Lord Ganesha | క‌ల‌లో గ‌ణ‌నాథుడితో పాటు ఎలుక క‌నిపిస్తే.. శుభ‌మా..? అశుభ‌మా..?

Lord Ganesha | హిందూ సంప్ర‌దాయంలో గ‌ణ‌నాథుడికి ప్ర‌త్యేక‌మైన స్థానం ఉంది. విఘ్నాలు తొల‌గించే దైవంగా.. ప్ర‌తి శుభ‌కార్యానికి ముందు వినాయ‌కుడికి పూజ‌లు నిర్వ‌హిస్తారు. అందుకే ఏ శుభ‌కార్యం త‌ల‌పెట్టినా ముందుగా గ‌ణ‌నాథుడిని పూజిస్తారు. ఆ త‌ర్వాతే ఇత‌ర కార్య‌క్ర‌మాలు నిర్వ‌హిస్తారు. వినాయ‌కుడిని భ‌క్తిశ్ర‌ద్ధ‌ల‌తో పూజిస్తే.. జీవితంలో సుఖ‌సంతోషాలు, అష్టైశ్వ‌ర్యాలు వెల్లివిరుస్తాయ‌ని న‌మ్మ‌కం. మ‌రి అదే గ‌ణ‌నాథుడు క‌ల‌లో క‌నిపిస్తే శుభ‌మా..? అశుభ‌మా..? అనే విష‌యాల‌ను కూడా తెలుసుకుందాం.

లంబోద‌రుడిని పూజిస్తున్న‌ట్లు క‌ల వ‌చ్చిందా..?

ప్ర‌స్తుతం గ‌ణేశ్ ఉత్స‌వాలు కొన‌సాగుతున్నాయి. ఈ నేప‌థ్యంలో ఉద‌యం, సాయంత్రం వేళ గ‌ణ‌నాథుడు పూజ‌లు అందుకుంటారు. మ‌రి ఈ సంద‌ర్భంలో భ‌క్తుల‌కు ఎవ‌రికైనా వినాయ‌కుడు పూజ‌లు అందుకుంటున్న‌ట్టు క‌ల వ‌స్తే.. శుభ‌ప్ర‌దంగా భావించాలి. ఇలాంటి క‌ల వ‌చ్చిన వారు భ‌విష్య‌త్‌లో శుభ‌వార్త‌లు వినే అవ‌కాశం ఉంది. ముఖ్యంగా తెల్లవారుజామున గణేశుడు కలలో కనిపిస్తే మరింత శుభప్రదంగా భావిస్తారు. బప్పా అనుగ్రహంతో మీ కోరికల్లో ఏదో ఒకటి నెరవేరబోతోందనే నమ్మకం ఉంది.

గ‌ణ‌నాథుడికి విగ్రహం క‌ల‌లో క‌నిపించిందా..?

గ‌ణ‌నాథుడి విగ్ర‌హం క‌ల‌లో క‌నిపించినా కూడా శుభ‌ప్ర‌దంగానే భావించాలి. ఈ విధంగా క‌ల వ‌స్తే.. ఆ ఇంట్లో త్వ‌ర‌లోనే ఏదో ఒక శుభ‌కార్యం జ‌రిగే అవ‌కాశం ఉంది. అంతేకాదు.. చాలా కాలం పెండింగ్‌లో ఉన్న ప‌నుల‌న్నీ పూర్త‌య్యే అవ‌కాశం ఉంది.

వినాయ‌కుడితో పాటు ఎలుక క‌నిపిస్తే..?

గణేశుడి వాహనమైన ఎలుకతో పాటు గణపతి కలలో కనిపించడం కూడా శుభసంకేతంగా భావిస్తారు. ఇది ఉద్యోగం, వ్యాపారం లేదా ఇతర ప్రయత్నాల్లో విజయానికి సూచనగా, అలాగే ఆర్థికంగా లాభాలు కలగడానికి సంకేతంగా చెబుతారు.