Tollywood | ఇండియ‌న్‌ టాప్ 100 సెలిబ్రిటీస్ లిస్ట్‌లో అల్లు అర్జున్ , రామ్‌చ‌ర‌ణ్ – టాలీవుడ్ నుంచి ఇద్ద‌రికే చోటు!

Tollywood | టాలీవుడ్ హీరోలు ఐకాన్ స్టార్ అల్లు అర్జున్‌తో పాటు మెగా ప‌వ‌ర్ స్టార్ రామ్‌చ‌ర‌ణ్ అరుదైన ఘ‌న‌త‌ను సాధించారు. ఫోర్బ్స్ ఇండియా టాప్ 100 సెలిబ్రిటీస్ లిస్ట్‌లో ఈ టాలీవుడ్ హీరోలు ఇద్ద‌రూ చోటు ద‌క్కించుకున్నారు. తెలుగు సినీ ప‌రిశ్ర‌మ నుంచి ఈ జాబితాలో వీరిద్ద‌రే నిల‌వ‌డం గ‌మ‌నార్హం.
అల్లు అర్జున్ ఫొటోతో ఫోర్బ్స్ ఇండియా ఇండిపెండెన్స్ డే స్పెష‌ల్ ఎడిషన్‌ను రిలీజ్ చేసింది. ఈ క‌వ‌ర్ పేజీ ఫొటో సోష‌ల్ మీడియాలో వైర‌ల్ అవుతోంది.

2000 కోట్ల వ‌సూళ్లు...

పుష్ప‌, పుష్ప 2 బ్లాక్‌బ‌స్ట‌ర్స్‌తో బ‌న్నీ పేరు పాన్ ఇండియ‌న్ లెవెల్‌లో మారుమోగింది. పుష్ప 2 హిందీలో హ‌య్యెస్ట్ క‌లెక్ష‌న్స్ ద‌క్కించుకున్న డ‌బ్బింగ్ మూవీగా నిలిచింది. స్ట్రెయిట్ సినిమాల‌కు ధీటుగా ఏకంగా ఎనిమిది వంద‌ల కోట్ల వ‌సూళ్ల‌ను ద‌క్కించుకుంది. వ‌ర‌ల్డ్ వైడ్‌గా ఈ మూవీ 2000 కోట్ల వ‌ర‌కు వ‌సూళ్ల‌ను రాబ‌ట్టింది. పుష్ప 2 బ్లాక్‌బ‌స్ట‌ర్‌తో బ‌న్నీ స్టార్‌డ‌మ్ రెట్టింపు అయ్యింది. ప్ర‌స్తుతం ఇర‌వై ఐదు వ‌ర‌కు ఇంట‌ర్నేష‌న‌ల్ బ్రాండ్స్‌కు అత‌డు అంబాసిడ‌ర్‌గా వ్య‌వ‌హ‌రిస్తున్నాడు.

అట్లీతో రాకా...

ప్ర‌స్తుతం కోలీవుడ్ స్టార్ డైరెక్ట‌ర్ అట్లీతో రాకా సినిమా చేస్తోన్నాడు అల్లు అర్జున్‌. సైంటిఫిక్ థ్రిల్ల‌ర్‌గా తెర‌కెక్కుతోన్న ఈ సినిమాలో దీపికా ప‌డుకోణ్‌తో పాటు ర‌ష్మిక మంద‌న్న‌, జాన్వీక‌పూర్‌, మృణాల్ ఠాకూర్ హీరోయిన్లుగా న‌టిస్తున్నారు. 1300 కోట్ల బ‌డ్జెట్‌తో స‌న్ పిక్చ‌ర్స్ సంస్థ ఈ సినిమాను నిర్మిస్తుంది. రాకా షూటింగ్ పూర్తికాక‌ముందే లోకేష్ క‌న‌గ‌రాజ్‌తో ఓ సూప‌ర్ హీరో మూవీకి బ‌న్నీ ఓకే చెప్పాడు.

పెద్ది త‌ర్వాత సుకుమార్‌...

ఇటీవ‌లే పెద్ది మూవీతో ప్రేక్ష‌కుల ముందుకొచ్చాడు రామ్‌చ‌ర‌ణ్‌. స్పోర్ట్స్ యాక్ష‌న్ డ్రామాగా రూపొందిన ఈ మూవీ నాలుగు వంద‌ల కోట్ల వ‌సూళ్ల‌ను ద‌క్కించుకుంది. ఇందులో పెద్ది అనే క్రాస్ ఓవ‌ర్ అథ్లెట్ పాత్ర‌లో రామ్‌చ‌ర‌ణ్ అస‌మాన న‌ట‌న‌ను క‌న‌బ‌రిచాడు. యాక్టింగ్ ప‌రంగా రామ్‌చ‌ర‌ణ్ కెరీర్‌లోనే బెస్ట్ మూవీస్‌లో ఒక‌టిగా పెద్ది నిలిచింది. బుచ్చిబాబు సానా ద‌ర్శ‌క‌త్వం వ‌హించిన ఈ సినిమాలో జాన్వీ క‌పూర్ హీరోయిన్‌గా న‌టించింది. పెద్ది త‌ర్వాత సుకుమార్‌తో ఓ మూవీకి రామ్‌చ‌ర‌ణ్ గ్రీన్‌సిగ్న‌ల్ ఇచ్చాడు.