Hero Aadi | యూట్యూబ‌ర్‌కు ఉన్న మార్కెట్ నీకు లేదు – ట్రోల్స్‌పై టాలీవుడ్ హీరో రియాక్ష‌న్‌

Hero Aadi | యూట్యూబ‌ర్‌కు ఉన్న మార్కెట్ నీకు లేదంటూ టాలీవుడ్ హీరో ఆది సాయికుమార్‌ను ఓ నెటిజ‌న్ ట్రోల్ చేశాడు. అత‌డి పోస్ట్‌కు ఆది రిప్లై ఇచ్చాడు. ప్ర‌తి న‌టుడి కెరీర్‌లో ఎత్తుప‌ల్లాలు స‌హ‌జ‌మ‌ని, స‌క్సెస్ ఫెయిల్యూర్స్‌తో సంబంధం లేకుండా వారి జ‌ర్నీని గౌర‌వించాలంటూ ఆగ్రహం వ్యక్తం చేశారు.
శ‌నివారం స్మైలింగ్ ఎమోజీతో కూడిన ఓ పోస్ట్‌ను ట్విట్ట‌ర్‌లో పెట్టాడు ఆది. ఇందులో ఎలాంటి కామెంట్ పెట్ట‌లేదు. కేవ‌లం స్మైలింగ్ ఎమోజీల‌ను మాత్ర‌మే యాడ్ చేశాడు. అత‌డి పోస్ట్ కు రిప్లై ఇస్తూ ఓ నెటిజ‌న్ దారుణంగా కామెంట్ పెట్టాడు. "నేను చెడ్డీలు వేసుకున్నప్పట్నుంచి ఇండస్ట్రీలో ఉన్నావు, నేను ప్యాంట్లు వేసుకుంటున్నా కానీ నువ్వు మాత్రం అక్కడే ఆగిపోయావు, నిన్న మొన్న వచ్చిన యూట్యూబర్ మౌళికి ఉన్న మార్కెట్ కూడా నీకు లేదు" అంటూ ఆదిని విమ‌ర్శించాడు.

నెటిజన్ విమర్శలు...

నెటిజ‌న‌ల్ విమ‌ర్శ‌ల‌కు ఆది సాయికుమార్ రిప్లై ఇచ్చాడు. క‌ష్టాలు ఎదురైనంత మాత్రానా కెరీర్ ముగిసిన‌ట్లు కాద‌ని అన్నారు. "ఇండ‌స్ట్రీలోని ప్ర‌తి హీరోకు వారికంటూ ఓ సొంత జ‌ర్నీతో పాటు క‌ష్టాలు చాలానే ఉంటాయి.  మా నాన్నతో ర‌వితేజ లాంటి వారు ఈజీగా పైకి రాలేదు. అవ‌కాశాల కోసం ఎన్నో ఇబ్బందులు ఎదుర్కొన్నారు. క‌ష్టాలు ఎదురైనంత మాత్రానా కెరీర్ ముగిసిన‌ట్లు కాదు. ప్ర‌తి న‌టుడి జీవితంలో ఎ త్తుప‌ల్లాలు స‌హ‌జం. స‌క్సెస్ ఫెయిల్యూర్స్ వ‌స్తుంటాయి. పోతుంటాయి. నెగెటివ్ కామెంట్ల‌తో వారిని మ‌రింత కింద‌కు లాగే బ‌దులు ప్రోత్స‌హిస్తే మంచిది. ప్ర‌తి న‌టుడి జ‌ర్నీని గౌర‌వించ‌డం నేర్చుకొండి" అంటూ నెటిజ‌న్‌కు బ‌దులిచ్చాడు. ఆది సాయికుమార్ ట్వీట్ వైర‌ల్ అవుతోంది.

శంబాల తర్వాత...

శంబాల మూవీతో లాంగ్ గ్యాప్ త‌ర్వాత హీరోగా క‌మ‌ర్షియ‌ల్ హిట్టును అందుకున్నాడు ఆది సాయికుమార్‌. మైథ‌లాజిక‌ల్ థ్రిల్ల‌ర్‌గా తెర‌కెక్కిన ఈ మూవీ ఇర‌వై ఐదు కోట్ల‌కుపైగా వ‌సూళ్ల‌ను ద‌క్కించుకుంది. శంబాల త‌ర్వాత ఈగోరాజా, సైరాబాను సినిమాలు చేస్తోన్నాడు.