Gold And Silver Prices Today | ఒక్క రోజులోనే రూ.7,600 త‌గ్గిన బంగారం ధ‌ర‌.. పెట్టుబ‌డులు పెట్ట‌వ‌చ్చా..?

Gold And Silver Prices Today | అంత‌ర్జాతీయ ఈక్విటీ మార్కెట్లు పాజిటివ్‌గా కొన‌సాగుతున్న‌ప్ప‌టికీ బంగారం, వెండి ధ‌ర‌ల్లో గ‌త కొద్ది రోజులుగా తీవ్ర అస్థిర‌త‌లు చోటు చేసుకుంటున్నాయి. ప్ర‌పంచ‌వ్యాప్తంగా బులియ‌న్ మార్కెట్ల‌లో తీవ్ర అనిశ్చితి కొన‌సాగుతోంది. పెట్టుబ‌డిదారులు కొనాలా, వ‌ద్దా అనే అయోమ‌యంతో ఉన్నార‌ని విశ్లేష‌కులు చెబుతున్నారు. అయితే కొత్త‌గా పెట్టుబ‌డులు పెట్టేవారికి ఇది స‌మ‌యం కాద‌ని, యుద్ధం తగ్గే వ‌ర‌కు వేచి చూస్తే మంచిద‌ని సూచిస్తున్నారు. ఇక శుక్ర‌వారం అంత‌ర్జాతీయ మార్కెట్‌ల‌లో ఔన్స్ బంగారం ధ‌ర 0.28 శాతం పెరిగి 3,987 డాల‌ర్ల‌కు చేర‌గా, వెండి ధ‌ర 0.33 శాతం 55 డాల‌ర్ల‌కు వ‌చ్చింది. దేశీయ క‌మోడిటీ మార్కెట్ ఎంసీఎక్స్‌లో గోల్డ్ ఫ్యూచ‌ర్స్ కాంట్రాక్టు స్వ‌ల్పంగా 64 పాయింట్లు త‌గ్గి 1,40,269 వద్ద ఉండ‌గా, సిల్వ‌ర్ ఫ్యూచ‌ర్స్ కాంట్రాక్టు 1,042 పాయింట్ల మేర ప‌త‌న‌మై 2,14,970 వ‌ద్ద ఉంది. దేశీయ స్పాట్ మార్కెట్‌లో బంగారం, వెండి ధ‌ర‌లు ఒక్క రోజులోనే భారీగా త‌గ్గుద‌ల‌ను న‌మోదు చేశాయి.

స్పాట్ మార్కెట్‌లో బంగారం, వెండి ధ‌ర‌లు..

24 క్యారెట్ల 1 గ్రాము బంగారం ధ‌ర రూ.14,253 ఉండ‌గా, 8 గ్రాముల ధ‌ర రూ.1,14, 024గా ఉంది. 10 గ్రాముల ధ‌ర రూ.1,42,530 గా ఉంది. 100 గ్రాముల బంగారం ధ‌ర రూ.14,25,300 గా ఉంది. ఇది కింద‌టి రోజు ముగింపుతో పోలిస్తే రూ.7,600 త‌గ్గింది.

22 క్యారెట్ల 1 గ్రాము బంగారం ధ‌ర రూ.13,065 ఉండ‌గా, 8 గ్రాముల ధ‌ర రూ.1,04,520గా ఉంది. 10 గ్రాముల ధ‌ర రూ.1,30,650 ఉండగా, 100 గ్రాముల బంగారం ధ‌ర రూ.13,06,500గా ఉంది. ఇది క్రితం ముగింపుతో పోలిస్తే రూ.7వేలు త‌గ్గింది.

18 క్యారెట్ల 1 గ్రాము బంగారం ధ‌ర రూ.10,690 ఉండ‌గా, 8 గ్రాముల ధ‌ర రూ.85,520గా ఉంది. 10 గ్రాముల ధ‌ర రూ.1,06,900 ఉండ‌గా, 100 గ్రాముల బంగారం ధ‌ర రూ.10,69,000గా ఉంది. ఇది క్రితం ముగింపుతో పోలిస్తే రూ.5,700 త‌గ్గింది.

దేశీయ మార్కెట్‌లో 1 కిలో వెండి ధ‌ర రూ.2,30,000 ఉండ‌గా, తులం ధ‌ర రూ.2,300గా ఉంది. క్రితం ముగింపుతో పోలిస్తే వెండి ధ‌ర కిలోకు రూ.5వేలు త‌గ్గింది. హైద‌రాబాద్‌లో 1 కిలో వెండి ధ‌ర రూ.2,35,000 ఉండ‌గా, తులం ధ‌ర రూ.2,350 గా ఉంది.