ది. త‌న‌ను తాను కార‌ణ‌జ‌న్మురాలిగా భావించుకుంటున్న‌ట్లు తెలిపింది.

 

గొడ‌వ చేయ‌డానికి

శివాజీ కామెంట్ల‌పై ఓ నెటిజ‌న్ అడిగిన ప్ర‌శ్న‌కు అన‌సూయ రియాక్ట్ అవుతూ... "శివాజీగారు ఎంతో క‌ష్ట‌ప‌డి మంచి పాత్ర‌లు చేసి అంద‌రూ ఆయ‌న మాట‌లు వినే స్థాయికి వ‌చ్చారు. కానీ ఆయ‌న చేసిన పాత్ర‌ల ప్ర‌భావం సినిమాల వ‌ర‌కే ఉంటే బాగుంటుంది. నిజం జీవితంలో వాటి ఇంపాక్ట్ ఉండొద్దు. అమ్మాయిల‌ను వారిని న‌చ్చిన‌ట్లు ఉండ‌నీయండి. కొంద‌రు వెధ‌వ‌ల నుంచి అమ్మాయిల‌ను కాపాడుకోవ‌డానికి మ‌నంద‌రం వారికి అండ‌గా ఉందాం" అంటూ శివాజీ చెప్పాల్సింద‌ని అన‌సూయ అన్న‌ది. అలా మాట్లాడ‌టం త‌ప్పు అని చెప్ప‌డానికే శివాజీ కామెంట్ల‌పై తాను రియాక్ట్ అయ్యాన‌ని, గొడ‌వ చేయ‌డానికి కాద‌ని అన‌సూయ తెలిపింది.

నేను కార‌ణ‌జ‌న్మురాలిని...

ఇలాంటి అన‌వ‌ర‌స‌పు వివాదాల కోసం మీ శ్ర‌మ‌ను ఎందుకు వేస్ట్ చేసుకుంటార‌ని అడిగిన ప్ర‌శ్న‌కు అన‌సూయ బ‌దులిస్తూ..."ఇలాంటి వ్య‌వ‌హారాల్లోకి లాగిన‌ప్పుడు న‌న్ను నేను ఇలాగే ప్ర‌శ్నించుకుంటాను. అలాంట‌ప్పుడే న‌న్ను నేను కార‌ణ‌జ‌న్మురాలిని అనుకుంటా. విష‌యం ఏదైనా నా అభిప్రాయం త‌ప్ప‌కుండా చెబుతుంటా. వీటి వ‌ల్ల నా ప‌రువు పోయింది అని అంద‌రూ అనుకుంటున్నారు. నా ప‌రువు నా ద‌గ్గ‌రే భ‌ద్రంగా ఉంది. అయినా నేనుప్పుడు వివాదాల్లోకి రాలేదు. నా అభిప్రాయాల‌ను మాత్ర‌మే చెబుతున్నాను" అని తెలిపింది. ఈ వివాదాల‌కు త‌న భ‌ర్త పిల్ల‌ల‌ను దూరంగా ఉంచుతాన‌ని చెప్పింది. తాను ఫెమిసిన్ట్‌నే కానీ మ‌గ‌వారికి వ్య‌తిరేకం కాదంటూ తెలిపింది. అన‌సూయ కామెంట్ల‌పై నెటిజ‌న్లు మాత్రం ఆగ్ర‌హం వ్య‌క్తం చేస్తున్నారు. మీడియా అటెన్ష‌న్ కోస‌మే అన‌సూయ ఈ వివాదాన్ని పెద్ద‌ది చేస్తుంద‌ని అంటున్నారు.