Allu Arjun | మైండ్‌బ్లోయింగ్ మూవీ – రామ్‌చ‌ర‌ణ్ అద‌ర‌గొట్టేశాడు – పెద్ది మూవీకి అల్లు అర్జున్ రివ్యూ

Allu Arjun | రామ్‌చ‌ర‌ణ్ హీరోగా న‌టించిన పెద్ది మూవీకి ఐకాన్ స్టార్ అల్లు అర్జున్ రివ్యూ ఇచ్చాడు. రామ్‌చ‌ర‌ణ్ యాక్టింగ్ మైండ్‌బ్లోయింగ్ అని, బాడీ ట్రాన్స్‌ఫ‌ర్మేష‌న్‌, డ్యాన్సుల్లో అద‌ర‌గొట్టేశాడ‌ని బ‌న్నీ అన్నాడు. "పెద్ది మూవీని నిన్న నైట్ చూశా. రామ్‌చ‌ర‌ణ్ మైండ్ బ్లోయింగ్ యాక్టింగ్‌తో ఆక‌ట్టుకున్నాడు. రా అండ్ ర‌స్టిక్ రోల్‌లో జీవించాడు. అత‌డి బాడీ ట్రాన్స్‌ఫ‌ర్మేష‌న్‌, గ్రేస్‌ఫుల్ డ్యాన్స్ మూవ్‌మెంట్స్ బాగున్నాయి. ప్ర‌తి అంశంలో రామ్ చ‌ర‌ణ్ మెప్పించాడు. చ‌ర‌ణ్‌ను చూస్తుంటే నిజంగా గ‌ర్వంగా ఉంది. పెద్ది మూవీకి వ‌స్తోన్న ప్ర‌శంస‌ల‌కు రామ్‌చ‌ర‌ణ్ పూర్తిగా అర్హుడు. జ‌గ‌ప‌తిబాబుతో పాటు మిగిలిన యాక్ట‌ర్ల న‌ట‌న అద్భుతంగా ఉంది. జాన్వీ క‌పూర్‌కు అభినంద‌న‌లు. మంచి పాయింట్‌తో ద‌ర్శ‌కుడు బుచ్చిబాబు సానా ఈ సినిమాను తెర‌కెక్కించారు. చ‌ర‌ణ్‌ను నెక్స్ట్ లెవెల్‌లో చూపించాడు. ప్ర‌తి పాత్ర‌ను  ఉన్న‌తంగా తీర్చిదిద్దాడు. టెక్నీషియ‌న్లు, నిర్మాత‌తో పాటు పెద్ది టీమ్ అంద‌రికి నా అభినంద‌న‌లు" అంటూ అల్లు అర్జున్ సోష‌ల్ మీడియాలో ఓ పోస్ట్ పెట్టాడు.

బ‌న్నీ పోస్ట్ వైర‌ల్‌

పెద్ది సినిమాకు టాలీవుడ్ హీరోలెవ‌రూ స‌పోర్ట్ చేయ‌డం లేదంటూ ఫ్యాన్స్ పైర్ అవుతున్నారు. ఈ విమ‌ర్శ‌ల నేప‌థ్యంలో పెద్ది సినిమాపై బ‌న్నీ పెట్టిన పోస్ట్ సోష‌ల్ మీడియాలో వైర‌ల్ అవుతోంది. పెద్ది మూవీకి బుచ్చిబాబు సానా ద‌ర్శ‌క‌త్వం వ‌హించాడు. జాన్వీ క‌పూర్ హీరోయిన్‌గా న‌టించిన ఈ సినిమాలో జ‌గ‌ప‌తిబాబు, శివ‌రాజ్‌కుమార్ కీల‌క పాత్ర‌లు పోషించారు. శృతి హాస‌న్ స్పెష‌ల్ సాంగ్‌లో క‌నిపించింది.

300 కోట్ల వ‌సూళ్లు...

పెద్ది మూవీలో జాన్వీ క‌పూర్ రోల్‌పై దారుణంగా విమ‌ర్శ‌లు వ‌స్తోన్నాయి. ఈ వివాదం టాలీవుడ్‌తో పాటు బాలీవుడ్‌కు పాకింది. హీరోయిన్ల‌ను కేవ‌లం గ్లామ‌ర్ డాల్స్‌గా చూపించే తీరుపై సెలిబ్రిటీలు సైతం అభ్యంత‌రం వ్య‌క్తం చేస్తున్నారు. ఈ విమ‌ర్శ‌ల‌తో సంబంధం లేకుండా పెద్ది మూవీ ఐదు రోజుల్లోనే బాక్సాఫీస్ వ‌ద్ద మూడు వంద‌ల కోట్ల‌కుపైగా వ‌సూళ్ల‌ను ద‌క్కించుకుంది.

Watched #Peddi last night. Mind-blowing performance by my dear @AlwaysRamCharan.
A Gritty, raw performance, extraordinary body transformation, and graceful dance moves. He absolutely aced it in every aspect. Genuinely very proud of my brother. Truly deserves every bit of the…

— Allu Arjun (@alluarjun) June 9, 2026