Tripti Dimri | ప్ర‌భాస్ త‌ర్వాత నానితో – టాలీవుడ్‌లో మ‌రో ఛాన్స్ కొట్టేసిన త్రిప్తి డిమ్రి

Tripti Dimri |  సందీప్ వంగా (Sandeep Vanga)డైరెక్ష‌న్‌లో రూపొందిన యానిమ‌ల్ (Animal Movie) మూవీతో ఓవ‌ర్‌నైట్‌లోనే స్టార్‌గా మారిపోయింది త్రిప్తి డిమ్రి. ఈ సినిమాలో త్రిప్తి డిమ్రి చేసింది చిన్న పాత్రే కానీ హీరోయిన్‌గా న‌టించిన‌ ర‌ష్మిక మంద‌న్న (Rashmika Mandanna ) కంటే ఈ బాలీవుడ్ బ్యూటీకే ఎక్కువ‌గా పేరొచ్చింది. ర‌ణ‌బీర్ క‌పూర్‌, త్రిప్తి డిమ్రి కాంబినేష‌న్‌లోని బోల్డ్ సీన్లు అప్ప‌ట్లో బాలీవుడ్‌లో హాట్ టాపిక్‌గా మారాయి. యానిమ‌ల్ బ్లాక్‌బ‌స్ట‌ర్‌తో త్రిప్తి డిమ్రికి బాలీవుడ్‌లో బిజీగా మారిపోయింది. ప్ర‌స్తుతం ప్ర‌భాస్ స్పిరిట్‌తో టాలీవుడ్‌లోకి ఎంట్రీ ఇవ్వ‌బోతుంది. ఈ సినిమా షూటింగ్ ద‌శ‌లో ఉండ‌గానే తెలుగులో మ‌రో బంప‌రాఫ‌ర్ అందుకుంది.

స్టైలిష్ యాక్ష‌న్ మూవీ...

ఓజీ బ్లాక్‌బ‌స్ట‌ర్ త‌ర్వాత హీరో నానితో ఓ సినిమా చేయ‌బోతున్నాడు డైరెక్ట‌ర్ సుజీత్‌. స్టైలిష్ యాక్ష‌న్ ఎంట‌ర్‌టైన‌ర్‌గా రూపొందుతోన్న ఈ మూవీ ఇటీవ‌లే అఫీషియ‌ల్‌గా లాంఛ్ అయ్యింది. జూన్ లేదా జూలై నుంచి రెగ్యుల‌ర్ షూటింగ్ మొద‌లుకాబోతున్న‌ట్లు ప్ర‌చారం జ‌రుగుతోంది. ఈ సినిమాలో హీరోయిన్‌గా త్రిప్తి డిమ్రి ఎంపికైన‌ట్లు స‌మాచారం. హీరోయిన్ రోల్ కోసం పూజాహెగ్డే, రుక్మిణి వ‌సంత్ లాంటి ద‌క్షిణాది హీరోయిన్ల‌తో పాటు ప‌లువురు బాలీవుడ్ అందాల తారల పేర్ల‌ను ప‌రిశీలించిన మేక‌ర్స్ చివ‌ర‌కు త్రిప్తి డిమ్రిని ఫైన‌ల్ చేసిన‌ట్లు వార్త‌లు వినిపిస్తున్నాయి.
యానిమ‌ల్ త‌ర‌హాలోనే నాని మూవీలో బోల్డ్ రోల్‌లో త్రిప్తి డిమ్రి క‌నిపించ‌బోతున్న‌ట్లు తెలిసింది. నాని సినిమాలో త్రిప్తి డిమ్రితో పాటు బాలీవుడ్ సీనియ‌ర్ హీరోయిన్ మాధురి దీక్షిత్ మ‌రో ఇంపార్టెంట్ క్యారెక్ట‌ర్‌లో క‌నిపించ‌నున్న‌ట్లు స‌మాచారం.

ధురంధ‌ర్ ఫేమ్‌...

డీవీవీ ఎంట‌ర్‌టైన్‌మెంట్స్ బ్యాన‌ర్‌లోన ఆర్ఆర్ఆర్ ప్రొడ్యూస‌ర్ డీవీవీ దాన‌య్య ఈ సినిమాను నిర్మించ‌నున్నారు. ధురంధ‌ర్ ఫేమ్ శ‌శ్వాత్ స‌చ్‌దేవ్ ఈ సినిమాకు మ్యూజిక్ అందించ‌బోతున్నారు.
ప్ర‌స్తుతం ప్యార‌డైజ్ షూటింగ్‌తో నాని బిజీగా ఉన్నాడు. పీరియాడిక‌ల్ యాక్ష‌న్‌గా తెర‌కెక్కుతోన్న ఈ సినిమాకు శ్రీకాంత్ ఓదెల మ్యూజిక్ అందిస్తున్నారు. మార్చి 26న ఈ సినిమాను రిలీజ్ చేయాల‌ని అనుకున్నారు. షూటింగ్ డిలే వ‌ల్ల ఆగ‌స్ట్ 21కి వాయిదావేశారు.