Gold And Silver Prices Today | బంగారం, వెండి ధ‌ర‌ల్లో భారీగా హెచ్చు త‌గ్గులు.. పెట్టుబ‌డిదారులు జాగ్ర‌త్త‌..

Gold And Silver Prices Today | అమెరికా అధ్య‌క్షుడు డొనాల్డ్ ట్రంప్ రోజుకో ప్ర‌క‌ట‌న చేస్తుండ‌డంతో అంత‌ర్జాతీయ ఈక్విటీ, బులియ‌న్ మార్కెట్లు ప్ర‌స్తుతం తీవ్ర అస్థిర‌త్వాన్ని ఎదుర్కొంటున్నాయి. పెట్టుబ‌డిదారుల‌కు మార్కెట్‌లో వేచి చూడాలా, పెట్టుబ‌డులు పెట్టాలా అన్న విషయం అర్థం కావడం లేదు. ఈక్విటీ మార్కెట్ల‌లో ప‌త‌నం కొన‌సాగుతుండ‌గా, బులియ‌న్ మార్కెట్ల‌లో అనిశ్చితి నెల‌కొంది. ఈ క్ర‌మంలోనే బంగారం, వెండి ధ‌ర‌ల్లో విప‌రీత‌మైన హెచ్చుత‌గ్గులు చోటు చేసుకుంటున్నాయి. కాగా అంత‌ర్జాతీయ మార్కెట్‌లో ఔన్స్ బంగారం ధ‌ర క్రితం సెష‌న్‌లో 0.18 శాతం మేర ప‌డిపోయి 4,613 డాల‌ర్ల వ‌ద్ద ఉండ‌గా, వెండి ధ‌ర 2.18 శాతం పెరిగి 75.35 డాల‌ర్ల వ‌ద్ద స్థిర‌ప‌డింది. దేశీయ క‌మోడిటీ మార్కెట్ ఎంసీఎక్స్‌లో గోల్డ్ ఫ్యూచర్స్ కాంట్రాక్టు 241 పాయింట్లు పెరిగి 1,51,352 వద్ద స్థిర‌ప‌డ‌గా, సిల్వ‌ర్ ఫ్యూచ‌ర్స్ కాంట్రాక్టు 6,481 పాయింట్లు పెరిగి 2,50,937 వ‌ద్ద ముగిసింది. దేశీయ స్పాట్ మార్కెట్‌లో బంగారం ధ‌ర‌లు స్వ‌ల్పంగా పెర‌గ్గా, వెండి ధ‌ర‌లు మాత్రం భారీగా పెరిగాయి.

స్పాట్ మార్కెట్‌లో బంగారం, వెండి ధ‌ర‌లు..

24 క్యారెట్ల 1 గ్రాము బంగారం ధ‌ర రూ.15,093 ఉండ‌గా, 8 గ్రాముల ధ‌ర రూ.1,20,744 గా ఉంది. 10 గ్రాముల ధ‌ర రూ.1,50,930 గా ఉంది. 100 గ్రాముల బంగారం ధ‌ర రూ.15,09,300 గా ఉంది. ఇది కింద‌టి రోజు ముగింపుతో పోలిస్తే రూ.3,300 పెరిగింది.

22 క్యారెట్ల 1 గ్రాము బంగారం ధ‌ర రూ.13,835 ఉండ‌గా, 8 గ్రాముల ధ‌ర రూ.1,10,680గా ఉంది. 10 గ్రాముల ధ‌ర రూ.1,38,350 ఉండగా, 100 గ్రాముల బంగారం ధ‌ర రూ.13,83,500గా ఉంది. ఇది క్రితం ముగింపుతో పోలిస్తే రూ.3వేలు పెరిగింది.

18 క్యారెట్ల 1 గ్రాము బంగారం ధ‌ర రూ.11,320 ఉండ‌గా, 8 గ్రాముల ధ‌ర రూ.90,560గా ఉంది. 10 గ్రాముల ధ‌ర రూ.1,13,200 ఉండ‌గా, 100 గ్రాముల బంగారం ధ‌ర రూ.11,32,000గా ఉంది. ఇది క్రితం ముగింపుతో పోలిస్తే రూ.2,500 పెరిగింది.

దేశీయ మార్కెట్‌లో 1 కిలో వెండి ధ‌ర రూ.2,65,000 ఉండ‌గా, తులం ధ‌ర రూ.2,650గా ఉంది. క్రితం ముగింపుతో పోలిస్తే ఈ ధ‌ర కేజీకి రూ.10వేలు పెరిగింది. అలాగే హైద‌రాబాద్‌లో 1 కిలో వెండి ధ‌ర రూ.2,70,000 ఉండ‌గా, తులం ధ‌ర రూ.2,700 గా ఉంది.