త్రినేత్ర News Logo
DIGITAL-NEWS

Nivetha Thomas | నేష‌న‌ల్ అవార్డ్ సినిమా చేసినా… ఛాన్స్‌లు నిల్ – ఓటీటీలోకి నివేదా థామ‌స్ ఎంట్రీ

దాదాపు రెండేళ్ల గ్యాప్ త‌ర్వాత నివేదా థామ‌స్ తెలుగు ప్రేక్ష‌కుల ముందుకు రాబోతుంది. శ్రీమ‌తి పేరుతో ఓ లేడీ ఓరియెంటెడ్ సినిమా చేసింది. థియేట‌ర్ల‌లో కాకుండా నేరుగా ఓటీటీలో ఈ మూవీ రిలీజ్ అవుతోంది. డిసెంబ‌ర్ 4 నుంచి జీ5 ఓటీటీలో స్ట్రీమింగ్ కాబోతుంది.

N

News | Published On Nov 20, 2026, 3.44 pm IST

Nivetha Thomas | నేష‌న‌ల్ అవార్డ్ సినిమా చేసినా… ఛాన్స్‌లు నిల్ – ఓటీటీలోకి నివేదా థామ‌స్ ఎంట్రీ
Advertisement

Nivetha Thomas |నాని హీరోగా శివ నిర్వాణ ద‌ర్శ‌క‌త్వంలో రూపొందిన నిన్నుకోరి సినిమాతో హీరోయిన్‌గా తెలుగు ఇండ‌స్ట్రీకి ప‌రిచ‌య‌మైంది నివేదా థామ‌స్‌. తొలి సినిమాలోనే స‌హ‌జ న‌ట‌న‌తో ఆక‌ట్టుకుంది. నిన్నుకోరి హిట్‌తో నివేదాకు తెలుగులో చ‌క్క‌టి అవ‌కాశాలు ద‌క్కాయి. ప‌వ‌న్ క‌ళ్యాణ్‌, ర‌జ‌నీకాంత్, ఎన్టీఆర్ వంటి స్టార్స్‌తో సినిమాలు చేసింది. 118, బ్రోచెవారెవ‌రురా లాంటి మూవీస్‌తో విజ‌యాల‌ను ద‌క్కించుకుంది. నివేదా జోరు , యాక్టింగ్ స్టైల్ చూసి టాలీవుడ్‌లో స్టార్ హీరోయిన్‌గా మార‌డం ఖాయ‌మ‌ని అంతా అనుకున్నారు. ముద్దుగుమ్మ‌గా ఉన్న ఈ కోలీవుడ్‌ బ్యూటీ బ‌రువు పెరిగి బొద్దుగా మార‌డంతో అవ‌కాశాలు త‌గ్గాయి.

త‌ల్లి పాత్ర‌లో...

రెండేళ్ల క్రితం రిలీజైన తెలుగు మూవీ 35 చిన్న క‌థ‌కాదులో త‌ల్లి పాత్ర‌లో క‌నిపించింది. ఈ సినిమా రెండు నేష‌న‌ల్ అవార్డుల‌ను గెలుచుకుంది. నివేదా న‌ట‌న‌కు ప్ర‌శంస‌లు వ‌చ్చాయి. కానీ ఆఫ‌ర్లు మాత్రం రాలేదు. తాజాగా చెన్నై చిన్న‌ది ఓటీటీలోకి ఎంట్రీ ఇవ్వ‌బోతుంది.

లేడీ ఓరియెంటెడ్‌

శ్రీమ‌తి పేరుతో తెలుగులో లేడీ ఓరియెంటెడ్ సినిమా చేసింది. థియేట‌ర్ల‌లో కాకుండా నేరుగా ఓటీటీలో ఈ మూవీ రిలీజ్ అవుతోంది. డిసెంబ‌ర్ 4 నుంచి జీ5 ఓటీటీలో స్ట్రీమింగ్ కాబోతుంది. విడుద‌ల తేదీని వెల్ల‌డించిన మేక‌ర్స్ టీజ‌ర్‌ను రిలీజ్ చేశారు.

మ‌ధ్య త‌ర‌గ‌తి గృహిణి...

ఈ టీజ‌ర్‌లో మ‌ధుశ్రీ అనే మ‌ధ్య‌త‌ర‌గ‌తి గృహిణి పాత్ర‌లో నివేదా క‌నిపించింది. కుటుంబ విధేయ‌త‌కు, ఓ మ‌హిళ ఆత్మ‌గౌర‌వానికి మ‌ధ్య సంఘ‌ర్ష‌ణ‌తో ఈ సినిమా తెర‌కెక్క‌బోతున్న‌ట్లు వెల్ల‌డించారు. పెళ్లి త‌ర్వాత కుటుంబ బాధ్య‌త‌ల కార‌ణంగా త‌న క‌ల‌ల‌కు దూర‌మైన ఓ గృహిణి తిరిగి వాటిని సాకారం చేసుకోవ‌డానికి సాగించిన జ‌ర్నీ , ప‌డిన త‌ప‌న‌తో ఈ ఎమోష‌న‌ల్ డ్రామాగా శ్రీమ‌తి మూవీ తెర‌కెక్కుతోంది.

హ‌రితేజ‌....

ఈ ఓటీటీ మూవీలో తిరువీర్‌, హ‌రితేజ కీల‌క పాత్ర‌లు పోషించారు. శ్రీమ‌తితో దాదాపు రెండేళ్ల త‌ర్వాత తెలుగు ప్రేక్ష‌కుల ముందుకు రాబోతుంది నివేదా థామ‌స్‌.

 

Advertisement
Advertisement