Chirumalla Rakhesh Kumar | విద్య‌మ్మ‌కు రేవంత్‌ విడాకులిచ్చిండేమో.. ఒక్క రూపాయీ ఇస్త‌లేడు

• యూనివ‌ర్సిటీల‌కు పేర్లు పెట్ట‌డం త‌ప్పా ఐదు పైస‌లు కూడా ఇవ్వ‌లే
• వెంట‌నే నిధులివ్వకుంటే పెద్ద ఎత్తున ఉద్య‌మిస్తాం
• కార్పొరేషన్ మాజీ చైర్మన్ డాక్టర్‌ చిరుమళ్ల రాకేశ్ కుమార్ హెచ్చ‌రిక‌

Chirumalla Rakhesh Kumar | త్రినేత్ర న్యూస్‌: ఉస్మానియాకు వెయ్యి కోట్లు, చాక‌లి ఐల‌మ్మ యూనివ‌ర్సిటీకి ఇస్తామ‌న్న రూ.500 కోట్లు ఏమ‌య్యాయ‌ని కార్పొరేషన్ మాజీ చైర్మన్ డాక్టర్‌ చిరుమళ్ల రాకేశ్ కుమార్ నిల‌దీశారు. రేవంత్ రెడ్డి యూనివర్సిటీలకు పేర్లు పెట్టడం తప్ప రూపాయి కూడా ఇవ్వలేదన్నారు. విద్య‌మ్మ‌కు రేవంత్ విడాకులిచ్చిన‌ట్టున్నాడ‌ని.. అందుకే ఒక్క రూపాయీ ఇస్త‌లేడ‌న్నారు. పాలిటెక్నిక్ కళాశాలల తరహాలో ఓయూ ఏమ‌వుతుందో అనే భ‌యం నెల‌కొంద‌ని ఆందోళ‌న వ్య‌క్తం చేశారు. తెలంగాణ భ‌వ‌న్‌లో శ‌నివారం ఆయ‌న మీడియాతో మాట్లాడుతూ రేవంత్‌పై తీవ్ర స్థాయిలో ఫైర‌య్యారు. ఓయూ అభివృద్ధికి ఎన్ని కోట్లు ఖ‌ర్చు చేశారో శ్వేత‌ప‌త్రం విడుద‌ల చేయాల‌ని డిమాండ్ చేశారు.

ఇద్ద‌రు భార్య‌ల‌ని ప్రొఫెస‌ర్ కాసీం చెప్పిండు..

మా రేవంత్ రెడ్డికి ఇద్దరు భార్యలని ప్రొఫెసర్ కాసిం చెప్పిండు. ఒకరు గీతమ్మ అయితే మరొకరు విద్యమ్మ అని అన్న‌డు. మరి విద్యమ్మకి రేవంత్ రెడ్డి విడాకులు ఇచ్చిన‌ట్టున్న‌డు అనుకుంటా. విద్యాశాఖకి ఒక్క‌ రూపాయి కూడా ఇస్త‌లేడు. కానీ గీతమ్మకు మాత్రం షోరూంల మీద షోరూంలు, స్కూళ్లు ఓపెన్ చేయిస్తున్నడు. ఏ స‌భ‌కు పోయినా వెయ్యి కోట్లు, రెండు వేల కోట్లు, ల‌క్ష కోట్లు అని ప్ర‌క‌టించుకుంట పోత‌డు. కానీ ఇయ్య‌నైతే ఇయ్య‌డు. మ‌హిళా యూనివ‌ర్సిటీకి చాక‌లి ఐల‌మ్మ పేరు వెట్టిండు. కొత్త‌గూడెంలో ఉన్న మైన్స్ యూనివ‌ర్సిటీకీ మ‌న్మోహ‌న్ సింగ్ పేరు వెట్టిండు. పేర్లు వెట్టిండు.. కానీ రూపాయి గూడా ఇయ్య‌లే.

ఉస్మానియా విశ్వవిద్యాలయానికి వెయ్యి కోట్లు ఇస్తామని 2025, డిసెంబర్ లో సీఎం రేవంత్ రెడ్డి ప్రకటించారు. చాకలి ఐలమ్మ యూనివర్సిటీకి 500 కోట్లు మంజూరు చేసినట్లు తెలిపారు. కానీ ఐదు పైసలు కూడా ఇవ్వకుండా కాగితాలు చేతిలో పెడితే ఎలా? ఓయూ విద్యార్థులకు హాస్టల్ వసతి కోసం 200 కోట్లు కూడా ఇవ్వడం లేదు. రేవంత్ రెడ్డి యూనివర్సిటీలకు పేర్లు పెట్టడం తప్ప చేసిందేమీ లేదు.

ఫీజ్ రీఎంబర్స్ మెంట్, మెస్ బకాయిలు కూడా రావడం లేదు. ఎఫ్‌డీల వడ్డీలతో జీతాలు ఇవ్వాల్సిన పరిస్థితి ఏర్పడింది. ప్రభుత్వం వెంటనే నిధులు విడుదల చేయాలి. లేదంటే బీఆర్ఎస్, విద్యార్థి విభాగం తరఫున పెద్ద ఎత్తున ఉద్యమిస్తాం అని రాకేశ్ కుమార్ హెచ్చ‌రించారు.

మా రేవంత్ రెడ్డికి ఇద్దరు భార్యలు ఒకరు గీతమ్మ అయితే మరొకరు విద్యమ్మ అని ప్రొఫెసర్ కాసిం చెప్పాడు

మరి విద్యమ్మకి రేవంత్ రెడ్డి డివోర్స్ ఇచ్చాడు అనుకుంటా విద్యాశాఖకి రూపాయి కూడా కేటాయించలేదు

కానీ గీతమ్మకు మాత్రం షోరూంల ఓపెన్ చేయిస్తున్నాడు

ఇవాళ OUకి హాస్టల్ కోసం రూ.200 కోట్లు… https://t.co/W7rqTD3RAX pic.twitter.com/nv9KGX9wwh

— Telugu Scribe (@TeluguScribe) October 3, 2026