Anarkali Nazar | మ‌ల‌యాళ బ్యూటీతో గోపీచంద్ రొమాన్స్ – ఎవ‌రీ అనార్క‌లి నాజ‌ర్‌?

Anarkali Nazar |టాలీవుడ్‌లోకి మ‌రో మ‌ల‌యాళ బ్యూటీ అడుగుపెట్ట‌బోతుంది. సినిమా ఓపెనింగ్ ఈవెంట్‌తోనే అభిమానుల మ‌న‌సుల‌ను కొల్ల‌గొట్టింది. గోపీచంద్ హీరోగా ఫైట్ మాస్ట‌ర్ వెంక‌ట్ ద‌ర్శ‌క‌త్వంలో హై ఇంటెన్స్ యాక్ష‌న్ డ్రామా మూవీ తెర‌కెక్కుతోంది. ఆదివారం గ్రాండ్‌గా పూజా కార్య‌క్ర‌మాల‌ను నిర్వ‌హించారు. ఈ సినిమా ఓపెనింగ్ ఈవెంట్‌లో దిల్‌రాజు, శివ నిర్వాణ‌, రామ్ ల‌క్ష్మ‌ణ్‌తో ప‌లువురు టాలీవుడ్ ప్ర‌ముఖులు పాల్గొన్నారు. గోపీచంద్ హీరోగా న‌టిస్తోన్న 34వ మూవీ ఇది.

తొలి సినిమా...

ఈ సినిమాలో మ‌ల‌యాళ బ్యూటీ అనార్క‌లి నాజ‌ర్ హీరోయిన్‌గా న‌టించ‌బోతున్న‌ట్లు మేక‌ర్స్ ప్ర‌క‌టించారు.గోపీచంద్ మూవీతోనే అనార్క‌లి తెలుగు చిత్ర‌సీమ‌కు ప‌రిచ‌యం అవుతోంది. ఓపెనింగ్ ఈవెంట్‌లోనూ అనార్క‌లి పాల్గొన్న‌ది. ఆమె ఫొటోలు సోష‌ల్ మీడియాలో వైర‌ల్ అవుతోన్నాయి.

రా అండ్ ర‌స్టిక్‌...

డైరెక్ట‌ర్‌గా ఫైట్ మాస్ట‌ర్ వెంక‌ట్ డెబ్యూ మూవీ ఇదే. రా అండ్ ర‌స్టిక్ యాక్ష‌న్‌గా తెర‌కెక్కుతోన్న ఈ సినిమాకు సామ్ సీఎస్ మ్యూజిక్ అందిస్తున్నారు. 70 ఎమ్ ఎమ్ ఎంట‌ర్‌టైన్‌మెంట్స్ ప‌తాకంపై విజ‌య్ చిల్లా, శ‌శిదేవి రెడ్డి ఈ సినిమాను నిర్మిస్తున్నారు. త్వ‌ర‌లోనే ఈ సినిమా రెగ్యుల‌ర్ షూటింగ్ ప్రారంభం కానున్న‌ట్లు వెల్ల‌డించారు.

మ‌ల‌యాళంలో....

గోపీచంద్ సినిమా కంటే ముందు మ‌ల‌యాళం, త‌మిళంలో కొన్ని సినిమాలు చేసింది అనార్క‌లి నాజ‌ర్‌. కుంచాకో బోబ‌న్ హీరోగా 2021లో వ‌చ్చిన మోహ‌న్ కుమార్ ఫ్యాన్స్ సినిమాతో అనార్క‌లి యాక్కింగ్ జ‌ర్నీ మొద‌లైంది. ఆ త‌ర్వాత కుంజెల్దో, ఆరాట్టుతో పాటు మ‌రికొన్ని మ‌ల‌యాళ సినిమాలు చేసింది. త‌మిళంలో బ్ల‌డీ బెగ్గ‌ర్‌తో పాటు విజ‌య్ ఆంటోనీ రోమియోలో హీరోయిన్‌గా న‌టించింది.కాగా ప్ర‌స్తుతం గోపీచంద్ భ‌ర‌త‌వ‌ర్ష పేరుతో ఓ హిస్టారిక‌ల్ మూవీ చేస్తున్నారు. ఘాజీ ఫేమ్ సంక‌ల్ప్ రెడ్డి ద‌ర్శ‌క‌త్వం వ‌హిస్తున్న ఈ సినిమా త్వ‌ర‌లో రిలీజ్ కాబోతుంది. ఇందులో రీతూ వ‌ర్మ క‌థానాయిక‌గా క‌నిపించ‌బోతున్న‌ది.