OTT | ఓటీటీలోకి అక్ష‌య్‌కుమార్ లేటెస్ట్ హార‌ర్ కామెడీ మూవీ – పెళ్లి కూతుళ్ల‌ను ఎత్తుకుపోయే ద‌య్యం క‌థ‌

OTT | అక్ష‌య్ కుమార్ హీరోగా న‌టించిన లేటెస్ట్ మూవీ భూత్ బంగ్లా బాక్సాఫీస్ వ‌ద్ద కాసుల వ‌ర్షం కురిపించింది.ఈ హార‌ర్ కామెడీ మూవీతో అక్ష‌య్ కుమార్ వ‌రుస డిజాస్ట‌ర్ల‌కు బ్రేక్ ప‌డింది. భూత్ బంగ్లా సినిమాకు మ‌ల‌యాళ డైరెక్ట‌ర్ ప్రియ‌ద‌ర్శ‌న్ ద‌ర్శ‌క‌త్వం వ‌హించాడు. ట‌బు, వామికా గ‌బ్బి, ప‌రేష్ రావెల్‌, జిషు సేన్ గుప్తా కీల‌క పాత్ర‌ల్లో న‌టించారు.

నెట్‌ఫ్లిక్స్‌లో....

భూత్ బంగ్లా మూవీ ఓటీటీ రిలీజ్ డేట్ క‌న్ఫామ్ అయ్యింది. జూన్ 12న నెట్‌ఫ్లిక్స్‌లో ఈ బాలీవుడ్ మూవీ విడుద‌ల‌ కాబోతుంది. ఈ హార‌ర్ మూవీ స్ట్రీమింగ్ డేట్‌ను నెట్‌ఫ్లిక్స్ మంగ‌ళ‌వారం అఫీషియ‌ల్‌గా ప్ర‌క‌టించింది.

ప్రొడ్యూస‌ర్‌గా అక్ష‌య్‌....

భూత్ బంగ్లా సినిమాకు అక్ష‌య్‌కుమార్ ఓ ప్రొడ్యూస‌ర్‌గా వ్య‌వ‌హ‌రించారు. ఎక్తా క‌పూర్‌తో క‌లిసి 120 కోట్ల బ‌డ్జెట్‌తో ఈ సినిమాను నిర్మించారు. థియేట‌ర్ల‌లో 250 కోట్ల‌కుపైగా వ‌సూళ్ల‌ను రాబ‌ట్టిన ఈ మూవీ భారీగా లాభాల‌ను తెచ్చిపెట్టింది.

మంగ‌ళ్‌పూర్ క‌థ‌...

మంగ‌ళ్‌పూర్‌లో వివాహం జ‌రిపితే పెళ్లి కూతుళ్లు మిస్స‌వుతుంటారు. గుర్తు తెలియ‌ని ఆకారం వారిని ఎత్తుకుపోతుంది. త‌న చెల్లి పెళ్లి కోసం అర్జున్ ఆచార్య మంగ‌ళ‌పూర్‌లో ఉన్న త‌న పురాత‌న మ‌హాల్‌కు వ‌స్తాడు. ఆ మ‌హాల్‌లోని దుష్ట‌శ‌క్తి వ‌ల్ల అర్జున్ కుటుంబానికి ఎలాంటి క‌ష్టాలు ఎదుర‌య్యాయి? ఆ ఊరి మిస్ట‌రీని అర్జున్ ఆచార్య ఎలా ఛేదించాడు? య‌శోద (ట‌బు), ప్రియా (వామికా గ‌బ్బి) ఎవ‌రు అన్న‌దే ఈ మూవీ క‌థ‌.