Anasuya Bharadwaj | డ‌బుల్ మీనింగ్ మాట్లాడ‌టం పొర‌పాటే – త‌ప్పును అంగీక‌రిస్తున్నా – రాశికి క్ష‌మాప‌ణ‌లు చెప్పిన అన‌సూయ‌

Anasuya Bharadwaj |  జ‌బ‌ర్ధ‌స్థ్ షోలో సీనియ‌ర్ హీరో రాశిపై చేసిన కామెంట్ల‌కుగాను అన‌సూయ క్ష‌మాప‌ణ‌లు చెప్పింది. సోమ‌వారం ట్విట్ట‌ర్ లో ఓ పోస్ట్ పెట్టింది. అప్ప‌ట్లో షో నిర్వ‌హ‌కులు త‌న‌తో డ‌బుల్ మీనింగ్ డైలాగ్స్ చెప్పించారని ఈ పోస్ట్‌లో పేర్కొన్న‌ది. తన బాధ్య‌త‌గా త‌ప్పును అంగీక‌రిస్తూ క్ష‌మాప‌ణ‌లు చెబుతున్నానంటూ ఈ పోస్ట్‌లో పేర్కొన్న‌ది. జ‌బ‌ర్ధ‌స్థ్ యాంక‌ర్‌గా కొన‌సాగుతోన్న టైమ్‌లో అన‌సూయ‌ హైప‌ర్ ఆదితో క‌లిసి ఓ స్కిట్ చేసింది. ఈ స్కిట్‌లో రాశి గారి ఫ‌లాలు అంటూ అన‌సూయ కామెంట్స్ చేసింది. గ‌త కొద్ది రోజులుగా అన‌సూయ పాత స్కిట్ తాలూకు వీడియో సోష‌ల్ మీడియాలో తెగ వైర‌ల్ అవుతోంది. ఈ వీడియోపై రాశి రియాక్ట్‌ అయ్యింది. త‌న‌ను బాడీ షేమింగ్ చేసే హ‌క్కు ఆమెకు (అన‌సూయ‌)ఎవ‌రిచ్చారంటూ అన‌సూయ‌పై ఫైర్ అయ్యింది. మ‌హిళ అయ్యిండి మ‌రో సాటి మ‌హిళ‌పై అలాంటి కామెంట్లు చేయ‌డం దారుణం అంటూ రాశి ఆవేదనను వ్యక్తం చేసింది . రాశి వీడియో వైర‌ల్ కావ‌డంతో అన‌సూయ దిగొచ్చింది. ఆమెకు క్ష‌మాప‌ణ‌లు చెబుతూ సోష‌ల్ మీడియాలో ఓ పోస్ట్ పెట్టింది.

స‌రిదిద్ద‌లేను...

"మూడు సంవ‌త్స‌రాల క్రితం నేను చేసిన ఒక షోలో తెలుగు స‌రిగ్గా రానిత‌నంపై చేసిన స్కిట్‌లో మీ పేరును ఉప‌యోగించి నా నోటి నుంచి డ‌బుల్ మీనింగ్ డైలాగ్ చెప్పించ‌డం జ‌రిగింది. ఇది రాయించి డైరెక్ట్ చేసిన వ్య‌క్తుల్ని నేను ఆ రోజే నిల‌దీసి అడిగి ఉండాల్సింది. కానీ అప్ప‌టికీ నాకు ఉన్న‌టువంటి శ‌క్తి సరిపోలేదు. అది నా పొర‌పాటే. అందుకు క్ష‌మాప‌ణ‌లు చెబుతున్నా. వెన‌క్కి వెళ్లి ఇప్పుడు నేను దాన్ని స‌రిదిద్ద‌లేను. ఆ షోలో ద్వందార్థ‌పు మాట‌ల‌ను ఖండించ‌డం ద‌గ్గ‌ర నుంచి ఆ షోను విడిచి పెట్ట‌డం వ‌ర‌కు నాలోని ఆ మార్పును మీరు గ‌మ‌నించ‌వ‌చ్చు.ఈ రోజు మ‌హిళ‌లంద‌రి భ‌ద్ర‌త గురించి గ‌ట్టిగా మాట్లాడుతున్నందే నాకు వ్య‌తిరేకంగా అప్ప‌టి మాట‌లు తీసి నాపై విద్వేషాన్ని క‌లిగించేలా కొంద‌రు క్యాంపెయిన్ చేస్తున్నారు. న‌న్ను అవ‌మానించ‌డానికి చేస్తున్న ఈ క‌థ‌నాలు మీకు ఎంత ఇబ్బంది క‌రంగా ఉన్నాయో  నేను ఊహించ‌గ‌ల‌ను. ఈ షో ద‌ర్శ‌క‌నిర్మాతలు మీకు క్ష‌మాప‌ణ‌లు చెప్పినా చెప్ప‌క‌పోయినా నా బాధ్య‌త‌గా నా త‌ప్పును అంగీక‌రిస్తూ మీకు క్ష‌మాప‌ణ‌ల చెబుతున్నా. న‌న్ను అర్థం చేసుకుంటార‌ని భావిస్తున్నా" అంటూ ఈ ట్వీట్ లో అన‌సూయ పేర్కొన్న‌ది. అనసూయ ట్వీట్ వైర‌ల్ అవుతోంది.