Gold And Silver Prices Today | ఈక్విటీ మార్కెట్ల ఎఫెక్ట్‌.. బంగారం, వెండి ధ‌ర‌ల్లో తీవ్ర అస్థిర‌త‌..

Gold And Silver Prices Today | ప‌శ్చిమ ఆసియాలో పెరుగుతున్న యుద్ధ ఉద్రిక్త‌త‌లు, పెరుగుతున్న. ముడి చ‌మురు ధ‌ర‌లు, అమెరికా బాండ్ ఈల్డ్స్ ఎఫెక్ట్ కార‌ణంగా ప్ర‌పంచ ఈక్విటీ మార్కెట్లు తీవ్ర అనిశ్చితిలో కొన‌సాగుతున్నాయి. దేశీయ సూచీలు గ‌త రెండు సెష‌న్‌ల‌లో లాభాల‌ను న‌మోదు చేసిన‌ప్ప‌టికీ ముడి చ‌మురు ధ‌ర‌లు అధిక స్థాయిల్లో ఉండ‌డం ఇన్వెస్ట‌ర్ల‌ను ఆందోళ‌న‌కు గురి చేస్తోంది. దీంతో బుధ‌వారం సెష‌న్‌లోనూ అనేక షేర్ల‌లో అమ్మ‌కాల ఒత్తిడి క‌నిపించింది. ఇక బులియ‌న్ మార్కెట్లు సైతం దాదాపు ఇదే ధోర‌ణిలో కొన‌సాగుతున్నాయి. ఈ సెషన్‌లో అంత‌ర్జాతీయ బులియ‌న్ మార్కెట్ల‌లో ఔన్స్ బంగారం ధ‌ర 0.75 శాతం త‌గ్గి 4,132 డాల‌ర్ల‌కు చేర‌గా, వెండి ధ‌ర 1.08 శాతం త‌గ్గి 60 డాల‌ర్లకు వ‌చ్చింది. దేశీయ క‌మోడిటీ మార్కెట్ ఎంసీఎక్స్‌లో గోల్డ్ ఫ్యూచ‌ర్స్ కాంట్రాక్టు 765 పాయింట్లు క్షీణించి 1,49,355 వ‌ద్ద ఉండగా, సిల్వ‌ర్ ఫ్యూచ‌ర్స్ కాంట్రాక్టు 1617 పాయింట్లు త‌గ్గి 2,25,625 వ‌ద్ద ఉంది. ఇక దేశీయ స్పాట్ మార్కెట్‌లోనూ బంగారం ధ‌ర‌లు స్వ‌ల్పంగా తగ్గాయి. వెండి ధ‌ర‌ల్లో ఎలాంటి మార్పు లేదు.

స్పాట్ మార్కెట్‌లో బంగారం, వెండి ధ‌ర‌లు..

24 క్యారెట్ల 1 గ్రాము బంగారం ధ‌ర రూ.14,957 ఉండ‌గా, 8 గ్రాముల ధ‌ర రూ.1,19,656 గా ఉంది. 10 గ్రాముల ధ‌ర రూ.1,49,570 గా ఉంది. 100 గ్రాముల బంగారం ధ‌ర రూ.14,95,700 గా ఉంది. ఇది కింద‌టి రోజు ముగింపుతో పోలిస్తే రూ.6,500 త‌గ్గింది.

22 క్యారెట్ల 1 గ్రాము బంగారం ధ‌ర రూ.13,710 ఉండ‌గా, 8 గ్రాముల ధ‌ర రూ.1,09,680గా ఉంది. 10 గ్రాముల ధ‌ర రూ.1,37,100 ఉండగా, 100 గ్రాముల బంగారం ధ‌ర రూ.13,71,000గా ఉంది. ఇది క్రితం ముగింపుతో పోలిస్తే రూ.6,000 త‌గ్గింది.

18 క్యారెట్ల 1 గ్రాము బంగారం ధ‌ర రూ.11,218 ఉండ‌గా, 8 గ్రాముల ధ‌ర రూ.89,744గా ఉంది. 10 గ్రాముల ధ‌ర రూ.1,12,180 ఉండ‌గా, 100 గ్రాముల బంగారం ధ‌ర రూ.11,21,800గా ఉంది. ఇది క్రితం ముగింపుతో పోలిస్తే రూ.4,900 త‌గ్గింది.

దేశీయ మార్కెట్‌లో 1 కిలో వెండి ధ‌ర రూ.2,35,000 ఉండ‌గా, తులం ధ‌ర రూ.2,350గా ఉంది. క్రితం ముగింపుతో పోలిస్తే వెండి ధ‌ర‌లో ఎలాంటి మార్పు లేదు. అలాగే హైద‌రాబాద్‌లో 1 కిలో వెండి ధ‌ర రూ.2,45,000 ఉండ‌గా, తులం ధ‌ర రూ.2,450 గా ఉంది.