Cristiano Ronaldo | ప‌దేండ్లుగా డేటింగ్‌.. ఎట్ట‌కేల‌కు వివాహ‌బంధంలోకి రొనాల్డో

Cristiano Ronaldo | త్రినేత్ర‌.న్యూస్‌: ఫుట్‌బాల్ దిగ్గ‌జం, పోర్చుగల్ (Portugal) స్టార్‌ ప్లేయర్ క్రిస్టియానో రొనాల్డో (Cristiano Ronaldo) ఎట్ట‌కేల‌కు పెండ్లి పీట‌లెక్క‌నున్నాడు. తన ప్రేయసి జార్జినా రోడ్రిగ్స్‌ను (Georgina Rodriguez) వివాహం (Wedding) చేసుకోనున్నాడు. ఈమేరకు రొనాల్డో స్వ‌యంగా ప్ర‌క‌టించారు. వీరిద్ద‌రు దాదాపు పదేండ్లుగా డేటింగ్​లో ఉండ‌టం గ‌మ‌నార్హం. తన అధికారిక ఇన్‌స్టాగ్రామ్‌ ఖాతాలో జార్జినాతో కలిసి దిగిన ఫొటోను అభిమానులతో పంచుకున్నాడు. 'సీ హర్ట్ సింబల్ జీ' అంటూ పోస్ట్​కు చిన్న క్యాప్షన్ ఇచ్చాడు. క్రిస్టియానో, జార్జినా పేర్లలోని తొలి అక్షరాలతో ఈ క్యాప్షన్‌ రూపొందించారు.

ఆ ఫొటోలో అత‌డు, జార్జినా ఒకరి చేతిని మరొకరు పట్టుకుని కనిపించారు. ఇద్దరి చేతులకు పెండ్లి ఉంగరాలు ఉన్నాయి. ఈ ఫొటోతోనే తమ వివాహాన్ని రొనాల్డో అధికారికంగా వెల్లడించారు. 2016 నుంచి జార్జినాతో డేటింగ్‌లో ఉన్నాడు. రొనాల్డో పోస్ట్‌ చేసిన కొద్దిసేపటికే అభిమానులు, ఫుట్‌బాల్‌ ప్రపంచం నుంచి శుభాకాంక్షలు వెల్లువెత్తాయి.

పెండ్లి కాకుండానే ఐదుగురు పిల్ల‌ల‌కు తండ్రి..

రిచెస్ట్ ఫుట్‌బాల‌ర్ ( Football Star) అయిన రొనాల్డో పెండ్లి చేసుకోకుండానే ఐదుగురు పిల్ల‌ల‌కు తండ్రి అయ్యాడు. 2010లో త‌న కుమారుడు జూనియ‌ర్ రొనాల్డోను ఈ ప్ర‌పంచంలోకి ఆహ్వానించాడు. అయితే త‌న కుమారుడి త‌ల్లి వివ‌రాల‌ను మాత్రం ఇప్ప‌టికే అత‌డు గోప్యంగా ఉంచాడు.

2017లో స‌రోగ‌సి ద్వారా క‌వ‌ల‌లు ఇవా మారియా, మేటియో రొనాల్డోకు జ‌న్మ‌నిచ్చాడు. వీరి త‌ల్లి వివ‌రాలు కూడా అందుబాటులో లేవు. ఇక 2017, న‌వంబ‌ర్‌లో జార్జినా, రొనాల్డో జంట‌కు అల‌నా మార్టినాకు జ‌న్మించింది. ఆ త‌ర్వాత 2022లో క‌వ‌ల‌లు ఎస్మెరెల్డా, ఏంజెల్ జిన్మించారు. అయితే ఏంజెల్ పుట్టిన కాసేప‌టికే మర‌ణించాడు.

Cristiano Ronaldo marries Georgina Rodriguez. pic.twitter.com/W9NSVlguvP

— Globe Eye News (@GlobeEyeNews) August 11, 2026

Cristiano Ronaldo finally MARRIES Georgina Rodríguez

The football star announced the WEDDING by sharing a photo of their rings from the ceremony in Cascais, Portugal signing off with 'C❤️G' pic.twitter.com/4t3qKeE0zz

— RTVisual (@RT_Visual_on_X) August 11, 2026