Alia Bhatt | కెరీర్‌లో ఫ‌స్ట్ టైమ్ హార‌ర్ మూవీలో అలియా భ‌ట్ – నిమిషానికి కోటి రెమ్యూన‌రేష‌న్‌?

Alia Bhatt |  హార‌ర్ జాన‌ర్ అంటేనే మినిమం గ్యారెంటీ అనే అభిప్రాయం స్టార్స్‌లో క‌నిపిస్తుంటుంది. వ‌రుప ఫ్లాపుల్లో ఉన్న చాలా మంది హీరోహీరోయిన్లు క‌మ్‌బ్యాక్ కోసం హార‌ర్ క‌థాంశాల‌ను ఎంచుకుంటుంటారు. ఈ లిస్ట్‌లో అలియా భ‌ట్ కూడా చేరిపోయింది. కెరీర్‌లో ఫ‌స్ట్ టైమ్ ఓ హార‌ర్ మూవీకి గ్రీన్‌సిగ్న‌ల్ ఇచ్చింది. అది కూడా ఓ సీక్వెల్ సినిమా కావ‌డం గ‌మ‌నార్హం.

క‌ల్ట్ క్లాసిక్‌...

సోహ‌మ్ షా హీరోగా రాహి అనిల్ బావ్రే ద‌ర్శ‌క‌త్వంలో రూపొందిన హార‌ర్ మూవీ తుంబాద్ హిందీలో క‌ల్ట్ క్లాసిక్‌గా నిలిచింది. ప‌ది కోట్ల బ‌డ్జెట్‌తో రూపొందిన ఈ మూవీ అర‌వై కోట్ల వ‌ర‌కు వ‌సూళ్ల‌ను ద‌క్కించుకుంది. ఫ‌స్ట్ రిలీజ్‌లో కేవ‌లం ప‌దిహేను కోట్ల క‌లెక్ష‌న్స్ రాబ‌ట్టిన‌ ఈ మూవీ రీ రిలీజ్‌లో మాత్రం న‌ల‌భై ఐదు కోట్ల‌తో రికార్డ్ క్రియేట్ చేసింది.

సీక్వెల్‌లో...

తుంబాద్ మూవీకి సీక్వెల్ రాబోతుంది. తొలి పార్ట్‌లో హీరోగా న‌టించిన సోహ‌మ్ షాతో పాటు న‌వాజుద్దీన్ సిద్ధికీ తుంబాద్ 2లో హీరోలుగా న‌టిస్తున్నారు. తాజాగా ఈ సినిమాలో బాలీవుడ్ స్టార్ హీరోయిన్ అలియా భ‌ట్ జాయినైంది. ఈ హార‌ర్ మూవీలో ఆర్ఆర్ఆర్ బ్యూటీ కీల‌క పాత్ర‌లో క‌నిపించ‌బోతున్న‌ట్లు మేక‌ర్స్ ప్ర‌క‌టించారు. అలియా భ‌ట్‌తో దిగిన ఓ ఫొటోను సోహ‌మ్ షా అభిమానుల‌తో పంచుకున్నారు. ఈ ఫొటో వైర‌ల్ అవుతోంది. తుంబాద్ ప్ర‌పంచంలో భాగం కావ‌డం ఆనందంతో పాటు ఎగ్జైటింగ్‌గా ఉందంటూ అలియా భ‌ట్ ప్ర‌క‌టించింది.

గెస్ట్ రోల్‌లో...

కాగా తుంబాద్ 2లో అలియా భ‌ట్ ఎక్కువ నిడివితో గెస్ట్ రోల్‌లో క‌నిపించ‌నున్న‌ట్లు స‌మాచారం. ఆమె పాత్ర ప‌ది హేను నిమిషాల వ‌ర‌కు క‌నిపిస్తుంద‌ట‌. క‌థ‌ను మ‌ల‌పుతిప్పే ఓ కీల‌క రోల్ అని స‌మాచారం. కాగా ఈ ప‌ది నిమిషాల పాత్ర కోసం అలియా భ‌ట్ ప‌దిహేను కోట్ల రెమ్యూన‌రేష‌న్ స్వీక‌రించిన‌ట్లు వార్త‌లు వినిపిస్తున్నాయి. నిమిషానికి కోటి రూపాయలు డిమాండ్ చేయ‌డం బాలీవుడ్ వ‌ర్గాల్లో ఆస‌క్తిని రేకెత్తిస్తోంది. అలియా భ‌ట్‌కు ఉన్న క్రేజ్‌, స్టార్‌డ‌మ్‌ను దృష్టిలో పెట్టుకొని ఆమె అడిగినంత మొత్తాన్ని మేక‌ర్స్ షూటింగ్‌లో అడుగుపెట్ట‌డానికి ముందే ఇచ్చేశార‌ట‌. వ‌చ్చే ఏడాది డిసెంబ‌ర్ 3న తుంబాద్ రిలీజ్ కానున్న‌ట్లు మేక‌ర్స్ ప్ర‌క‌టించారు.

ఫ‌స్ట్ స్పై లేడీ ఓరియెంటెడ్ మూవీ...

ఇటీవ‌లే అల్ఫా మూవీతో ప్రేక్ష‌కుల ముందుకొచ్చింది అలియా భ‌ట్. బాలీవుడ్‌లో ఫ‌స్ట్ స్పై లేడీ ఓరియెంటెడ్ మూవీగా తెర‌కెక్కిన అల్ఫా బాక్సాఫీస్ వ‌ద్ద డిజాస్ట‌ర్‌గా నిలిచింది. 125 కోట్ల బ‌డ్జెట్‌తో రూపొందిన ఈ మూవీ అతి క‌ష్టంగా 90 కోట్ల వ‌ర‌కు వ‌సూళ్ల‌ను రాబ‌ట్టింది. శార్వ‌రి మ‌రో హీరోయిన్‌గా న‌టించిన ఈ సినిమాలో బాబీ డియోల్ విల‌న్‌గా క‌నిపించాడు. ప్ర‌స్తుతం భ‌ర్త ర‌ణ‌భీర్ క‌పూర్‌తో క‌లిసి ల‌వ్ అండ్ వార్ సినిమా చేస్తోంది అలియా భ‌ట్‌. సంజ‌య్ లీలా భ‌న్సాలీ ఈ సినిమాకు ద‌ర్శ‌క‌త్వం వ‌హిస్తున్నాడు.