Actor Shivaji | శివాజీని వీడ‌ని వివాదం – మ‌హిళా క‌మిష‌న్ ఎదుట విచార‌ణ‌కు హాజ‌రు

Actor Shivaji |  హీరోయిన్ల డ్రెస్‌ల‌పై సీనియ‌ర్ యాక్ట‌ర్ శివాజీ (Actor Shivaji) చేసిన కామెంట్లు టాలీవుడ్‌లో (Tollywood) పెద్ద దుమారాన్నే రేపాయి. ఇటీవ‌ల జ‌రిగిన దండోరా ప్రీ రిలీజ్ ఈవెంట్‌లో చీర‌లో నిండుగా ఉంటేనే అందంగా ఉంటూరంటా హీరోయిన్ల‌కు స‌ల‌హా ఇవ్వ‌బోయి కొన్ని బూతులు మాట్లాడారు శివాజీ. అనాలోచితంగా శివాజీ చేసిన వ్యాఖ్య‌ల‌పై అన‌సూయ‌, చిన్మ‌యితో పాటు ప‌లువురు టాలీవుడ్ సెలిబ్రిటీలు ఆగ్ర‌హం వ్య‌క్తం చేశారు. శివాజీ కామెంట్ల‌ను సుమోటోగా తీసుకున్న మ‌హిళా క‌మీష‌న్ అత‌డికి నోటీసులు పంపించింది. నోటీసుల‌కు సంబంధించి శ‌నివారం ఉద‌యం మ‌హిళా క‌మిషన్ ఎదుట విచార‌ణ‌కు హాజ‌ర‌య్యారు.

మరోసారి క్షమాపణలు...

అస‌భ్య‌క‌ర వ్యాఖ్య‌ల‌కు సంబంధించి శివాజీ స్టేట్‌మెంట్‌ను మ‌హిళా క‌మిష‌న్ రికార్డ్ చేసిన‌ట్లు స‌మాచారం. ఎవ‌రిని నొప్పించ‌కుండా మంచి ఉద్దేశంతోనే తాను స‌ల‌హా ఇవ్వ‌బోయాన‌ని, అనుకోకుండా రెండు త‌ప్పుడు మాట‌లు దొర్లాయ‌ని మ‌హిళా క‌మిష‌న్ స‌భ్యుల‌కు శివాజీ చెప్పిన‌ట్లు తెలిసింది. మ‌రోసారి ఇలాంటివి పున‌రావృతం కాకుండా చూసుకుంటాన‌ని హామీ ఇచ్చిన‌ట్లు చెబుతున్నారు. త‌న వ్యాఖ్య‌ల‌కు సంబంధించి మ‌రోసారి మ‌హిళా క‌మిష‌న్ స‌భ్యుల ఎదుట కూడా శివాజీ క్ష‌మాప‌ణ‌లు చెప్పాడ‌ని అంటున్నారు. విచార‌ణ అనంత‌రం శివాజీ ఏం మాట్లాడుతాడ‌న్న‌ది ఆస‌క్తిక‌రంగా మారింది.
దండోరా ప్రీ రిలీజ్ ఈవెంట్‌లో హీరోయిన్ల అందం నిండైన డ్రెస్సుల్లోనే ఉంటుంది కానీ సామాన్లు క‌నిపించే వాటిలో ఉండ‌దంటూ శివాజీ కామెంట్స్ చేశారు. హీరోయిన్ల‌ను ద‌రిద్ర‌పు...అంటూ అస‌భ్య‌క‌ర‌మైన భాష వాడాడు. అత‌డి కామెంట్ల‌కు అన‌సూయ గ‌ట్టిగానే బ‌దులిచ్చింది. మీ స‌ల‌హాలు తీసుకునే స్థాయిలో మేము లేమంటూ చెప్పింది. నీ రుణం తీర్చుకునే అవ‌కాశం రావాల‌ని కోరుకుంటున్నానంటూ అన‌సూయ‌కు శివాజీ కౌంట‌ర్ ఇవ్వ‌డంతో ఈ వివాదం కాస్త పెద్ద‌దైంది. . శివాజీ కామెంట్ల‌ను టాలీవుడ్ సెలిబ్రిటీలు త‌ప్పుప‌డుతుండ‌గా... నెటిజ‌న్లు మాత్రం అత‌డికి స‌పోర్ట్‌గా నిలుస్తున్నారు. శివాజీ వ్యాఖ్య‌లు ప్ర‌భావం అత‌డి కొత్త సినిమా దండోరాపై ప‌డిన‌ట్లు ప్ర‌చారం జ‌రుగుతోంది. గురువారం రిలీజైన ఈ మూవీ ఫ‌స్ట్ డే యాభై ల‌క్ష‌ల లోపే క‌లెక్ష‌న్స్ రాబ‌ట్టింది.