Nizamabad | ఇన్సూరెన్స్ డ‌బ్బుల కోసం భ‌ర్త‌ను హ‌త్య చేసిన భార్య‌

ప్రియుడి మోజులో పడి ఘాతుకం నిజామాబాద్ జిల్లాలో ఘటన Nizamabad | ఓ మహిళ ఏకంగా ఇన్సూరెన్స్ డబ్బుల కోసం ఏకంగా కట్టుకున్న భర్తనే హతమార్చింది. ప్రియుడి మోజులో పడి ఈ ఘాతుకానికి పాల్పడింది. భర్తను చంపి గుండెపోటుతో నాటకమాడగా.. చివరకు పోలీసులకు అడ్డంగా దొరికిపోయింది. ఈ ఘటన నిజామాబాద్ జిల్లా మాక్లూర్ మండలం బోర్గాం(కే) గ్రామంలో చోటు చేసుకుంది. ఈ ఘటన అందరినీ షాక్కు గురి చేసింది. వివరాల్లోకి వెళితే బొర్గాం గ్రామానికి చెందిన పట్టాటి రమేశ్ అనే వ్యక్తి ఇటీవల అనుమానాస్పద స్థితిలో ప్రాణాలు చనిపోయాడు. కుటుంబీకులు, గ్రామస్తులు గుండెపోటుగా భావించారు. మృతుడి భార్య సౌమ్య కన్నీరు మున్నీరుగా రోదిస్తూ గుండెపోటుగా అందరినీ నమ్మించింది. అయితే, రమేశ్ మెడపై గాయాలు ఉండడం, సౌమ్య ప్రవర్తనలో మార్పును గమనించిన పలువురు మృతుడి సోదరుడికి సమాచారం ఇచ్చారు. అతని ఫిర్యాదు మేరకు పోలీసులు కేసు నమోదు చేసి దర్యాప్తు ప్రారంభించారు. రమేశ్ మృతదేహాన్ని వెలికి తీయించి పోస్టుమార్టం చేయించారు. నివేదికలో రమేశ్ది హత్యగా తేలింది. సౌమ్యను అదుపులోకి తీసుకొని విచారించారు. సౌమ్య ఒక ప్రైవేట్ స్కూల్లో టీచర్గా పని చేస్తుంది. అదే పాఠశాలలో పీఈటీగా పని చేస్తున్న దిలీప్తో పరిచయం ఏర్పడింది. ఆ పరిచయం వివాహేతర సంబంధానికి దారి తీసింది. ఈ విషయం తెలిసిన రమేశ్ ఇద్దరిని హెచ్చరించినట్లుగా సమాచారం. రమేశ్పై రూ.2కోట్ల వరకు బీమా ఉన్నది. ప్రియుడు దిలీప్పై మోజుతో పాటు ఇన్సూరెన్స్ సొత్తుపై ఆశతో రమేశ్ను అడ్డు తొలగించుకునేందుకు ప్లాన్ వేసింది. డిసెంబర్ 19న రమేశ్ రాత్రి భోజనం చేయగానే.. సౌమ్య నిద్రమాత్రలు కలిపిన నీటిని భర్తకు ఇచ్చింది. ఆ నీటిని తాగి రమేశ్ నిద్రలోకి వెళ్లాడు. ఆ తర్వాత ఆమె ప్రియుడు దిలీప్తో పాటు అతని ఫ్రెండ్ అభిషేక్ కలిసి రమేశ్ మెడకు టవల్చుట్టి, ముఖంపై దిండుపెట్టి ఊపిరాడకుండా చంపేశారు. మరుసటి రోజు రమేష్ గుండెపోటుతో చనిపోయాడని చెప్పి అంత్యక్రియలు నిర్వహించారు. అయితే, రమేశ్ మెడపై స్వల్పంగా గాయాలను పలువురు గ్రామస్తులు గుర్తించారు. ఇదే విషయాన్ని విదేశాల్లో ఉన్న సోదరుడికి సమాచారం ఇచ్చారు. దాంతో అతడు పోలీసులకు ఫిర్యాదు చేశారు. పోలీసులు రమేశ్ సమాధిని తవ్వించి.. మృతదేహాన్ని పోస్టుమార్టానికి తరలించారు. నివేదికలో సహజ మరణం కాదని నివేదికలో తేలింది. పోలీసుల విచారణలో సౌమ్యతో పాటు ఆమె ప్రియుడు నేరాన్ని అంగీకరించారు.

Nizamabad | ఇన్సూరెన్స్ డ‌బ్బుల కోసం భ‌ర్త‌ను హ‌త్య చేసిన భార్య‌

FOLLOW US

ట్యాగ్స్:

సంబంధిత వార్తలు

Dasoju Sravan Kumar | రేవంత్ రెడ్డి రియల్ ఎస్టేట్ గద్ద అవతారం ఎత్తిండు : ఎమ్మెల్సీ దాసోజు శ్రవ‌ణ్ కుమార్‌

WPL 2026 | వుమ‌న్స్ ప్రీమియ‌ర్ లీగ్‌కు రెడీ.. టోర్నీ పూర్తి షెడ్యూల్ ఇదే..!

RS Praveen Kumar | కేసీఆర్‌, కేటీఆర్ స‌హా బీఆర్ఎస్ నేత‌ల‌ను జైలుకు పంపే కుట్ర : ఆర్ఎస్ ప్ర‌వీణ్‌కుమార్‌

ఫీచర్డ్ వార్తలు

Champion Review | ఛాంపియ‌న్ రివ్యూ – శ్రీకాంత్ కొడుకు సినిమా హిట్టా? ఫ‌ట్టా?

Bus Fire Accident | ప్రైవేట్ స్లీపర్ బస్‌ని ఢీకొట్టిన ట్రక్.. మంటలు చెలరేగడంతో 9 మంది సజీవ దహనం

తాజావార్తలు

పాపులర్

Dasoju Sravan Kumar | రేవంత్ రెడ్డి రియల్ ఎస్టేట్ గద్ద అవతారం ఎత్తిండు : ఎమ్మెల్సీ దాసోజు శ్రవ‌ణ్ కుమార్‌

Toxic Teaser Trolls | య‌శ్ టాక్సిక్ టీజ‌ర్ - డైరెక్ట‌ర్‌ను ఏకిప‌డేస్తున్న నెటిజ‌న్లు - కార‌ణమిదే?

Actress Ramya | 'మగవారి మనస్తత్వం కుక్కల కంటే హీనం.. అందరినీ జైల్లో పెట్టాలి': నటి రమ్య సంచలన వ్యాఖ్యలు

POPULAR LINKS

WPL 2026 | వుమ‌న్స్ ప్రీమియ‌ర్ లీగ్‌కు రెడీ.. టోర్నీ పూర్తి షెడ్యూల్ ఇదే..!

KCR | బాగున్నారా.. అమ్మా.. మహిళా మంత్రులకు కేసీఆర్ ఆత్మీయ పలకరింపు