Gold And Silver Prices Today | స్వ‌ల్పంగా పెరిగిన బంగారం, వెండి ధ‌ర‌లు.. కొనుగోదారుల ఆస‌క్తి పెరుగుతుందా..?

Gold And Silver Prices Today | అంత‌ర్జాతీయంగా చోటు చేసుకుంటున్న ప‌రిణామాల నేప‌థ్యంలో గ‌త కొద్ది రోజులుగా బంగారం, వెండి ధ‌ర‌ల్లో తీవ్ర హెచ్చుత‌గ్గులు న‌మోద‌వుతున్నాయి. ఆయా లోహాల ధ‌ర‌లు ఇటీవ‌లి కాలంలో భారీగా త‌గ్గ‌డంతో పెట్టుబ‌డిదారులు కొనుగోళ్ల వైపు దృష్టి సారిస్తున్నారు. దీంతో బంగారం, వెండి ధ‌ర‌లు మిశ్ర‌మ ధోర‌ణిలో కొన‌సాగుతున్నాయి. అంత‌ర్జాతీయ బులియ‌న్ మార్కెట్‌లో ఔన్స్ బంగారం ధ‌ర 0.33 శాతం త‌గ్గి 4,015 డాల‌ర్ల వ‌ద్ద ఉండ‌గా, వెండి ధ‌ర 1.75 శాతం మేర త‌గ్గి 56 డాల‌ర్ల వ‌ద్ద ఉంది. దేశీయ క‌మోడిటీ మార్కెట్ ఎంసీఎక్స్‌లో గోల్డ్ ఫ్యూచ‌ర్స్ కాంట్రాక్టు 1.31 శాతం మేర పెరిగి 1,43,127 వ‌ద్ద ఉండ‌గా, సిల్వ‌ర్ ఫ్యూచ‌ర్స్ కాంట్రాక్టు 3.10 శాతం ఎగ‌బాకి 2,19,672 వ‌ద్ద ఉంది. దేశీయ స్పాట్ మార్కెట్‌లోనూ బంగారం, వెండి ధ‌ర‌లు స్వ‌ల్పంగా పెరిగాయి.

స్పాట్ మార్కెట్‌లో బంగారం, వెండి ధ‌ర‌లు..

24 క్యారెట్ల 1 గ్రాము బంగారం ధ‌ర రూ.14,160 ఉండ‌గా, 8 గ్రాముల ధ‌ర రూ.1,13, 280 గా ఉంది. 10 గ్రాముల ధ‌ర రూ.1,41,600 గా ఉంది. 100 గ్రాముల బంగారం ధ‌ర రూ.14,16,000 గా ఉంది. ఇది కింద‌టి రోజు ముగింపుతో పోలిస్తే రూ.2700 పెరిగింది.

22 క్యారెట్ల 1 గ్రాము బంగారం ధ‌ర రూ.12,980 ఉండ‌గా, 8 గ్రాముల ధ‌ర రూ.1,03,840గా ఉంది. 10 గ్రాముల ధ‌ర రూ.1,29,800 ఉండగా, 100 గ్రాముల బంగారం ధ‌ర రూ.12,98,000గా ఉంది. ఇది క్రితం ముగింపుతో పోలిస్తే రూ.2500 పెరిగింది.

18 క్యారెట్ల 1 గ్రాము బంగారం ధ‌ర రూ.10,620 ఉండ‌గా, 8 గ్రాముల ధ‌ర రూ.84,960గా ఉంది. 10 గ్రాముల ధ‌ర రూ.1,06,200 ఉండ‌గా, 100 గ్రాముల బంగారం ధ‌ర రూ.10,62,000గా ఉంది. ఇది క్రితం ముగింపుతో పోలిస్తే రూ.2000 పెరిగింది.

దేశీయ మార్కెట్‌లో 1 కిలో వెండి ధ‌ర రూ.2,40,000 ఉండ‌గా, తులం ధ‌ర రూ.2,400గా ఉంది. క్రితం ముగింపుతో పోలిస్తే వెండి కిలోకు రూ.5వేలు పెరిగింది. అలాగే హైద‌రాబాద్‌లో 1 కిలో వెండి ధ‌ర రూ.2,35,000 ఉండ‌గా, తులం ధ‌ర రూ.2,350 గా ఉంది.