Viral Video | రద్దీ రోడ్డుపై నాలుగు కార్లతో యువకుల డేంజరస్ స్టంట్స్

Viral Video | యువతే దేశానికి బలం అని, యువశక్తే దేశ సంపద అని చెప్పుకోవడం కాదు.. అసలు మన దేశ యువత ఏం చేస్తున్నారో చూస్తే మన దేశం ఎటుపోతోంది అని అనక తప్పదు. ప్రస్తుతం సోషల్ మీడియాలో వైరల్ అవుతున్న ఓ వీడియోను చూస్తే ముక్కున వేలేసుకోవడం తప్పించి ఇంకేం చేయలేం. ఓవైపు ఢిల్లీలో వాయు కాలుష్యం ఎక్కువై ప్రజలు నానా ఇబ్బందులు పడుతుంటే.. మరోవైపు అదే ఢిల్లీలో కార్లు వేసుకొని రోడ్డు మీదికి వచ్చిన కొందరు యువకులు రోడ్డు మీద ఇతర వాహనదారులకు ఇబ్బంది కలిగేలా డేంజరస్ స్టంట్స్ చేశారు.

దీనికి సంబంధించిన వీడియో సోషల్ మీడియాలో వైరల్ అవుతోంది. ఒకటి కాదు.. రెండు కాదు.. ఏకంగా నాలుగు కార్లతో రోడ్డు మీద చాలా విన్యాసాలు చేశారు. ఒకరు సన్ రూఫ్ ఎక్కి, కొందరు కార్ల విండోస్ తీసి బయటికి వచ్చి రచ్చ చేయడం, అరవడం.. ఇలా వాళ్లు చేయని సాహసాలు లేవు. వీళ్ల పిచ్చి విన్యాసాలను వెనుక వస్తున్న ఓ వాహనదారుడు వీడియో తీసి సోషల్ మీడియాలో పోస్ట్ చేశాడు. ఐటీవో నుంచి సారయ్ కాలే ఖాన్ రూట్‌లో రింగ్ రోడ్ మీద వీళ్ల విన్యాసాలు చూడండి. ఢిల్లీ పొల్యూషన్ వల్ల చాలామంది లంగ్స్‌కి సమస్య వస్తుందని అనుకుంటే వీళ్లకు మాత్రం బెయిన్ పని చేయకుండా పోయినట్లుంది.. అంటూ ఓ వ్యక్తి ఈ వీడియోను పోస్ట్ చేశాడు. ఆ వీడియో ట్రాఫిక్ పోలీసుల దృష్టికి కూడా వచ్చినట్లు తెలుస్తోంది. ఆ వాహనాల వివరాలు సేకరించి భారీ ఫైన్ వేసేందుకు పోలీసులు కూడా సన్నద్ధం అవుతున్నారు.

📍Delhi: Reckless driving on Ring Road from ITO towards Sarai Kale Khan.
Seems like Delhi’s pollution is hitting brains harder than lungs.
Extremely dangerous driving, risking lives on a public road.
📹 10:44 PM | 26 Dec
Strict action needed.

pic.twitter.com/sr2zjjUppJ

— Deadly Kalesh (@Deadlykalesh) December 27, 2025