Adivi Sesh | అడివిశేష్ డెకాయిట్ పోస్ట్‌పోన్? – రిలీజ్ డేట్ లేకుండా పోస్ట‌ర్ రిలీజ్‌

Adivi Sesh |  అడవిశేష్ హీరోగా నటిస్తున్న పాన్ ఇండియ‌న్ మూవీ డెకాయిట్. యాక్ష‌న్ ల‌వ్‌స్టోరీగా తెర‌కెక్కుతోన్న ఈ సినిమాలో మృణాల్ ఠాకూర్ హీరోయిన్‌గా న‌టిస్తోంది. ఈ మూవీ నుంచి ఓ స్పెష‌ల్ అప్‌డేట్‌ను మేక‌ర్స్ సోమ‌వారం రివీల్ చేశారు. ఈ సినిమా ఫ‌స్ట్ సింగిల్‌ను ఫిబ్ర‌వ‌రి 27న రిలీజ్ చేయ‌బోతున్న‌ట్లు ప్ర‌క‌టించారు. రుబ‌రూ అంటూ రొమాంటిక్ మెలోడీగా ఫ‌స్ట్ సింగిల్ ఉండ‌బోతున్న‌ట్లు వెల్ల‌డించారు.

కెమిస్ట్రీ హైలైట్‌....

సాంగ్ అనౌన్స్‌మెంట్‌తో పాటు ఓ పోస్ట‌ర్‌ను రిలీజ్ చేశారు. ఇందులో అడ‌విశేష్, మృణాల్ ఠాకూర్ జోవియ‌ల్ లుక్‌లో క‌నిపిస్తున్నారు. రూబ‌రూ పాట‌లో వీరిద్ద‌రి కెమిస్ట్రీ హైలైట్‌గా ఉండ‌బోతున్న‌ట్లు మేక‌ర్స్ పేర్కొన్నారు . రుబ‌రూ పాట‌కు భీమ్స్ అదిరిపోయే మ్యూజిక్ అందించిన‌ట్లు మేక‌ర్స్ తెలిపారు.

షానియ‌ల్ డియో...

తెలుగు, హిందీ భాష‌ల్లో ఏక‌కాలంలో రూపొందుతోన్న ఈ బైలింగ్వ‌ల్ మూవీతో షానియల్ డియో డైరెక్ట‌ర్‌గా టాలీవుడ్‌లోకి ఎంట్రీ ఇవ్వ‌బోతున్నాడు. అన్నపూర్ణ స్టూడియోస్ సమర్పణలో సుప్రియా యార్లగడ్డ నిర్మిస్తున్న ఈ చిత్రానికి సునీల్ నారంగ్ సహ నిర్మాతగా వ్యవహరిస్తున్నారు. బాలీవుడ్ న‌టుడు అనురాగ్ క‌శ్య‌ప్ విల‌న్‌గా న‌టిస్తోన్నాడు.

రిలీజ్ డేట్ లేకుండా...

రుబ‌రూ సాంగ్ అనౌన్స్‌మెంట్ పోస్ట‌ర్‌లో రిలీజ్ డేట్ లేక‌పోవ‌డం ఆస‌క్తిక‌రంగా మారింది. మార్చి 19న ఈ సినిమాను విడుద‌ల చేయ‌బోతున్న‌ట్లు గ‌తంలో మేక‌ర్స్ ప్ర‌క‌టించారు. అదే రోజు ర‌ణ‌వీర్‌సింగ్ ధురంధ‌ర్ 2తో పాటు య‌శ్ టాక్సిక్ రిలీజ్ కాబోతున్నాయి. ఈ సినిమాల‌తో పోటీ కార‌ణంగా ఇప్ప‌టికే రామ్‌చ‌ర‌ణ్ పెద్ది, నాని ప్యార‌డైజ్ పోస్ట్‌పోన్ అయ్యాయి. తాజాగా డెకాయిట్ కూడా వాయిదా ప‌డిన‌ట్లు ప్ర‌చారం జ‌రుగుతోంది.