Prakash Raj | సీనియ‌ర్ న‌టుడు ప్ర‌కాష్‌ రాజ్‌కు మాతృవియోగం

Prakash Raj | సీనియ‌ర్ న‌టుడు ప్ర‌కాష్ రాజ్ ఇంట విషాదం నెల‌కొంది. ప్ర‌కాష్ రాజ్ మాతృమూర్తి సువ‌ర్ణ‌ల‌త (86) సోమ‌వారం ఉద‌యం బెంగ‌ళూరులోని స్వ‌గృహంలో క‌న్నుమూశారు. వృద్ధాప్య సంబంధిత స‌మ‌స్య‌ల‌తో తుది శ్వాస విడిచారు. ఈరోజు సాయంత్రం బెంగుళూరులో సువ‌ర్ణ‌ల‌త‌ అంత్య క్రియలు జరుగుతాయని కుటుంబ సభ్యులు తెలిపారు. త‌ల్లి మ‌ర‌ణంతో ప్ర‌కాష్ రాజ్ కుటుంబం శోక‌సంద్రంలో మునిగిపోయింది. ప‌లువురు సినీ ప్ర‌ముఖులు ప్ర‌కాష్ రాజ్ కుటుంబానికి త‌మ ప్ర‌గాఢ సానుభూతిని వ్య‌క్తం చేశారు.

ప్రేమ వివాహం...

ప్ర‌కాష్ రాజ్ తండ్రి మంజునాథ్ రాయ్ తుళువ క‌మ్యూనిటీకి చెందిన వ్య‌క్తి. క్రిస్టియ‌న్ అయిన సువ‌ర్ణ‌ల‌త‌ను ప్రేమించి పెళ్లిచేసుకున్నారు. అనాథ అయిన సువ‌ర్ణ‌ల‌త ఓ హాస్పిట‌ల్‌లో న‌ర్సుగా ప‌నిచేసేవార‌ట‌. ఆమె ప‌నిచేస్తున్న హాస్పిట‌ల్‌కు ట్రీట్‌మెంట్ కోసం వ‌చ్చిన మంజునాథ్‌రాయ్...సువ‌ర్ణ‌ల‌త‌తో ప్రేమ‌లో ప‌డ్డార‌టా. ఇద్ద‌రూ పెళ్లిచేసుకున్నారు. ప్ర‌కాష్ రాజ్ ఇంట్లో హిందూ మతంతో పాటు క్రిస్టియ‌న్ సంప్ర‌దాయాల‌ను అనుస‌రించేవార‌ని గ‌తంలో ఓ ఇంట‌ర్వ్యూలో ప్ర‌కాష్ రాజ్ చెప్పారు.
మంజునాథ్‌రాయ్‌, సువ‌ర్ణ‌లత దంప‌తుల‌కు ఇద్ద‌రు కుమారులు, ఓ కూతురు ఉన్నారు. ప్ర‌కాష్ రాజ్ త‌మ్ముడు ప్ర‌సాద్ రాజ్ కూడా కొన్ని సినిమాల్లో న‌టించాడు.