Akshara Haasan | శృతి హాస‌న్ చెల్లెలు హీరోయిన్ – డైరెక్ట్‌గా ఓటీటీలో రిలీజైన సైంటిఫిక్ థ్రిల్ల‌ర్ మూవీ – ఫ్రీ స్ట్రీమింగ్‌

Akshara Haasan | శృతి హాస‌న్ చెల్లెలు అక్ష‌ర హాస‌న్ హీరోయిన్‌గా కొన్ని సినిమాలు చేసింది. కానీ అక్క స్థాయిలో స‌క్సెస్ కాలేక‌పోయింది. ప‌దేళ్ల కెరీర్‌లో కేవ‌లం ఐదు సినిమాల్లోనే న‌టించింది ఈ ముద్దుగుమ్మ‌. నాలుగేళ్ల క్రితం రిలీజైన అచ్చం మేడ‌మ్ నాన‌మ్ ప‌యిర్పు త‌ర్వాత సినిమాల‌కు చాలా గ్యాప్ తీసుకుంది. క‌నీసం సోష‌ల్ మీడియాలోనే కాదు బ‌య‌ట కూడా అక్ష‌ర హాస‌న్ ఎక్కువ‌గా క‌నిపించ‌దు.

వేవ్స్ ఓటీటీలో...

స‌డెన్‌గా అక్ష‌ర హాస‌న్ ఓ సైంటిఫిక్ రొమాంటిక్ థ్రిల్ల‌ర్ మూవీతో శుక్ర‌వారం ప్రేక్ష‌కుల ముందుకొచ్చింది. సిమ్యులాక్రా పేరుతో రూపొందిన ఈ మూవీ వేవ్స్ ఓటీటీలో రిలీజైంది. ఈ బాలీవుడ్ మూవీలో అక్ష‌ర హాస‌న్‌తో పాటు స‌త్య‌జీత్ దూబే హీరోహీరోయిన్లుగా న‌టించారు. ఏఐ టెక్నాల‌జీ వ‌ల్ల మ‌నుషుల జీవితాల్లో వ‌చ్చిన మార్పుల‌తో సైంటిఫిక్ థ్రిల్ల‌ర్‌గా ద‌ర్శ‌కుడు పంక‌జ్ సావంత్ ఈ సినిమాను తెర‌కెక్కించారు.
భావిని సేత్‌, అనీసా భ‌ట్‌, జితేంద్ర రాయ్ కీల‌క పాత్ర‌ల్లో న‌టించిన ఈ సినిమాకు అశ్విన్ శ్రియాన్ మ్యూజిక్ అందించాడు.

నివి...న‌య‌న్‌....

నివి ఓ మోడ్ర‌న్ అమ్మాయి. గ‌త తాలూకు చేదు జ్ఞాప‌కాల నుంచి బ‌య‌ట‌ప‌డే ప్ర‌య‌త్నంలో ఉంటుంది. ఆమెలైఫ్‌లోకి న‌య‌న్ ఎంట‌ర‌వుతాడు. న‌య‌న్ ప‌రిచ‌యం నివీలో ఎలాంటి మార్పు తీసుకొచ్చింది? గ‌తాన్ని డిలీట్ చేసే టెక్నాల‌జీ వ‌ల్ల ఇద్ద‌రి జీవితాలు ఎలా అత‌లాకుత‌లం అయ్యాయి అన్న‌దే ఈ మూవీ క‌థ‌.

ష‌మితాబ్‌తో...

ధ‌నుష్‌, అమితాబ్ బ‌చ్చ‌న్ హీరోలుగా న‌టించిన ష‌మితాబ్‌తో అక్ష‌ర హాస‌న్ యాక్టింగ్ జ‌ర్నీ మొద‌లైంది. ఆ త‌ర్వాత వివేగం, క‌డారం కొండ‌న్‌తో పాటు మ‌రో రెండు సినిమాలు చేసింది. ఈ సినిమాల్లో గ్లామ‌ర్‌కు హంగుల‌కు దూరంగా డిఫ‌రెంట్ రోల్స్‌లో క‌నిపించింది. ఫింగ‌ర్ టిప్ అనే త‌మిళ వెబ్‌సిరీస్‌లో ఓ కీల‌క పాత్ర‌లో క‌నిపించింది.