Revanth Reddy | శ్రీలక్ష్మీ నరసింహ స్వామి ఆలయ ప్రాంగణంలో రావి మొక్క నాటిన రేవంత్

Revanth Reddy | సీఎం రేవంత్ రెడ్డి ఆదివారం మున్సిపల్ ఎన్నికల ప్రచారం కోసం భూపాలపల్లి జిల్లాలో పర్యటించారు. ఈసందర్భంగా జిల్లాలోని రేగొండ మండలం కొడవటంచ గ్రామంలో ఉన్న శ్రీ లక్ష్మీ నరసింహ స్వామి ఆలయాన్ని దర్శించుకున్నారు. రూ.12.15 కోట్ల నిధులతో ఆలయ పున:ప్రతిష్ఠాపన పనులకు శంకుస్థాపన చేశారు. రూ.74.15 కోట్లతో అతిథి గృహాలు, అంతర్గత రోడ్లను ప్రారంభించి అనంతరం ఆలయ ప్రాంగణంలో సీఎం రావి మొక్కను నాటారు. ఈసందర్భంగా సీఎం మాట్లాడుతూ.. కొడవటంచ గ్రామాన్ని ఆధ్యాత్మిక కేంద్రంగా, పర్యాటక ప్రాంతంగా అభివృద్ధి చేస్తామన్నారు. ఈ కార్యక్రమంలో సీఎంతో పాటు రాష్ట్ర మంత్రులు పొంగులేటి శ్రీనివాస్ రెడ్డి, దుద్దిల్ల శ్రీధర్ బాబు, కొండా సురేఖ, స్థానిక ఎమ్మెల్యే గండ్ర సత్యనారాయణ రావు, తదితరులు పాల్గొన్నారు.