Gold And Silver Prices Today | బంగారం, వెండిపై పెట్టుబ‌డులు పెరుగుతున్నాయా..? ధ‌ర‌లు ఎలా ఉన్నాయి..?

Gold And Silver Prices Today | అమెరికా-ఇరాన్‌ల మ‌ధ్య యుద్ధ ఉద్రిక్తతలు, శాంతి చ‌ర్చ‌ల‌పై సందిగ్ధ‌త నెల‌కొన్న‌ప్ప‌టికీ అంత‌ర్జాతీయ మార్కెట్ల‌లో పాజిటివ్ ట్రెండ్ కొన‌సాగింది. అయితే శుక్ర‌వారం సెష‌న్‌లో మాత్రం ఈక్విటీ మార్కెట్లు న‌ష్టాల్లో ట్రేడ‌వుతున్నాయి. కానీ బంగారం, వెండి ధ‌ర‌లపై ఈక్విటీ మార్కెట్ల ప్ర‌భావం ప‌డలేదు. దీంతో ఆ లోహాల ధ‌ర‌లు భారీగా పెరిగాయి. అంత‌ర్జాతీయ బులియ‌న్ మార్కెట్‌లో ఔన్స్ బంగారం ధ‌ర 1.05 శాతం మేర పెరిగి 4,726 డాల‌ర్ల వ‌ద్ద ఉండ‌గా, వెండి ధ‌ర 2.72 శాతం ఎగబాకి 80.59 డాల‌ర్ల వ‌ద్ద ఉంది. దేశీయ క‌మోడిటీ మార్కెట్ ఎంసీఎక్స్‌లో గోల్డ్ ఫ్యూచ‌ర్స్ కాంట్రాక్టు 680 పాయింట్లు పెరిగి 1,52,941 వ‌ద్ద ఉంది. సిల్వ‌ర్ ఫ్యూచ‌ర్స్ కాంట్రాక్టు 3,610 పాయింట్లు పెరిగి 2,62,150 వ‌ద్ద ఉంది. ఇక దేశీయ స్పాట్ మార్కెట్‌లో బంగారం ధ‌ర‌లు స్వ‌ల్పంగా త‌గ్గ‌గా, వెండి ధ‌ర‌లు స్వ‌ల్పంగా పెరిగాయి.

స్పాట్ మార్కెట్‌లో బంగారం, వెండి ధ‌ర‌లు..

24 క్యారెట్ల 1 గ్రాము బంగారం ధ‌ర రూ.15,268 ఉండ‌గా, 8 గ్రాముల ధ‌ర రూ.1,22,144 గా ఉంది. 10 గ్రాముల ధ‌ర రూ.1,52,680 గా ఉంది. 100 గ్రాముల బంగారం ధ‌ర రూ.15,26,800 గా ఉంది. ఇది కింద‌టి రోజు ముగింపుతో పోలిస్తే రూ.3,200 త‌గ్గింది.

22 క్యారెట్ల 1 గ్రాము బంగారం ధ‌ర రూ.13,995 ఉండ‌గా, 8 గ్రాముల ధ‌ర రూ.1,11,960గా ఉంది. 10 గ్రాముల ధ‌ర రూ.1,39,950 ఉండగా, 100 గ్రాముల బంగారం ధ‌ర రూ.13,99,500గా ఉంది. ఇది క్రితం ముగింపుతో పోలిస్తే రూ.3వేలు త‌గ్గింది.

18 క్యారెట్ల 1 గ్రాము బంగారం ధ‌ర రూ.11,451 ఉండ‌గా, 8 గ్రాముల ధ‌ర రూ.91,608గా ఉంది. 10 గ్రాముల ధ‌ర రూ.1,14,510 ఉండ‌గా, 100 గ్రాముల బంగారం ధ‌ర రూ.11,45,100గా ఉంది. ఇది క్రితం ముగింపుతో పోలిస్తే రూ.2,400 త‌గ్గింది.

దేశీయ మార్కెట్‌లో 1 కిలో వెండి ధ‌ర రూ.2,77,000 ఉండ‌గా, తులం ధ‌ర రూ.2,750గా ఉంది. క్రితం ముగింపుతో పోలిస్తే ఈ ధ‌ర కేజీకి రూ.5వేలు పెరిగింది. అలాగే హైద‌రాబాద్‌లో 1 కిలో వెండి ధ‌ర రూ.2,74,900 ఉండ‌గా, తులం ధ‌ర రూ.2,749 గా ఉంది.