Holidays | రెండో శ‌నివారం, బోనాలు.. వ‌రుస‌గా మూడు రోజులు సెల‌వులు

Holidays | త్రినేత్ర‌.న్యూస్‌: విద్యార్థులు ఎగిరిగంతేసే వార్త‌.. ఈ వీకెండ్‌లో వ‌రుస‌గా మూడు రోజులు స్కూళ్ల‌కు సెల‌వులు (Holidays) రానున్నాయి. ఆగ‌స్టు 8 నుంచి 10 వ‌ర‌కు మూడు రోజుల‌పాటు పాఠ‌శాల‌ల‌కు విరామం (School Holidays) ల‌భించ‌నుంది. ఈ నెల 8న రెండో శ‌నివారం. దీంతో చాలావార‌కు స్కూళ్లు, కాలేజీల‌కు సెల‌వు ఉంటుంది. ఇక ఆగ‌స్టు 9న ఆదివారం. సాధారణంగానే సెలవు. అదేరోజు హైద‌రాబాద్‌లోని చాలా ప్రాంతాల్లో బోనాల ( Bonalu) పండుగ‌. మ‌రుస‌టి రోజు అంటే సోమ‌వారం రంగం కార్య‌క్ర‌మం నిర్వ‌హిస్తారు. ఈ నేప‌థ్యంలో ప్ర‌భుత్వం అధికారికంగా సెల‌వు ప్ర‌క‌టించింది.

ఇక త‌ర్వాతి వారంలోనూ మ‌రోసారి మూడు రోజుల‌పాటు సెల‌వులు వ‌చ్చే అవ‌కాశం ఉంది. ఆగ‌స్టు 15న జెండా వందనం (Independence Day). ఆ రోజు త‌ర‌గ‌తులు ఉండ‌వు. ఆగ‌స్టు 16 ఆదివారం. మ‌రుస‌టి రోజు నాగుల‌పంచ‌మి. ఆ రోజున ప్ర‌భుత్వం ఐచ్చిక (ఆప్ష‌న‌ల్‌)సెల‌వుగా ప్ర‌క‌టించింది. ఇది పాఠ‌శాల‌ల నిర్ణ‌యంపై ఆధార‌ప‌డి ఉంటుంది. కాగా, స్కూల్ క్యాలండ‌ర్ ప్రకారం ఆగ‌స్టు నెల‌లో మొత్తం 22 ప‌నిదినాలు ఉంటాయి.