Amazon | అమెజాన్ గ్రేట్ ఫ్రీడం సేల్ వ‌చ్చేస్తోంది.. ఎప్పుడంటే..

Amazon | ఈ-కామర్స్ సంస్థ అమెజాన్ మ‌రో బంప‌ర్ సేల్‌కు సిద్ధ‌మ‌వుతోంది. ఆగ‌స్టులో స్వాతంత్ర్య దినోత్స‌వాన్ని పుర‌స్క‌రించుకుని అమెజాన్ ఇండియా గ్రేట్ ఫ్రీడం సేల్ 2026ను నిర్వ‌హిస్తున్న‌ట్లు ప్ర‌క‌టించింది. ఆగ‌స్టు 7న ఈ సేల్ ప్రారంభం కానుండ‌గా, ఇందులో ఎల‌క్ట్రానిక్స్‌, ఫ్యాష‌న్‌, గృహాలంక‌ర‌ణ‌, కిచెన్ ఉత్ప‌త్తులు, నిత్యావ‌స‌రాలు, ఇత‌ర వ‌స్తువుల‌ను భారీ త‌గ్గింపు ధ‌ర‌ల‌కు అందించ‌నున్న‌ట్లు తెలిపింది. సేల్ స‌మ‌యంలో వినియోగదారులు హెచ్‌డీఎఫ్‌సీ బ్యాంక్ క్రెడిట్ కార్డు, ఈజీ ఈఎంఐ లావాదేవీల‌పై 10 శాతం ఇన్‌స్టంట్ డిస్కౌంట్‌ను పొంద‌వ‌చ్చు. ఇక‌ సేల్‌లో అందుబాటులో ఉండ‌నున్న విభాగాలు, ఉత్ప‌త్తులు, రాయితీలు, ఇత‌ర ఆఫ‌ర్ల వివరాల‌ను అమెజాన్ ప్ర‌త్యేకంగా త‌న సేల్ పేజీలో అందుబాటులో ఉంచింది. మొత్తం 1వేయి వ‌ర‌కు టాప్ డీల్స్‌ను అందించ‌నుండ‌గా, బ్లాక్ బ‌స్ట‌ర్ డీల్స్‌, ట్రెండింగ్ డీల్స్‌, ప‌రిమిత కాల రాత్రి 8 గంట‌ల డీల్స్‌, ఎక్స్‌ఛేంజ్ ఆఫ‌ర్లు, నో కాస్ట్ ఈఎంఐ స‌దుపాయం కూడా అందుబాటులో ఉంటాయ‌ని తెలియ‌జేసింది.

ఏయే ఉత్ప‌త్తుల‌పై ఆఫ‌ర్లు..?

ఈ సేల్‌లో స్మార్ట్ ఫోన్లు, యాక్స‌స‌రీలు, ఎల‌క్ట్రానిక్స్‌, గృహోప‌క‌రణాలు, స్మార్ట్ టీవీలు, ప్రొజెక్ట‌ర్లు, గృహ‌, వంట గది ఉత్ప‌త్తులు, అవుట్ డోర్ ఉత్ప‌త్తులు, నిత్యావ‌స‌ర వ‌స్తువులు, ట్రావెల్ బుకింగ్స్‌, ఎకో, ఫైర్ టీవీ, కిండిల్ త‌దిత‌ర అమెజాన్ డివైస్‌లు స‌హా ప‌లు విభాగాల్లో ప్ర‌ముఖ బ్రాండ్ల ఉత్ప‌త్తుల‌ను విక్ర‌యించ‌నున్నారు. డీల్స్‌, ఆఫ‌ర్ల గురించి మ‌రిన్ని వివ‌రాల‌ను త్వ‌ర‌లోనే వెల్ల‌డిస్తామ‌ని అమెజాన్ తెలిపింది. ఈ సేల్ ప్రారంభం కాక‌ముందే వినియోగ‌దారులు సేల్ పేజ్‌ను సంద‌ర్శించి ప‌లు ఉత్ప‌త్తుల‌ను ముందుగానే త‌మ విష్ లిస్ట్‌లో చేర్చుకోవ‌చ్చు.