Twin Wedding | క‌వ‌ల‌ల‌ను పెండ్లి చేసుకున్న ట్విన్స్ బ్ర‌ద‌ర్స్‌.. కామారెడ్డిలో అరుదైన ఘ‌ట‌న‌

Twin Wedding | త్రినేత్ర‌.న్యూస్‌: పెండ్లిని స్వ‌ర్గంలో నిర్ణ‌యిస్తార‌ని అంటారు.. ఈ న‌లుగురు క‌వ‌లల వివాహాన్నీ (Twin Wedding) ఆ భ‌గ‌వంతుడు ముందే నిర్ణ‌యించాడేమో. సాధారణంగా పెండ్లి వేడుకల్లో వధూవరుల జంట చూడముచ్చటగా ఉంటే బంధుమిత్రులు మురిసిపోతుంటారు. అలాంటిది, ఒకేలా ఉండే ఇద్దరు అబ్బాయిలు.. ఒకేలా ఉంటే ఇద్దరు అమ్మాయిలను వివాహం చేసుకుంటే.. ఆ పెండ్లికి హాజ‌ర‌య్యే బంధువుల మురిపెం ఇంకెంత ఉంటుందో చెప్పాల్సిన ప‌నేలేదు. ఇలాంటి ఘ‌ట‌నే కామారెడ్డి (Kamareddy) జిల్లా మాచారెడ్డి మండలం ఘన్‌పూర్లో చోటుచేసుకుంది.

ఘ‌న్‌పూర్‌కి చెందిన దుంపటి విజయ్, వినయ్ కవలలు. చ‌డ‌టానికి ఇద్ద‌రూ అచ్చం ఒకేలా ఉంటారు. అలాగే తాడ్వాయి మండలం దేమి కలాన్ గ్రామానికి చెందిన కుమ్మరి కీర్తన, కీర్తిలు కూడా కవలలు. వీరిద్దరూ కూడా ఒకే రూపురేఖలతో ఉంటారు. ఒకే పోలికలతో జన్మించిన ఈ రెండు జంటలు మూడు ముళ్ల‌ బంధంతో ఒకటయ్యారు. ఈ రెండు జంటలు విజయ్-కీర్తన, వినయ్-కీర్తి ఒకే ముహూర్తానికి వివాహం జ‌ర‌గ‌డం గ‌మ‌నార్హం. చూడ‌ముచ్చ‌ట‌గా ఉన్న ఈ క‌వ‌ల‌ల‌ జంట‌ల‌ను చూసి ఆశ్చ‌ర్య‌పోవ‌డం అంద‌రి వంత‌య్యింది. ఇద్దరు కవలలు, మరో ఇద్దరు కవలలను వివాహం చేసుకోవడం చాలా అరుదని స్థానికులు సంతోషం వ్యక్తం చేశారు.

https://x.com/jsuryareddy/status/2026183335295557801