Nikitha Rao Godishala Murder Case | యూఎస్‌లో హైదరాబాద్ యువతిని హత్య చేసిన అర్జున్ అరెస్ట్

Nikitha Rao Godishala Murder Case | యూఎస్‌లోని మేరీలాండ్‌లో హైదరాబాద్‌కి చెందిన 27 ఏళ్ల యువతి నిఖిత రావు గొడిశలను చంపిన ఆమె మాజీ ప్రియుడు అర్జున్ శర్మను పోలీసులు అదుపులోకి తీసుకున్నారు. నిఖితను తన ఇంట్లో చంపి ఆమె బాడీని ఇంట్లోనే వదిలేసి తను కనిపించడం లేదని పోలీసులకు ఫిర్యాదు చేసి మరీ ఇండియాకు తిరిగి వచ్చేశాడు అర్జున్. నిఖిత రావు హత్య గురించి తెలుసుకున్న పోలీసులు ఆ కేసుపై విచారణ ముమ్మరం చేశారు. అర్జున్ గురించి వివరాలు సేకరించే క్రమంలో అర్జునే.. నిఖితను హత్య చేసినట్లు పోలీసులు గుర్తించారు. వెంటనే రంగంలోకి దిగిన ఇంటర్‌పోల్ అధికారులు భారత పోలీసు ఉన్నతాధికారులతో మాట్లాడి అర్జున్ గురించి వివరించగా, అతడు ఎక్కడున్నాడో ట్రేస్ చేసిన పోలీసులు వెంటనే అదుపులోకి తీసుకున్నారు. అర్జున్ తమిళనాడులో ఉన్నట్టు గుర్తించి వెంటనే తమిళనాడు పోలీసులు అదుపులోకి తీసుకొని ఇంటర్‌పోల్ అధికారులకు సమాచారం ఇచ్చారు.

మరోవైపు నిఖిత మృతదేహాన్ని భారత్‌కి తరలించేందుకు యూఎస్‌లోని భారత ఎంబసీ అధికారులు అన్ని ఏర్పాట్లు చేస్తున్నారు. నిఖిత కుటుంబ సభ్యులతో మాట్లాడి వాళ్లకు నిఖితకు సంబంధించిన వివరాలన్నీ తెలియజేశారు.