Actress Ramya | ‘మగవారి మనస్తత్వం కుక్కల కంటే హీనం.. అందరినీ జైల్లో పెట్టాలి’: నటి రమ్య సంచలన వ్యాఖ్యలు

Actress Ramya | ప్రముఖ కన్నడ నటి, మాజీ ఎంపీ రమ్య తీవ్ర వ్యాఖ్యలు చేసింది. ఇటీవల వీధి కుక్కలపై సుప్రీంకోర్టు చేసిన వ్యాఖ్యలను ఆమె మగాళ్లకు ఆపాదించింది. మగాళ్లు కూడా కుక్కల లాంటి వారే అన్నట్టుగా సోషల్ మీడియాలో పోస్టు పెట్టింది. దీంతో ఆ మ్యాటర్ కాస్త సీరియస్ అయి సోషల్ మీడియాలో తీవ్రమైన విమర్శలను ఎదుర్కొంటున్నది. రమ్య అసలు పేరు దివ్య స్పందన. కానీ.. సినిమాల్లో రమ్యగానే అందరికీ పరిచయం. వీధి కుక్కలకు ఎప్పుడు ఎలాంటి మూడ్ ఉంటుందో ఎలా చెప్పగలం? అవి రోడ్ల మీదికి వచ్చి ఎందుకు, ఎప్పుడు, ఎలా దాడి చేస్తాయో ఎవ్వరూ ఊహించలేరు కాబట్టి అవి షెల్టర్లలో ఉంటేనే బెటర్ అని సుప్రీం కోర్టు ఇచ్చిన తీర్పును ఉటంకిస్తూ మగాళ్లు కూడా అంతే. వాళ్ల మూడ్ని గుర్తించలేం. ఎప్పుడు వాళ్లు మర్డర్ లేదా అత్యాచారం చేస్తారో ఎలా తెలుస్తుంది? అందుకే మగాళ్లందరినీ జైలులో పెట్టడం కరెక్ట్ అంటూ సోషల్ మీడియాలో పోస్ట్ పెట్టింది దివ్య. రమ్య చేసిన ఈ వ్యాఖ్యలపై సోషల్ మీడియాలో భిన్నాభిప్రాయాలు వ్యక్తమవుతున్నాయి. కొందరు మహిళా నెటిజన్లు ఆమె ఆవేదనను సమర్థిస్తుండగా, మరికొందరు మాత్రం పురుషులందరినీ ఒకేలా చూడటం సరైంది కాదని మండిపడుతున్నారు. "అపరాధులు ఎవరో వారిని శిక్షించాలి కానీ, మొత్తం పురుష జాతిని కించపరచడం కరెక్ట్ కాదు" అంటూ నెటిజన్లు కామెంట్స్ చేస్తున్నారు.