Flipkart Summer Sale | ఫ్లిప్‌కార్ట్‌లోనూ స‌మ్మ‌ర్ సేల్‌.. ఎప్ప‌టి నుంచి అంటే..

Flipkart Summer Sale | ఈ-కామ‌ర్స్ సంస్థ అమెజాన్ త‌న గ్రేట్ స‌మ్మ‌ర్ సేల్‌ను నిర్వ‌హించ‌నున్న నేప‌థ్యంలో పోటీగా ఫ్లిప్‌కార్ట్ కూడా సేల్‌ను ప్రారంభిస్తోంది. ఫ్లిప్‌కార్ట్ స‌మ్మ‌ర్ సేల్ పేరిట ఈ సేల్‌ను మే 9 నుంచి ప్రారంభించ‌నుంది. ఇందులో భాగంగా అనేక బ్రాండ్ల‌కు చెందిన ఉత్ప‌త్తుల‌ను త‌గ్గింపు ధ‌రల‌కు అందివ్వ‌డ‌మే కాకుండా, వాటిపై రాయితీల‌ను కూడా ఇవ్వ‌నున్నారు. స్మార్ట్ ఫోన్లు, ట్యాబ్‌లు, ల్యాప్ టాప్‌లు, స్మార్ట్ వాచ్‌లు, ఇయ‌ర్ ఫోన్లు, గృహోప‌క‌ర‌ణాలు వంటి ఉత్ప‌త్తుల‌పై ఆఫ‌ర్ల‌ను ఇవ్వ‌నున్నారు. సేల్‌లో శాంసంగ్‌, వన్ ప్ల‌స్‌, లెనోవో వంటి బ్రాండ్లు పాల్గొంటున్న‌ట్లు తెలిపింది.

మెంబ‌ర్ల‌కు ముందుగానే..

ఫ్లిప్‌కార్ట్ స‌మ్మర్ సేల్‌లో క‌స్ట‌మ‌ర్లు బ‌హుళ ఆఫ‌ర్ల ప్ర‌యోజ‌నాల‌ను పొంద‌వ‌చ్చు. ఫ్లిప్‌కార్ట్‌కు చెందిన ప్ల‌స్‌, బ్లాక్ మెంబ‌ర్లు మే 8 నుంచే సేల్‌లో పాల్గొన‌వ‌చ్చు. ఇక ఈ సేల్‌లో ఎస్‌బీఐ బ్యాంకు క్రెడిట్ కార్డుల‌తో ఉత్ప‌త్తుల‌ను కొనుగోలు చేస్తే 10 శాతం డిస్కౌంట్ ల‌భిస్తుంది. ఈఎంఐ ట్రాన్సాక్ష‌న్ల‌పై కూడా ఈ డిస్కౌంట్ వ‌ర్తిస్తుంది. ఈ సేల్‌లో వినియోగ‌దారులు త‌మ‌కు కావ‌ల్సిన ఉత్ప‌త్తులను కొనుగోలు చేసి అన్నింటిపైనా ఒకే భారీ ఆఫ‌ర్‌ను కూడా పొంద‌వ‌చ్చు.

ఈ సేల్‌లో యాపిల్ ఐప్యాడ్ ఎయిర్‌, శాంసంగ్ గెలాక్సీ ట్యాబ్ ఎస్‌10 ఎఫ్ఈ ప్ల‌స్‌, లెనోవో లిజియ‌న్ ట్యాబ్‌, వన్ ప్ల‌స్ ప్యాడ్ లైట్‌, రెడ్‌మీ ప్యాట్ 2 ప్రొ, ఒప్పో ప్యాడ్ 5 వంటి ట్యాబ్‌లతోపాటు ఇత‌ర అనేక ఉత్ప‌త్తుల‌పై భారీ తగ్గింపు ధ‌ర‌లు, ఆఫ‌ర్ల‌ను అందిస్తున్నారు.