Bank Holidays | వ‌రుస‌గా మూడు రోజులు.. మూత‌ప‌డ‌నున్న బ్యాంకులు

Bank Holidays | త్రినేత్ర‌.న్యూస్‌: బ్యాంకు వినియోగ‌దారుల‌కు అల‌ర్ట్‌. వ‌చ్చే వారంలో బ్యాంకుల్లో వరుసగా మూడు రోజుల పాటు సేవ‌లు (Bank Holidays) అందుబాటులో ఉండ‌వు. పండుగలు, సాధారణ సెలవుల కార‌ణంగా బ్యాంకులు మూత‌ప‌డ‌నున్నాయి. ఈ నేప‌థ్యంలో ఖాతాదారులు ముందుగానే త‌మ ప‌నుల‌ను ప్లాన్ చేసుకోవాల్సి ఉంటుంది. అస‌లు ఏయే రోజులు, ఎందుకు మూతపడతాయొ ఇప్పుడు తెలుసుకుందాం..

జూన్ 21న ఆదివారం.. సెల‌వు. ఇక ఈ నెల 22 నుంచి 25 వ‌ర‌కు బ్యాంకులు య‌ధావిధిగా త‌మ కార్య‌క‌లాపాల‌ను నిర్వ‌హిస్తాయి. ఆత‌ర్వాత రెండు రోజులు అంటే శుక్ర వారం, శ‌నివారాలు సెల‌వు. ఆ త‌ర్వాత ఆదివారం ఎలాగూ బంద్‌ ఉంటుంది. దీంతో బ్యాంకులు వ‌రుస‌గా మూడు రోజులు మూత‌ప‌డనున్నాయి. జూన్ 26న మొహర్రం చివరి రోజు కారణంగా చాలా నగరాల్లో బ్యాంకులు తెర‌చుకోవు. హైద‌రాబాద్‌తోపాటు అగర్తలా, ఐజ్వాల్, బేలాపూర్, బెంగళూరు, భోపాల్, చెన్నై, జమ్ము, కాన్పూర్, కోల్‌కతా, లక్నో, ముంబై, నాగ్‌పూర్, న్యూఢిల్లీ, పాట్నా, రాయ్‌పూర్, రాంచీ, శ్రీనగర్, విజయవాడ వంటి నగరాల్లో బ్యాంకులు క్లోజ్ అవుతాయి.

ఇక జూన్ 27న నాలుగో శనివారం. అందువ‌ల్ల బ్యాంకుల‌కు సెల‌వు. మ‌రుస‌టి రోజు అంటే 28న ఆదివారం కావడంతో బ్యాంకులు బంద్ అవుతాయి. మొత్తంగా వచ్చే వారంలో వరుసగా మూడు రోజుల పాటు బ్యాంకులు మూతపడనుండటంతో ఏదైనా పని ఉంటే ఖాతాదారులకు ముందుగానే ప్లాన్ చేసుకుని పూర్తి చేసుకోవాల్సి ఉంటుంది.