Gold And Silver Prices Today | బంగారం, వెండి ధ‌ర‌ల‌కు మళ్లీ రెక్క‌లు.. ఇదే స‌రైన స‌మ‌య‌మా..?

Gold And Silver Prices Today | అమెరికా-ఇరాన్ దేశాలు శాంతి చ‌ర్చ‌ల దిశ‌గా అడుగులు వేస్తుండ‌డంతో అంత‌ర్జాతీయ ఈక్విటీ మార్కెట్లు బుల్ ర్యాలీల‌తో కొన‌సాగుతున్నాయి. భార‌త స్టాక్ మార్కెట్ల‌కు సైతం ఊతం ల‌భించింది. ఇక ఈ ప్ర‌భావం బంగారంపైనా ప‌డింది. గ‌త కొద్ది రోజులుగా బంగారం, వెండి ధ‌ర‌ల్లో తీవ్ర హెచ్చు త‌గ్గులు చోటు చేసుకుంటుండ‌గా, తాజా ప‌రిణామాల‌తో ఆయా లోహాల ధ‌ర‌లు మ‌ళ్లీ భారీగా పెరిగాయి. అంత‌ర్జాతీయ మార్కెట్‌లో ఔన్స్ బంగారం ధ‌ర 0.15 శాతం పెరిగి 4,218 డాల‌ర్ల వ‌ద్ద ఉండ‌గా, వెండి ధ‌ర 0.97 శాతం పెరిగి 68 డాల‌ర్ల వ‌ద్ద ఉంది. దేశీయ క‌మోడిటీ మార్కెట్ ఎంసీఎక్స్‌లో గోల్డ్ ఫ్యూచ‌ర్స్ కాంట్రాక్టు 1596 పాయింట్లు పెరిగి 1,50,528 వ‌ద్ద ఉంది. సిల్వ‌ర్ ఫ్యూచ‌ర్స్ కాంట్రాక్టు 6533 పాయింట్లు పెరిగి 2,46,186 వ‌ద్ద ఉంది. దేశీయ స్పాట్ మార్కెట్‌లో బంగారం ధ‌ర‌లు స్వ‌ల్పంగా పెర‌గ్గా, వెండి ధ‌ర‌ల్లో ఎలాంటి మార్పు లేదు.

స్పాట్ మార్కెట్‌లో బంగారం, వెండి ధ‌ర‌లు..

24 క్యారెట్ల 1 గ్రాము బంగారం ధ‌ర రూ.14,908 ఉండ‌గా, 8 గ్రాముల ధ‌ర రూ.1,19, 264 గా ఉంది. 10 గ్రాముల ధ‌ర రూ.1,49,080 గా ఉంది. 100 గ్రాముల బంగారం ధ‌ర రూ.14,90,800 గా ఉంది. ఇది కింద‌టి రోజు ముగింపుతో పోలిస్తే రూ.5వేలు పెరిగింది.

22 క్యారెట్ల 1 గ్రాము బంగారం ధ‌ర రూ.13,665 ఉండ‌గా, 8 గ్రాముల ధ‌ర రూ.1,09,320గా ఉంది. 10 గ్రాముల ధ‌ర రూ.1,36,650 ఉండగా, 100 గ్రాముల బంగారం ధ‌ర రూ.13,66,500గా ఉంది. ఇది క్రితం ముగింపుతో పోలిస్తే రూ.4,500 పెరిగింది.

18 క్యారెట్ల 1 గ్రాము బంగారం ధ‌ర రూ.11,181 ఉండ‌గా, 8 గ్రాముల ధ‌ర రూ.89,448గా ఉంది. 10 గ్రాముల ధ‌ర రూ.1,11,810 ఉండ‌గా, 100 గ్రాముల బంగారం ధ‌ర రూ.11,18,100గా ఉంది. ఇది క్రితం ముగింపుతో పోలిస్తే రూ.3,700 పెరిగింది.

దేశీయ మార్కెట్‌లో 1 కిలో వెండి ధ‌ర రూ.2,60,000 ఉండ‌గా, తులం ధ‌ర రూ.2,600గా ఉంది. క్రితం ముగింపుతో పోలిస్తే వెండి ధ‌ర‌లో ఎలాంటి మార్పు లేదు. హైద‌రాబాద్‌లో 1 కిలో వెండి ధ‌ర రూ.2,70,000 ఉండ‌గా, తులం ధ‌ర రూ.2,700 గా ఉంది.