Ananya Nagalla | సైక‌లాజిక‌ల్ థ్రిల్ల‌ర్ సినిమాలో అన‌న్య – ర‌ష్మిక మంద‌న్న ఊరితో లింక్‌?

Ananya Nagalla |  అచ్చ తెలుగు బ్యూటీ అన‌న్య నాగ‌ళ్ల కొత్త సినిమా షూటింగ్‌ను సైలెంట్‌గా కంప్లీట్ చేసేసింది. ర‌ష్మిక మంద‌న్న సొంత ఊరు విరాజ్‌పేట‌ ఈ సినిమాకు లింక్ ఉండ‌బోతున్న‌ట్లు టాక్‌. స‌క్సెస్ ఫెయిల్యూర్స్‌తో సంబంధం లేకుండా వెరైటీ కాన్సెప్ట్‌ల‌తో సినిమాలు చేస్తోంది అన‌న్య నాగ‌ళ్ల‌. తాజాగా లీసా పేరుతో ఓ సైక‌లాజిక‌ల్ థ్రిల్ల‌ర్ మూవీకి గ్రీన్ సిగ్న‌ల్ ఇచ్చింది. మెలోడీ బ్ర‌హ్మ మ‌ణిశ‌ర్మ మ్యూజిక్ అందిస్తున్న ఈ సినిమాకు జ‌వ‌హ‌ర్ ప‌వార్ ద‌ర్శ‌క‌త్వం వ‌హిస్తున్నారు.

ట్విస్ట్‌లు హైలైట్‌...

డిఫ‌రెంట్ కాన్సెప్ట్‌, స్క్రీన్‌ప్లే ఆద్యంతం లీసా మూవీ థ్రిల్లింగ్‌గా సాగుతుంద‌ని మేక‌ర్స్ చెబుతోన్నారు. ఇప్ప‌టివ‌ర‌కు తెలుగులో ఎక్కువ‌గా సాఫ్ట్‌ రోల్స్‌లో క‌నిపించిన అన‌న్య నాగ‌ళ్ల ఈ సినిమాలో యాక్ష‌న్ ప్ర‌ధానంగా సాగే పాత్ర‌లో క‌నిపించ‌బోతున్న‌ట్లు స‌మాచారం. ఆమె క్యారెక్ట‌ర్‌కు సంబంధించి వ‌చ్చే ట్విస్ట్‌లు లీసాకు హైలైట్‌గా ఉండ‌బోతున్న‌ట్లు చెబుతున్నారు.

విరాజ్‌పేట‌...

లీసా మూవీ షూటింగ్ మొత్తం కూర్గ్‌, విరాజ్‌పేటలో జ‌రిపారు. ర‌ష్మిక మంద‌న్న సొంత ఊరు విరాజ్‌పేట నేప‌థ్యంలో ఈ తెలుగు సినిమా క‌థ సాగుతుంద‌ని అంటున్నారు. హిల్ స్టేష‌న్ బ్యాక్‌డ్రాప్‌లో వ‌చ్చే సీన్స్‌, విజువ‌ల్స్ ఆక‌ట్టుకుంటాయ‌ని మేక‌ర్స్ చెబుతున్నారు. లీసా షూటింగ్ పూర్త‌య్యింది. ప్ర‌స్తుతం పోస్ట్ ప్రొడ‌క్ష‌న్ ప‌నులు జ‌రుగుతున్నాయి. న‌వంబ‌ర్‌లో థియేట‌ర్ల‌లో ఈ సినిమాను రిలీజ్ చేసేందుకు మేక‌ర్స్ స‌న్నాహాలు చేస్తున్నారు.

మ‌ల్లేషం...

మ‌ల్లేషం సినిమాతో హీరోయిన్‌గా టాలీవుడ్‌లోకి ఎంట్రీ ఇచ్చింది అన‌న్య నాగ‌ళ్ల‌. ప్లే బ్యాక్‌, అన్వేషి, తంత్ర‌తో పాటు ప‌లు చిన్న సినిమాల్లో క‌థానాయిక‌గా న‌టించింది. ప‌వ‌న్ క‌ళ్యాణ్ వ‌కీల్ సాబ్‌లో ఓ కీల‌క పాత్ర‌లో న‌టించింది.