Alia Bhatt | అలియాభ‌ట్ బాలీవుడ్ మూవీకి రిలీజ్ క‌ష్టాలు – మూడోసారి వాయిదా

Alia Bhatt |  అలియాభ‌ట్ బాలీవుడ్ మూవీ ఆల్ఫా మ‌రోసారి పోస్ట్‌పోన్ అయ్యింది. ఇండియ‌న్ స్క్రీన్‌పై ఫ‌స్ట్ ఫిమేల్ సెంట్రిక్ స్పై యాక్ష‌న్ మూవీగా ఆల్ఫా తెర‌కెక్కుతోంది. య‌శ్‌రాజ్ ఫిల్మ్స్ స్పై యూనివ‌ర్స్‌లో భాగంగా రానున్న ఈ మూవీ రిలీజ్ డేట్‌ను మేక‌ర్స్ సోమ‌వారం రివీల్ చేశారు. జూలై 10న విడుద‌ల కాబోతున్న‌ట్లు ప్ర‌క‌టించారు.

రిలీజ్ వాయిదా...

తొలుత ఆల్ఫా సినిమాను గ‌త ఏడాది డిసెంబ‌ర్‌లోనే రిలీజ్ చేయాల‌ని అనుకున్నారు. కానీ వీఎఫ్ఎక్స్ ప‌నుల వ‌ల్ల వాయిదాప‌డింది. ఆ త‌ర్వాత ఫిబ్ర‌వ‌రిలో అలియాభ‌ట్ సినిమా విడుద‌ల కానున్న‌ట్లు వార్త‌లొచ్చాయి. కానీ అవి పుకార్లుగానే మిగిలాయి. ఏప్రిల్‌లో త‌ప్ప‌కుండా ఈ సినిమా థియేట‌ర్ల‌లోకి వ‌స్తుంద‌ని మేక‌ర్స్ ప్ర‌క‌టించారు. తాజాగా ఈ మూవీ రిలీజ్ మ‌రోసారి పోస్ట్‌పోన్ అయ్యింది. ఏప్రిల్ నుంచి జూలైకి వెళ్లిపోయింది. ఈ సినిమా థియేట్రిక‌ల్ బిజినెస్ ఆశించిన స్థాయిలో జ‌ర‌క్క‌పోవ‌డం వ‌ల్లే మేక‌ర్స్ జూలైకి పోస్ట్‌పోన్ చేశార‌ని అంటున్నారు. మూడోసారి వాయిదాప‌డ‌టంతో ఈ మూవీ నేరుగా ఓటీటీలోనే రిలీజ్ కానున్న‌ట్లు వార్త‌లొస్తున్నాయి. ఇటీవ‌లే నెట్‌ఫ్లిక్స్ డైరెక్ట్ స్ట్రీమింగ్ కోసం 215 కోట్ల‌కు ఆల్ఫా సినిమాను కొన‌డానికి ముందుకొచ్చిన‌ట్లు ప్ర‌చారం జ‌రిగుతోంది.

అలియాతో పాటు...

అల్ఫా మూవీకి శివ్ రావేల్ ద‌ర్శ‌క‌త్వం వ‌హిస్తున్నారు. ఈ సినిమాలో అలియాభ‌ట్‌తో పాటు బాలీవుడ్ యంగ్ హీరోయిన్ శార్వ‌రీ వాఘ్ మ‌రో నాయిక‌గా క‌నిపించ‌బోతున్న‌ది. బాబీ డియోల్ విల‌న్‌గా న‌టిస్తున్నాడు. వైఆర్ఎఫ్ స్పై యూనివర్స్‌లోభాగంగా ఇప్పటివరకు వ‌చ్చిన సినిమాల్లో సల్మాన్ ఖాన్ (టైగర్), షారుఖ్ ఖాన్ (పఠాన్), హృతిక్ రోషన్ (కబీర్) స్పై పాత్ర‌ల్లో అద‌ర‌గొట్టారు. కానీ ఫ‌స్ట్ టైమ్ ఉమెన్ స్పై క‌థ‌తో ఈ మూవీ తెర‌కెక్కుతోంది. ఇందులో అలియా, శార్వ‌రీ సూప‌ర్ ఏజెంట్స్‌గా క‌నిపించ‌బోతున్న‌ట్లు స‌మాచారం.

గెస్ట్ రోల్స్‌...

ఔట్ అండ్ ఔట్ యాక్ష‌న్ క‌థాంశంతో అలియా భ‌ట్ చేస్తోన్న ఫ‌స్ట్ మూవీ కూడా ఇదే కావ‌డం కావ‌డం గ‌మ‌నార్హం. దేశ‌భ‌ద్ర‌త కోసం ఇద్ద‌రూ లేడీ ఏజెంట్స్ ఓ సీక్రెట్ మిష‌న్‌ను ఎలా స‌క్సెస్‌ఫుల్  కంప్లీట్ చేశార‌నే పాయింట్‌తో ఈ మూవీ తెర‌కెక్కుతోన్న‌ట్లు స‌మాచారం. ఇందులో హృతిక్‌రోష‌న్‌తో పాటు య‌శ్‌రాజ్ స్పై యూనివ‌ర్స్‌లో న‌టించిన హీరోలంద‌రూ గెస్ట్ రోల్స్‌లో క‌నిపించ‌బోతున్న‌ట్లు స‌మాచారం.