Horror OTT | మ‌రో ఓటీటీలోకి వ‌చ్చిన తెలుగు హార‌ర్ మూవీ – లంకెబిందెల‌కు కాప‌లాగా ధ‌న‌పిశాచి

Horror OTT | సుధీర్‌బాబు హీరోగా న‌టించిన తెలుగు మూవీ జ‌టాధ‌ర మ‌రో ఓటీటీలోకి వ‌చ్చింది. ఇప్ప‌టికే అమెజాన్ ప్రైమ్ వీడియోలో స్ట్రీమింగ్ అవుతోన్న ఈ సినిమా తాజాగా శ‌నివారం జీ5 ఓటీటీలో రిలీజైంది. అమెజాన్ ప్రైమ్‌లో గ‌త ఏడాది డిసెంబ‌ర్‌లోనే జ‌టాధ‌ర‌ అందుబాటులోకి వ‌చ్చింది. జీ5 ఓటీటీలోకి మాత్రం థియేట‌ర్ల‌లో రిలీజైన నాలుగు నెల‌ల త‌ర్వాత విడుద‌ల కావ‌డం గ‌మ‌నార్హం.

సోనాక్షి సిన్హా...

జ‌టాధ‌ర మూవీతో బాలీవుడ్ హీరోయిన్ సోనాక్షి సిన్హా టాలీవుడ్‌లోకి ఎంట్రీ ఇచ్చింది. సీనియ‌ర్ క‌థానాయిక‌ శిల్పాశిరోధ్క‌ర్ కీల‌క పాత్ర‌లో క‌నిపించింది. దివ్యా ఖోస్లాకుమార్ హీరోయిన్‌గా న‌టించింది. అభిషేక్ జైస్వాల్‌, వెంక‌ట్ క‌ళ్యాణ్ ఈ సినిమాకు ద‌ర్శ‌క‌త్వం వ‌హించారు. రాజీవ్ రాజ్ మ్యూజిక్ అందించాడు.

20 కోట్ల బ‌డ్జెట్‌...

భారీ బ‌డ్జెట్‌తో పాటు అంచ‌నాల న‌డుమ తెలుగు ప్రేక్ష‌కుల ముందుకొచ్చిన జ‌టాధ‌ర డిజాస్ట‌ర్‌గా నిలిచింది. దాదాపు 20 కోట్ల బ‌డ్జెట్‌తో రూపొందిన ఈ మూవీ థియేట‌ర్ల‌లో ఏడున్న‌ర కోట్ల లోపే క‌లెక్ష‌న్స్ ద‌క్కించుకుంది. నిర్మాత‌ల‌కు న‌ష్టాల‌ను తెచ్చిపెట్టింది. ఈ సినిమాను తెలుగుతో పాటు బాలీవుడ్‌లో ఏక‌కాలంలో రూపొందించారు. రెండు భాష‌ల ఆడియెన్స్‌ను మెప్పించ‌లేక‌పోయింది. ధ‌న‌పిశాచి కాన్సెప్ట్‌ను ద‌ర్శ‌క‌ద్వ‌యం థ్రిల్లింగ్‌గా చెప్ప‌లేక‌పోయారు. హార‌ర్ ఎలిమెంట్స్ కూడా అంత‌గా వ‌ర్క‌వుట్ కాలేదు.

శివ అన్వేష‌ణ‌...

శివ (సుధీర్ బాబు) ఓ ఘోస్ట్ హంట‌ర్‌. ద‌య్యాలు ఉన్నాయ‌ని జ‌నాలు అనుకుంటున్న ప్ర‌తి చోటుకు వెళ్లి రీసెర్స్ చేస్తుంటాడు. ద‌య్యాలు లేవ‌ని నిరూపిస్తుంటాడు. త‌ల్లిదండ్రులు వ‌ద్ద‌ని చెప్పిన విన‌డు. శివ‌కు రుద్రారం అనే విలేజ్ గురించి తెలుస్తుంది. ఆ ఊరిలోని పెద్ద బంగ‌ళాలో ఉన్న లంకెబిందెల‌కు కాప‌లాగా ధ‌నపిశాచి ( సోనాక్షి సిన్హా) ఉంటుంది. ఆ లంకెబిందెల‌ను కాజేయాల‌ని ప్ర‌య‌త్నించిన ప్ర‌తి ఒక్క‌రిని దారుణంగా హ‌త‌మారుస్తుంది. ధ‌న‌పిశాచిది క‌ట్టుక‌థ‌గా భావించిన శివ రుద్రారం వ‌స్తాడు? అక్క‌డ అత‌డికి ఎలాంటి అనూహ్య పరిణామాలు ఎదుర‌య్యాయి? త‌న‌ సొంత త‌ల్లిదండ్రులు కూడా ధ‌న‌పిశాచి వ‌ల్లే చ‌నిపోయార‌నే నిజం తెలిసి శివ ఏం చేశాడు? లంకె బిందెల కోసం శివ మేన‌త్త శోభ (శిల్పాశిరోధ్క‌ర్)   వేసిన ప్లాన్ ఏమిటి? అనే అంశాల‌తో జ‌టాధ‌ర మూవీ రూపొందింది.